Okubara 17
17
Enkoni ya Arooni okutooka
1Kandi MUKAMA yaagira Musa ati: 2Gambira Abaisraeli bareete enkoni, emwe omuri buri ruganda rwa baishenkurubo, zireetwe abeebembezi baabo, nk'amaju ga baishenkurubo oku gari, enkoni zoona zibe ikumi na ibiri. Ohandiikye eiziina rya buri muntu aha nkoni ye. 3Kandi ohandiikye eiziina rya Arooni aha nkoni ya Leevi, ahakuba omukuru wa buri ruganda rwa baishenkuru naija kugira enkoni emwe; 4#Kur 25:22. ozibiikye omu Ihema ry'okubugaabuganiramu omu maisho g'Ebirikuhamya, ahu mbugaabuganira naimwe. 5#Kub 16:5. Enkoni y'omushaija ou ndaatoorane neija kutooka, ntyo mmareho okwetomboita omu maisho gangye oku Abaisraeli barikubeetomboitera. 6Musa yaabigambira Abaisraeli, abeebembezi baabo boona baamuha enkoni, buri mwebembezi yaamuha emwe, nk'enganda za baishenkurubo oku zaabaire ziri, enkoni zoona ikumi na ibiri; kandi n'enkoni ya Arooni yaaziteebwamu. 7#Kub 18:2; Byak 7:44. Musa yaazita omu maisho ga MUKAMA omu Ihema ry'Ebirikuhamya.
8Omu kasheeshe Musa ku yaataahire omu Ihema ry'Ebirikuhamya, yaashanga enkoni ya Arooni, ey'oruganda rwa Leevi, etookire, erabize kandi ereetsire enjuma zihiisize ezirikwetwa endozi. 9Musa yaashohoza enkoni zoona, naaziiha omu maisho ga MUKAMA, yaazireetera Abaisraeli boona, abo bakuru baazireeba, buri muntu yaatwara eye. 10#Heb 9:4; Kur 16:32-34. MUKAMA yaagira Musa ati: Garura enkoni ya Arooni omu maisho g'Ebirikuhamya, ebiikwe kuba akamanyiso k'okwomesereza abagomi, obone kumaraho okwetomboita oku barikuunyetomboitera, barekye kufa. 11Okwo nikwo Musa yaakozire; nk'oku MUKAMA yaamuragiire, yaaba nikwo yaakora.
12Abaisraeli baagira Musa bati: Reeba, nituhwerekyerera, twahwaho, twahwaho twena. 13#Kub 18:4, 7. Buri muntu orikwija akairira haihi Obutaaho gwa MUKAMA, naafa. Ebyo twahwaho twena?
Currently Selected:
Okubara 17: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
