Matayo 8
8
Yesu okukiza omubembe
1 #
Luk 5:12-14; Mak 1:40-44. Yesu ku yaashuumire naaruga omu kibungo, emitwe y'abantu baingi munonga yaamukuratira. 2Kandi reeba, haija omubembe, yaamutsimbira amaju, yaagira ati: Mukama wangye, ku oraabe nookunda, noobaasa kunshemeza. 3Yesu yaagorora omukono, yaamukoraho, yaamugira ati: Ninkunda; shemera! Ahonaaho ebibembe bye byashemezibwa. 4#Lev 13:49; 14:2-32; Mak 7:36. Yesu yaamuragiira ati: Oyerinde, otagira ou waagambira; kwonak irooko ogyende, oyeyorekye aha munyamurwa, oheyo eky'okusiima eki Musa yaaragiire, kibe eky'okuhamya omu maisho g'abantu.
5 #
Luk 7:1-10. Ku yaabaire naakitaaha omuri Kaperenaumu, haija omukuru w'abaserukare, yaamweshengyereza,#Yoh 4:47. 6naagira ati: Mukama wangye, omuheereza wangye abyami omu nju, azingazingirwe, naahururwa munonga. 7Yaamugarukamu naagira ati: Ka nyije, mmukize. 8Omukuru w'abaserukare yaamugarukamu naagira ati: Mukama wangye, tindi muntu ou oshemereire kutaaha omu nju ye; fa okugamba ekigambo kwonka, omuheereza wangye naija kukira. 9Manya naanye ndi omuntu orikutwarwa, kandi nyine abaserukare abu ndikutegyeka. Ku ndagiira omwe nti, Gyenda, agyenda; n'ondiijo nti, Ija, aija; n'omuhuuku wangye nti, Gira oti, nawe agira kwo. 10Yesu ku yaakihuriire, yaatangaara, yaagambira abaabaire bamukuratiire, ati: Tinkareebaga kwikiriza okurikwingana kuti, n'obu haakuba omu Baisraeli. 11#Luk 13:28, 29; Mal 1:11. Kandi nimbagambira nti: Baingi baryaruga oburugwa-izooba n'oburengyerwa-izooba, bashutame na Abrahamu na Isaaka na Yakobo omu bukama bw'omu iguru, 12#Mat 25:30. kwonka abaana b'obukama baryabingirwa aheeru omu mwirima; niho bariririra, bakanena enshaya. 13#Mat 15:28. Yesu yaagambira omukuru w'abaserukare ati: irooko oyegyendere; nk'oku waikiriza, kikukorerwe kityo. Omuheereza we yaakira omuri ako kanya.
Yesu okutambira nyinazaara wa Petero
14 #
Mak 1:29-34; Luk 4:38-41. Yesu ku yaataahire omu nju ya Petero, yaashanga nyinazaara abyami arwaire omushwija;#1 Kor 9:5. 15yaamukora aha mukono, omushwija gwamurugaho; yaimuka, yaamuheereza. 16Kandi ku bwabaire nibwira, baamureetera baingi abaabaire bariho baadaimoni, yaababingisa ekigambo kwonka, yaakiza boona abaabaire barwaire. 17#Isa 53:4. Ebyo byahikiiriza ebyagambirwe nabi Isaaya ati: We wenka akatwara obweremwa bwaitu, yaayekorera endwara zaitu.
Okukuratira Yesu
18 #
Mak 4:35. Yesu ku yaareebire emitwe mingi emwehinguririize, yaaragiira kwamubuka seeri. 19#Luk 9:57-60. Haija omuhandiiki, yaamugira ati: Mwegyesa, niinyija kukukuratira ahu oraaze hoona. 20#2 Kor 8:9. Yesu yaamugarukamu ati: Zaamuha ziine ebiina, n'enyonyi z'omu mwanya ziine ebyashuri; kwonka Omwana w'omuntu taine na h'okuta omutwe. 21#1 Bag 19:20. Ondi aha beegi be yaamugambira ati: Mukama wangye, reka, mbanze ngyende nziikye tata. 22Kwonka Yesu yaamugarukamu ati: Nkuratira; reka abafu baziikye abafu baabo.
Yesu okucureeza enyanja
23 #
Mak 4:36-41; Luk 8:23-25. Yesu ku yaagiire omu bwato, abeegi be baagyenda nawe. 24#Zab 4:8. Eihunga ry'amaani ryaija omu nyanja, ebingonzi byayeshuka omu bwato; kwonka We akaba agwejegyeire. 25Baija ah'ari, baamusisiimura nibagira bati: Mukama waitu, tujune, twafa. 26#Mat 14:31; 16:8. Yaababuuza ati: Nimutiina ki, imwe abaine okwikiriza kukye? Ahonaaho yaimuka, yaakabukira eihunga n'enyanja, byacureera munonga. 27Abashaija abo baatangaara, nibagira bati: Ogu ni muntu ki, ou eihunga n'enyanja birikuhurira?
Yesu okubinga baadaimoni aha bantu babiri
28 #
Luk 8:26-37; Mak 5:1-17. Ku yaayambukire seeri omu ishaza ry'Abagadarene, yaabuganwa abantu babiri abaabaire bariho baadaimoni, nibaruga omu bituuro, bagwire munonga eiraro, hatariho muntu owaakwehanga kuraba ogwo muhanda. 29Ku baamureebire, baayomba munonga nibagira bati: Noofa ki naitwe, Iwe Omwana wa Ruhanga? Oizire kutuburabuza, obunaku bwaitu butakahikire? 30Aho hakaba hariho omukumbi gw'empunu nyingi hangahari nizirya. 31Baadaimoni baamweshengyereza bati: Ku oraabe ori ow'okutubinga, twohereze omu mpunu. 32Yaabagira ati: Nimwirooko! Baarugamu, baataaha omu mpunu; ahonaaho empunu ezo zoona zaarigita, nizishuuma aha ibanga, zaahwera omu nyanja. 33Abariisa baazo bairuka, baataaha omuri tauni, baabagambira byona, n'ebyaba aha bantu abaabaire bariho baadaimoni. 34Ab'omuri tauni boona baahwayo, baija kubugana Yesu; kubaamureebire, baamweshengyereza kubarugira omu nsi.
Currently Selected:
Matayo 8: RR64
Highlight
Share
Copy
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964