Matayo 7
7
Okutacwererana manja
1 #
Rom 2:1. Mutaricwa orubanja, nyentsya naimwe mutarirucwerwa. 2#Mak 4:24. Ahabw'okuba orubanja oru mucwa, naimwe muryarucwerwa; kandi endengo ei murengamu, naimwe niyo murirengyerwamu. 3Ahabwenki nooreeba akatokoozi akari omu riihso rya mugyenzi waawe, haza empimbi eri omu ryawe otagyeteho? 4Nari shi noija kugambira mugyenzi waawe oti, Ka nkutokoore, haza obwo bwona empimbi eri omu riisho ryawe? 5Iwe ndyarya 'we, banza oyekize empimbi eri omu riisho ryawe, obone kureeba gye oku oraatokoore mungyenzi waawe. 6Mutariha embwa ekintu ekirikwera, nari okutambikira empunu #7:6 eruuru ni nk'otubaare oturikwera otw'obuguzi bwingi. eruuru zaanyu, zitakaaziribata, zikabahindukana, zikabarya.
7 #
Luk 11:9-13; Mak 11:24; Yoh 14:13; 16:23. Mushabe, muryaheebwa; musherure, muryazoora; mwiguze, muryaigurirwaho. 8Ahakuba omuntu weena oshaba aheebwa; osherura azoora; oiguza aigurirwaho. 9Ni muntu ki omuriimwe, ou omwana we yaakushaba omugaati, akmuha eibaare? 10Nari ku yaakushaba eky'enyanja, akaamuha enjoka? 11#Yak 1:17. Imwe ku muraabe nimumanya kuha abaana baanyu ebirungi, haza muri babi, Shoimwe ow'omu iguru tarikizaho kuha ebirungi abo abamushaba? 12#Rom 13:8-10. N'ahabw'ekyo byona ebi mwenda ngu abantu babagirire, naimwe mube nikwo mwabagirira; ahakuba ebyo nibyo Biragiro kandi n'ebya Baanabi.
Eby'Eirembo rifunzire
13 #
Luk 13:24; Yoh 10:7, 9. Mutaahire omu irembo erifunzire; ahakuba eirembo eririkutaasya omu kucwekyerera rigarami, n'omuhanda gwaryo guba muhango, kandi n'abagutooramu baba baingi; 14#Byak 14:22. kwonka eirembo eririkutaasya omu magara rifunzire, n'akahanda kaaryo kagumire, n'abakazoora baba bakye.
15 #
Mat 24:4, 5, 24; Byak 20:29. Mwerinde baanabi b'ebishuba ababaizira nibeeshushanisa nk'entaama, haza omunda bari emishega esheegire. 16#Gal 5:19-22. Muryabamanyira aha byana byabo. Hariho abaakushoroma emizaabibu aha munyinya, nari shi emitiini aha matojo? 17N'omuti gwona omurungi gwana ebyana birungi, kandi omuti omubi gwana ebyana bibi. 18Omuti murungi tigubaasa kwana byana bibi, kandi omuti mubi tigubaasa kwana byana birungi. 19#Yoh 15:2, 6. Omuti gwona ogutaana byana birungi gutemwa, gunagwa omu muriro. 20N'ahabw'ekyo muryabamanyira aha byana byabo. 21#Mat 21:29; Yak 1:22-25; 1 Kor 12:3. Omuntu weena orikungira ati: Mukama wangye, Mukama wangye, tiwe aritaaha mu bukama bw'omu iguru, kureka orikukora ebi Tata ow'omu iguru akunda. 22#Yer 27:15; Luk 13:25-27. Baingi baryayetonganira aha kiro ekyo bati: Mukama waitu, Mukama waitu, torikumanya ku twaburiire omu iziina ryawe, ku twabingire baadaimoni omu iziina ryawe, kandi ku twakozire eby'okutangaaza bingi omu iziina ryawe? 23#Mat 25:41; 2 Tim 2:19. Haza naanye ndyabagarukamu nti: Tinkabamanyaga; mundugye omumaisho, imwe abakora eby'obugomi!
Eby'enju ey'aha rukiri n'ey'aha musheenyi
24Buri muntu weena ohurira ebigambo byangye ebi, akabyorobera, naashushanisibwa n'omuntu ow'obwengye, owaayombekire enju ye aha rukiri; 25bwanyima enjura ekagwa, omwegyemure gukahimintika, eihunga rikahuuha, byona bikateera egyo nju, kwonka etagwe, ahabw'okuba ekaba eyombekirwe aha rukiri. 26Na buri muntu weena ohurira ebigambo byangye, atabyorobere, naashushanisibwa n'omuntu owaayombekire enju ye aha musheenyi; 27#Ezk 13:10, 11. bwanyima enjura ekagwa, omwegyemure gukahimintika, eihunga rikahuuha, bikateera egyo nju, ekagwa; n'okugwa kwayo kukaba kuhango. 28#Mak 1:22. Bwanyima Yesu, ku yaaherize kugamba ebigambo ebyo, abantu baatangaarira okwegyesa kwe, 29ahabw'okuba akabeegyesa nk'oine obushoboorozi, kwonka ti nk'abahandiiki.
Currently Selected:
Matayo 7: RR64
Highlight
Share
Copy
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964