Zaaburi 109
109
Okushaba Ruhanga okuzimuurira ababi ebi baamukoreire Aha Mukuru w'abeeshongozi.
Zaaburi ya Daudi
1 #
Zab 83:1; Yer 17:14. Ai Ruhanga ou ntuura nimpimbisa, oteetsiza,
2Ahakuba bakanyashamira n'akanwa k'obubi n'obugobya,
Nibambeiherera.
3Bantangatangire n'ebigambo by'orwango,
Nibandwanisiza busha.
4 #
Zab 38:20. Okukunda oku ndikubakunda bakuzimwire okuba abazigu bangye;
Kwonka nyowe nguma ninshaba.
5 #
Zab 35:12. Batyo banzimuriire ebibi ahabw'ebirungi,
Na rwango ahabw'okubakunda.
6Omutegyekyese omubi;
Omuregi amwemerere aha rubaju rwa buryo.
7 #
Enf 28:9. Ku araacwerwe orubanja, ashohore rumusingire;
Okushaba kwe kuhindukye ekibi.
8 #
Yoh 17:12; Byak 1:20. Ebiro by'amagara ge bituube,
Obureeberezi bwe butwarwe ondiijo.
9 #
Kur 22:24; Yer 18:21. Abaana be babe efuuzi,
N'omukazi we abe omufaakazi.
10 #
Zab 59:15; Kut 4:12. Abaana be babe ebizengyerezi, basheegye;
Babingwe omu matongo ahu baabaire batwire.
11Omwihuza anyagye byona ebi aine;
Abanyamahanga banyagye ebi yaahendekyeire.
12 #
Yob 5:4. Hatarigira owaamugirira embabazi,
N'obu yaakuba ow'okusaasira efuuzi ze.
13 #
Zab 9:5; 21:10. Oruzaaro rwe rucwekyerezibwe;
Omu busingye oburiija eiziina ryarwo ryebe.
14 #
Kur 20:5; Neh 4:5. Okutahikiirira kwa baishenkuru kwijukwe MUKAMA,
N'ekibi kya nyina kirekye kuragazibwa!
15 #
Zab 34:16; 90:8; Yob 18:17. Bigume omumaisho ga MUKAMA obutoosha,
amareho okwijukwa kwabo omu nsi;
16Ahabw'okuba taraijukire kusaasira,
Kureka akahiiga omukyene n'enshoberwa,
N'ab'emitima ehendekire ngu abaite.
17 #
Ezk 35:6. Akakunda okukyeena; k'emikyeeno emuhikyeho;
Tarashemerereirwe kushabira abandi omugisha; nkaahenwa ki gumuza hare.
18Akaba ajwara okukyeena nk'ekijwaro;
Nkaahenwa ki kumuza omunda nk'amaizi, kandi nk'amajuta omu magufa ge.
19Kumuhindukira nk'omunagiro ogu ayehumbikire,
N'omushumi ogu ayezirikisa obutoosha.
20Ebyo bibe nibyo byaba ebihembo by'abazigu bangye ebirikuruga ahari MUKAMA,
N'abarikugamba kubi aha magara gangye.
21 #
Zab 69:16. Kwonka Iwe RUHANGA Mukama wangye, ahabw'eiziina ryawe ongirire eby'embabazi;
Onkize, ahabw'okuba okusaasira kwawe ni kurungi;
22Ahakuba ndi omukyene kandi enshoberwa;
N'omutima gwangye guhutaire omunda yangye.
23 #
Zab 102:11. Bingyendera kimwe, mpwaho nk'ekirengabazaana;
Nkunkumurwa, naaagwa nk'oruzigye.
24 #
Zab 35:13; Yob 16:8. Amaju gangye tigaine maani ahabw'okusiibakwo;
Omubiri gwangye guhururukire ahabw'okubura ebishaju.
25 #
Zab 22:6, 7; Isa 37:22; Mat 27:39. Mpindukire ekirikugaywa aharibo;
Ku barikundeeba, bazongoza emitwe yaabo.
26Mpwera, ai MUKAMA Ruhanga wangye;
Onjune, nk'oku embabazi zaawe ziri,
27 #
Yob 37:7. Babone kumanya ngu ebyo n'omukono gwawe;
Niiwe obikozire, ai MUKAMA.
28 #
2 Sam 16:12; Isa 65:14. Bo ka bakyeene, kwonka Iwe ohe omugisha;
Ku baraimukye, bakwatwe enshoni;
Kwonka omwiru waawe ashemererwe!
29 #
Zab 35:26; 71:13; Yob 8:22. Ababisha bangye bajwekwe okugaywa;
Beehumbikye enshoni zaabo nk'omunagiro.
30Ndyasiima MUKAMA munonga n'akanwa kangye;
Eego, ndyamuhimbisa omu iteeraniro rihango ry'abantu;
31 #
Zab 16:8. Ahakuba ayemerera aha rubaju rwa buryo rw'enshoberwa,
Okugikiza abarikugicwera orubanja rw'okufa.
Currently Selected:
Zaaburi 109: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
