Okubara 21
21
Abaisraeli okwitwa enjoka, n'okutambirwa enjoka y'omuringa
1Omugabe wa Aradi Omunyakanaani, owaabaire atwire Negebu, ku yaahuriire ngu Abaisraeli nibaija bareetsirwe omu muhanda gwa Asarimu, yaabarwanisa, yaakwatamu bamwe. 2Abaisraeli baahiga ahari MUKAMA nibagira bati: Ku oraaheyo eri ihanga omu mikono yaitu, nitwija kusheenyera kimwe endembo zaabo n'okuzicwekyereza. 3MUKAMA yaahurira Abaisraeli, yaahayo Abanyakanaani; Abaisraeli baabacwekyerereza kimwe hamwe n'endembo zaabo; ogwo mwanya baagweta Horuma.
4Baimutsya orugyendo okuruga aha rushozi Hoori, baatoora omuhanda ogurikuza aha Nyanja erikutukura, ngu beehinguririze ensi ya Edomu; emitima y'abantu yaafoobeera munonga ahabw'orugyendo; 5#Kur 16:3; Enf 27:7. baagamba kubi ahari Ruhanga n'ahari Musa, nibagira bati: Mukatwihira ki Misri okutureeta omuri eri ihamba kugwamu; ahakuba tiharimu by'okurya n'obu gaakuba amaizi, kandi tutamirwe eby'okurya ebi ebitaine ku biri. 6#1 Kor 10:9. MUKAMA yaayohereza omu bantu enjoka z'obushegu oburikubabiirira, zaabaruma; abantu baingi omu Baisraeli baafa. 7#Hos 5:15; Byak 8:24. Baayetuurira Musa, baagira bati: Tucumwire, ahabw'okuba tugambire kubi ahari MUKAMA n'ahariiwe; shaba MUKAMA atwiheho ezi njoka. Musa yaabashabira. 8MUKAMA yaagira Musa ati: Heesha enjoka ey'obushegu oburikubabiirira, ogihanikye aha muti; bwanyima oraarumwe enjoka weena, ku araagireebe, naakira. 9#2 Bag 18:4; Yoh 3:14, 15. Musa yaaheesha enjoka y'omuringa, yaagihanika aha muti; bwanyima omuntu weena owaabaire arumwa enjoka, ku yaabaire areeba ahari egyo njoka y'omuringa, akira.
10Abaisraeli baimutsya orugyendo, baateera orusiisira Obosi; 11baaruga Obosi, baateera orusiisira Iye-abariimu omu ihamba eririkureebana na Moabu aha rubaju rw'oburugwa-izooba. 12Okuruga aho baimutsya orugyendo, baateera orusiisira omu ruhanga rwa Zeredi; 13baarugayo baateera orusiisira seeri y'omugyera Arunooni, oguri omu ihamba ogurikuruga omu nsi y'Abaamori; ahakuba omugyera Arunooni gukaba guri omwatano gwa Moabu, ogurikutaanisa Moabu n'Abaamori. 14Nikyo kirikugambirwa omu kitabo ky'Engamba za MUKAMA ngu,
Wahebu omuri Suufa n'empanga za Arunooni
15Aharikushuuma omu mpanga
Hakahika aha mwanya ogu Aari atuuramu,
Ogwegamiire omwatano gwa Moabu
16 #
Kush 7:17. Baarugayo, baaza Beeri; eryo niryo iziba eri MUKAMA yaagambiireho Musa, obu yaamugira ati: Teerana hamwe abantu, mbahe amaizi. 17Bwanyima Abaisraeli nikwo kweshongora ekyeshongoro eki:
Imuka, oijure, iwe iziba 'we; muryeshongorere;
18Eiziba eryatimbirwe abanyiginya,
Eri abakuru b'abantu baafukwize enkoni y'ekitiinisa
N'ebikoni byabo.
Baaruga omu ihamba, baaza Matana; #Neh 3:15, 16. 19baarugayo, baaza Nahalieli; baarugayo, baaza Bamosi. 20Baaruga Bamosi, baaza omu ruhanga omu nsi ya Moabu, baahika aha mutwe gwa Pisiga aharikurengyera omu ihamba.
Abaisraeli okusingura Sihooni na Ogi
21 #
Bar 11:19-24. Abaisraeli baatuma entumwa ahari Sihooni omugabe w'Abaamori, nibagira bati: 22#Kub 20:17. Ka turabe omu nsi yaawe; titurikwija kuraba omu misiri, n'obu kwakuba okuraba omu misiri y'emizaabibu; kandi titurikwija kunywa amaizi g'omu maziba, kureka nitwija kuraba omu nguuto y'omugabe okuhitsya obu turaarugire kimwe omu nsi yaawe. 23Sihooni tiyaikiriza Abaisraeli kuraba omu nsi ye, kureka yaahuruza engabo ze zoona, yaaza omu ihamba kubarwanisa; yaahika Yahazi, yaarwanirayo nabo. 24#Bir 29:7; Zab 135:10, 11; Amo 2:9. Abaisraeli baamusinguza rurara, baakubuura ensi ye okutandikira ahari Arunooni okuhika Yaboki, aha mwatano gw'Abaamoni; ahabw'okuba omwatano gw'Abaamoni gukaba guri ogw'amaani. 25Abaisraeli baakwata ezo ndembo zoona, baatuura omuri ezo ndembo z'Abaamori, n'omuri Heshibooni n'omu birorero byayo byona. 26Ahakuba Heshibooni rukaba ruri orurembo rwa Sihooni omugabe w'Abaamori, owaarwaniise omugabe wa Moabu owa ira, akanyaga ensi ye yoona okuhitsya Arunooni. 27Nikyo abeeshongozi b'ebyeshongoro by'ebihimbano bagirira bati:
Nimwije Heshibooni,
Orurembo rwa Sihooni rwombekwe, ruhame.
28Ahabw'okuba omuriro gurugire Heshibooni,
Endimi z'omuriro zaaruga omu rurembo rwa Sihooni;
Zaayotsya Aari ey'omuri Moabu.
N'abakama b'ebibungo bya Arunooni.#Yer 48:45, 46; Bir 2:9.
29Oryareeba enaku, iwe Moabu!
Mwahwa, imwe abantu ba Kemoshi!
Areeteire batabani be kuhunga,
Na bahara be kuba enkwatwa
Z'omugabe Sihooni ow'Abaamori.#Bar 11:24; 1 Bag 11:7, 33.
30Tubarasire; Heshibooni yaacwekyerera okuhika Diboni,
Twahwerekyereza ensi okuhika Noofa
Okuhitsya obu omuriro guhikire Medeba.
31Batyo Abaisraeli baatuura omu nsi y'Abaamori. 32Musa yaatuma ab'okutata Yazeri, baakwata ebirorero byayo, baabingamu Abaamori abaabaire batwiremu. 33Baakuba, baatoora omuhanda ogurikuza Bashani; Ogi omugabe wa Bashani yaabahururira n'engabo ze zoona, yaarwanira nabo Edurei. 34#Bir 3:2-4. MUKAMA yaagira Musa ati: Otamutiina; ahakuba mmuhaireyo omu mikono yaawe n'abantu be boona n'ensi ye; omugire nk'oku waagizire Sihooni omugabe w'Abaamori, owaabaire atwire Heshibooni. 35Baamucwekyereza n'abatabani n'abantu be boona, okuhitsya obu hataratsigaireho n'omwe; n'ensi ye baagikubuura.
Currently Selected:
Okubara 21: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
