Zaaburi 110
110
Ruhanga okuha Kristo obushoboorozi bw'okutegyeka
Zaaburi ya Daudi
1 #
Mak 12:36; Byak 2:34, 35; 1 Kor 15:25; Heb 1:13; 10:12, 13. MUKAMA akagambira Mukama wangye ati:
Shutama aha rubaju rwangye rwa buryo,
Okuhitsya obu ndigira abazigu baawe akatebe k'ebigyere byawe.
2 #
Zab 45:6; Dan 7:14. MUKAMA aryayohereza enkoni y'obushoboorozi bwawe, ari omuri Saayuuni;
Otegyekye ahagati omu bazigu baawe.
3 #
Zab 96:9; Bar 5:2. Abantu baawe baryayehayo beekundiire aha izooba eri origabiraho engabo,
Abatsigazi baawe baije ah'ori nk'ekime,
Bajwaire eby'obwecumi ebirikwera, baimukire kare omu kasheeshe.
4 #
Kut 14:18; Kub 23:19; Zek 6:13; Heb 5:6; 6:17, 18, 20; 7:17, 21. MUKAMA akarahira, kandi taryefuuza, naagira ati:
Ori omunyamurwa w'ebiro byona omu muringo gwa Melikizedeki.
5 #
Zab 2:5, 12; 16:8; Rom 2:5; Kush 11:18. Mukama ari aha rubaju rwawe rwa buryo;
Aryacwanyagura abagabe aha izooba ry'ekiniga kye.
6 #
Zab 68:21; Isa 2:4; Yoel 3:12. Aryacwa emanja omu mahanga.
Aryaijuza emyanya emitumbi,
Ayatagurire emitwe y'engabo omu mwanya gugarami.
7Aryanywa aha kagyera k'omu muhanda;
Nikyo kirimureetera kwimutsya omutwe.
Currently Selected:
Zaaburi 110: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
