Abaleevi 24
24
Eby'amajuta agarikwera, n'emigaati y'okumurika
1MUKAMA yaagira Musa ati: 2Ragiira Abaisraeli bakureetere amajuta marungi g'emizeituuni eshekwirwe ag'okuhemba, amatabaaza gabone kuguma nigaaka obutoosha. 3Enyima y'omukingo ogurikukingira Ebirikuhamya, omu Ihema ry'okubugaabuganiramu, Arooni abe niho yaaguma naagashemereza obutoosha, gabone kuguma nigaakira omu maisho ga MUKAMA okuruga omu mwabazyo okuhitsya omu kasheeshe. Ekyo kibe ekiragiro ekitarihwaho omu busingye bwanyu bwona. 4Arooni agume ashemereze ago matabaaza aha kikondo kyago eky'ezaabu eshemeziibwe, gaakire omu maisho ga MUKAMA.
5 #
Kur 25:30. Kandi oryatwara esaano y'obunono, ogiteekyemu obugaati bwa keeki ikumi na bubiri, ebicweka bibiri bya ikumi bya eefa birugwemu akagaati kamwe; 6#Heb 9:2. obute aha meeza y'ezaabu eshemeziibwe omu mishorongo ebiri ey'obugaati mukaaga-mukaaga omu maisho ga MUKAMA. 7Kandi aha mishorongo yombi oteho obubaane burungi oburikwetwa lebona, bubone kuheebwayo hamwe n'emigaati nk'ekiijutsyo eky'empongano ey'okuhongyera MUKAMA ey'okwotsya omu muriro. 8Buri sabato Arooni agite omu maisho ga MUKAMA obutoosha ahabw'Abaisraeli, kuba endagaano etarihwaho. 9#Mat 12:4. Kandi egyo migaati egume ebe eya Arooni n'abatabani bagiriire omu mwanya gurikwera, ahakuba n'erikwera munonga ahariwe omu mpongano ezihongyerwa MUKAMA ezokiibwe omu muriro; n'omugabo gwe ogw'ebiro byona.
Orubanja rw'abarikurogota aha iziina rya MUKAMA
10Hakaba hariho omwojo, mutabani w'Omwisraelikazi, ou yaazairweho Omunyamisri, owaizire n'Abaisraeli; omwojo ogwo akatonganira omu rusiisira n'omushaija Omwisraeli; 11#Yob 1:5; 2:5, 9. mutabani w'Omwisraelikazi yaarogota aha Iziina eryo, naakyeena; baamureeta ahari Musa. (Kandi nyina akaba naayetwa Shelomiisi muhara wa Diburi, ow'omu ruganda rwa Daani.) 12#Kub 15:34. Baamukingirana okuhitsya obunaku obu baraagambirirweho eki MUKAMA arikuragiira. 13MUKAMA yaagambira Musa ati: 14#Bir 17:7. Shohoza ogwo okyeenire aheeru y'orusiisira, abamuhuriire boona bamute engaro aha mutwe, abantu boona bamuteere amabaare. 15Kandi ogambire Abaisraeli oti: Omuntu weena orikyeena Ruhanga we aryagiibwaho orubanja rw'ekyo kibi; 16#Mak 3:28. kandi orirogota aha Iziina rya MUKAMA, aitwe; ab'eihanga ryona bamuteere amabaare; n'omunyaihanga nawe nk'omuntu enzaarwa, orirogota aha Iziina eryo, aitwe.
17 #
Kub 35:31; Kush 13:10. Oriita omuntu, aitwe. 18Oriita enyamaishwa etungirwe, agirihe; amagara garihwe agandi. 19#Mat 5:38; 7:2. Omuntu oriremaza mutaahi we, nawe aihurwe eki amukozire; 20obuhuta burihwe obundi; eriisho ririhwe erindi; eriino ririhwe erindi; nk'oku omuntu ariba aremaize ondiijo, nawe abe nikwo yaihurwa. 21Oriita enyamaishwa etungirwe, agirihe; n'oriita omuntu, aitwe. 22#Kur 12:49. Omunyaihanga n'enzaarwa bagire ekiragiro kimwe. Niinye MUKAMA Ruhanga waanyu.
23 #
Bir 13:9. Musa yaaragiira Abaisraeli, baatwara ogwo owaakyeenire aheeru y'orusiisira, baamwitsa amabaare. Okwo nikwo Abaisraeli baakozire nk'oku MUKAMA yaaragiire Musa.
Currently Selected:
Abaleevi 24: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
