Yohaana 15
15
Eby'Omuzaabibu gw'amazima
1 #
Zab 80:8. Nyowe ndi omuzaabibu gw'amazima, na Tata niwe muhingi. 2Buri itaagi eriri omuriinye, eritaana byana, aritemaho; kandi buri itaagi eryana ebyana, arisharira ngu rikizeho kwana. 3Hati mwaheza kushemezibwa ahabw'ekigambo eki naabagambira. 4Mugume omuriinye, naanye omuriimwe. Nk'oku eitaagi ritabaasa kwana byana ryonka, ryaba ritagumire ha muzaabibu, nikwo naimwe mutarikubaasa, mwaba mutagumire muriinye. 5#2 Kor 3:5. Niinye muzaabibu, naimwe muri amataagi. Oguma omuriinye, naanye omuriwe, ogwo niwe ayana ebyana bingi; ahakuba nyowe ahu ntari, timwine ki murikubaasa kukora. 6#Mat 3:10. Omuntu ku aba atagumire muriinye, anagwa nk'eitaagi, kandi ayoma; ago mataagi gashangurizibwa, ganagwa omu muriro, gasya. 7#Mak 11:24. Ku muraagume omuriinye, n'ebigambo byangye byaguma omuriimwe, mushabe kyona eki murikwenda, kiryabakorerwa. 8Ekihimbisisa Tata, kikahamya ku muri abeegi bangye, niimwe okwana ebyana bingi.
Ebya rukundo ya Yesu n'abeegi be
9Nk'oku Tata yankunzire, naanye nikwo naabakunzire; mugume omu kukunda kwangye. 10#Yoh 8:29; 1 Yoh 2:4. Ku muriguma nimworobera ebiragiro byangye, muryaguma omu kukunda kwangye, nkaanye oku ntuura niinyorobera ebiragiro bya Tata, nkaguma omu kukunda kwe. 11Ebi naabibagambira, ngu okushemererwa kwangye kube omuriimwe, kandi ngu okushemererwa kwanyu kube okuhikire. 12#1 Yoh 3:11. Eki nikyo kiragiro kyangye, mukundane nk'oku naabakunzire. 13#1 Yoh 3:16. Tihariho rukundo erikukira egi, omuntu okufeera banywani be. 14#Yoh 8:31; Mat 12:50. Imwe muri banywani bangye, ku muraabe nimukora ebi ndikubaragiira. 15Tinkibeeta bahuuku, ahakuba omuhuuku tamanya ki mukama we akora; kureka mbeetsire banywani bangye, ahakuba byona ebi naagambiirwe Tata, mbibamanyiise. 16Timwe mwantooraine; niinye naabatooraine, nkabataho ngu mugyende mwane ebyana, kandi ngu ebyana byanyu bigumeho; n'ahabw'ekyo kyona eki murishaba Isheboona omu iziina ryangye, aryakibaha. 17Ebi nimbibaragiira ngu mukundane.
Okwangwa ensi
18 #
1 Yoh 3:13. Ensi ku eribanga, mumanye ngu ekabanza kuunyanga etakabangire. 19#Luk 6:22. Kuri muri ab'ensi, ensi ekaabakunzire, ahabw'okuba abaayo; kwonka ahabw'okuba timuri b'ensi, kandi nkabatoorana kubaiha omu b'ensi, nikyo ensi erikubangira. 20#Mat 10:24. Mwijukye ekigambo eki naabagambiire nti: Omuhuuku takira mukama we. Ku baraabe bampiigire, naimwe baryabahiiga; ku baraabe baarinzire ekigambo kyangye, n'ekyanyu baryakirinda. 21#Yoh 16:3. Ebyo byona baryabibakora nibabatura eiziina ryangye, ahabw'okuba tibarikumanya Owantumire. 22Kuri ntaraizire, nkagamba nabo, tibaakugizire kibi; kwonka hati tibaine ky'okwetonganira ahabw'ekibi kyabo. 23#1 Yoh 2:23. Orikuunyanga, naaba ayangire na Tata. 24#Yoh 14:11. Kuri ntarakozire muribo emirimo etakakorwaga ondiijo, tibaakugizire kibi; kwonka hati bagireebire, baayogaho baanyanga na Tata. 25#Zab 69:4. Byona bibaireho ngu ekigambo ekyahandiikirwe kihikiirire, ekirikugira kiti: Bakanyangira busha. 26Kwonka Omuhwezi ku ariija, ou ndibooherereza okuruga ahari Isheboona, Omwoyo ow'amazima orikuruga ahari Tata, ogwo aryahamya ebyangye; 27#Byak 5:32. naimwe muri baakareebi, ahabw'okuba okuruga aha kutandika mukaba muri hamwe naanye.
Currently Selected:
Yohaana 15: RR64
Highlight
Share
Copy
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964