Abaramuzi 6
6
Abaisraeli okwitwa kubi Abamidiani
1 #
Kut 25:2; Kub 25:17. Abaisraeli baakora ebirikwangwa MUKAMA; MUKAMA yaabahayo omu mikono y'Abamidiani okumara emyaka mushanju. 2#1 Sam 13:6; Heb 11:38. Abamidiani baasingura Abaisraeli; ahabw'Abamidiani Abaisraeli baayetimbira amaaya omu nshozi, n'enyanga, kandi baayeyombekyera n'engo z'amabaare. 3#Kur 29:1; 1 Bag 4:30. Ahakuba Abaisraeli ku baabaire babiba, Abamidiani n'Abaamaleki n'abandi bantu b'oburugwa-izooba baija babateera; 4#Lev 26:16; Bir 28:30; Yer 5:17; Mik 6:15. basiisirayo kubarwanisa, bashiisha emyaka yaabo okuhika Gaaza, kandi bakaba batatsiga k'okurya koona omu nsi ya Israeli, n'obu yaakuba entaama, nari ente nari endogoya. 5Ahakuba bakaba baija n'amatungo gaabo n'amahema gaabo, baija baingi nk'enzigye, bo n'engamira zaabo batarikubaasa kubarwa; bataaha omu nsi kugicwekyereza. 6#Zab 50:15; Hos 5:15. Abaisraeli baayehwa munonga amatsiko ahabw'Abamidiani; baatakira MUKAMA.
7Abaisraeli ku baatakiire MUKAMA ahabw'Abamidiani, 8MUKAMA yaabatumaho nabi; yaabagira ati: Oku nikwo MUKAMA Ruhanga w'Abaisraeli arikugamba naagira ati: nkabaiha Misri, naabaiha omu nju y'obuhuuku, 9naabaiha omu mikono y'Abamisri n'omu mikono y'abandi boona abaabaire nibabaita kubi, naababinga, baabaruga omu maisho, imwe naabaha ensi yaabo. 10#Yer 10:2. Kandi naabagira nti: Niinye MUKAMA Ruhanga waanyu, mutaritiina baaruhanga b'Abaamori, abu mutwire omu nsi yaabo; kwonka mwayanga kuhurira eiraka ryangye.
MUKAMA okutoorana Gideoni kujuna Abaisraeli
11Maraika wa MUKAMA yaija, yaashutama ahansi y'omwela ahari Ofura eya Yoashi owa Abiezeeri, kandi omutabani Gideoni akaba naahuura engano omu inyuukiro rya viinyo kugishereka Abamidiani. 12#Kut 16:7-13. Maraika wa MUKAMA yaamweyoreka, yaamugira ati: MUKAMA ari hamwe naiwe, iwe omushaija w'amaani emanzi. 13#Zab 89:49; Isa 59:1. Gideoni yaamugira ati: Mukama wangye, MUKAMA ku araabe ari hamwe naitwe, ahabw'enki ebi byona bitubaireho? Kandi eby'okutangaaza bye byona birahi, ebi baatatenkuriitwe baabaire batugambira, nibagira bati: MUKAMA tiwe yaatwihire omuri Misri? Mbwenu atutsigireho, yaatuhayo omu mikono y'Abamidiani. 14#Heb 11:32. MUKAMA yaamutaho amaisho, yaamugira ati: Gyenda n'amaani gaawe aga, ojune Abaisraeli omu mikono y'Abamidiani. Tiinye naakutuma? 15#1 Sam 9:21. Onu ati: Mukama wangye, nimbaasa nta kujuna Abaisraeli? Reeba, ab'omuryango gwaitu n'abooro okukira boona ab'omu ruganda rwa Manaase, kandi omu nju ya taata niinye muto. 16#Kur 3:12. MUKAMA yaamugarukamu ati: Buzimazima ndyaba ndi hamwe naiwe, naiwe oryabinga Abamidiani nk'orikubinga omuntu omwe. 17#Kur 4:1. Onu ati: Ku oraabe wangirira embabazi, nyoreka ak'okureeberaho akarikuhamya ku niiwe orikugamba naanye. 18#Kut 18:3. Ninkweshengyereza otaruga aha okuhitsya obu ndaagarukye, nkakureetera omutoijo nkaguta omu maisho gaawe. Yaamugarukamu ati: Niinyija kuguma aha, okuhitsya ahu oraagarukire. 19Atyo Gideoni yaataaha omuka, yaabaaga akaana k'embuzi, yaagira na twakeeki otutatumbisiibwe twa eefa y'esaano; enyama yaagita omu kiibo, n'omucuuzi gwayo yaaguta omu rwabya, yaabimureetera ahansi y'ogwo mwela, yaabimuheereza. 20#Bar 13:19. Maraika wa Ruhanga yaamugira ati: Twara egi nyama, na twakeeki otutatumbisiibwe, obite aha rukiri oru, obishukyeho n'ogwo mucuuzi. Onu yaakora atyo. 21#Lev 9:24; 2 Bus 7:1. Maraika wa MUKAMA yaagorora omukono gwe ogwabaire gukwaitse enkoni, yaakoza eifundo ryayo aha nyama na twakeeki otutatumbisiibwe; ahonaaho omuriro gwaruga omu rukiri, gwayotsya egyo nyama na twakeeki otwo otutatumbisiibwe; bwanyima maraika wa MUKAMA yaabura, Gideoni tiyaagaruka kumureeba. 22#Kut 32:30; Kur 33:20; Bar 13:22. Gideoni ku yaamanyire ku ari maraika wa MUKAMA, yaagira ati: Ntoore hi, Mukama RUHANGA, ahakuba naareebana na maraika wa MUKAMA butunu. 23#Dan 10:19; Luk 24:36. MUKAMA yaamugarukamu ati: Huumura, otatiina; torikwija kufa. 24#Kut 22:14; Kur 17:15; Yer 33:16; Ezk 48:35. Bwanyima Gideoni yaayombekyerayo MUKAMA eitambiro, yaaryeta Yehova-shaloomu. Rikiri Ofura ey'aba Abiezeeri n'okuhitsya hati.
Gideoni okusheenya eitambiro rya Baali
25 #
Bir 7:5. Ekyo kiro MUKAMA yaamugira ati: Twara enimi ya sho, enimi eya kabiri eine emyaka mushanju, osheenye eitambiro rya Baali eriri owa sho, kandi oteme Ashera eri aha rubaju rwaryo; 26bwanyima oyombekyere MUKAMA Ruhanga waawe eitambiro aha mutwe gw'akabungo akeehinguririziibwe orugo rw'amabaare, oryombekye gye; bwanyima otware egyo nimi ya kabiri, ogihongye kuba ekitambo ky'okwotsya, okyokyese enku ezi oraasheenye ahari Ashera. 27#Yoh 3:1. Atyo Gideoni yaatwara abashaija ikumi ab'omu bairu be, yaakora nk'oku MUKAMA yaamuragiira; kwonka ahabw'okutiina ab'omu ka ya ishe, n'abantu ab'omuri orwo rurembo, yaakikora nyekiro, tiyaakikora nyomushana.
28Ab'omuri orwo rurembo ku baimukire kare omu kasheeshe, baashanga eryo itambiro rya Baali risheenyirwe, na Ashera eyaabaire eri aha rubaju rwaryo etemirwe, n'enimi eya kabiri ehongyeirwe aha itambiro eryombekirwe. 29Baabuuzana bati: Okozire eki n'oha? Ku baaherize kubuuririza munonga, baagira bati: Gideoni mwene Yoashi niwe akikozire. 30Bwanyima abantu b'omu rurembo baagira Yoashi bati: Shohoza mutabani waawe, afe, ahabw'okuba asheenyire eitambiro rya Baali, kandi yaatema Ashera ebaire eriri haihi. 31Yoashi yaagarukamu boona abaabaire bamubambiire, ati: Nimwenda kurwanirira Baali, nari kumutonganira? Weena orikumurwanirira, naija kwitwa omuri aka kasheeshe. Baali ku araabe ari Ruhanga, murekye ayerwaniririre, ahakuba eitambiro erisheenyirwe n'erye. 32Nikyo eryo izooba Gideoni yaayeteirwe Yeruba-baali, amakuru ngu, Reka Baali amurwanise, ahakuba asheenyire eitambiro rye.
Gideoni okushaba ak'okureeberaho
33Bwanyima Abamidiani boona n'Abaamaleki kandi n'abantu b'oburugwa-izooba baateeranira hamwe, baayambuka, baasiisira omu ruhita rwa Yezereeli. 34#Bar 13:25; 14:6, 19; 2 Bus 24:20; 1 Kor 12:8-11; Bar 3:27. Omwoyo wa MUKAMA yaija ahari Gideoni, yaateera enzamba; Aba Abiezeeri baayeteerana, baamukurata. 35Yaatuma entumwa kuhuruza Abamanaase boona; nabo baayeteerana, baamukurata; kandi yaatuma ezindi ntumwa kuhuruza Abaasheri n'Abazebuluuni n'Abanafutaali; bainamuka kubabugana.
36Gideoni yaagambira Ruhanga ati: Ku oraabe noija kujunisa Abaisraeli omukono gwangye, nk'oku ogambire, 37#Kur 4:3-7; Hos 14:5. reeba naaza kuta ebyoya by'entaama omu ihuuriro; ku ndaashangye bitonzirweho orume byonka, haza ahabyehinguririize hoomire, obwo nimmanya ku orikwija kujunisa Abaisraeli omukono gwangye, nk'oku ogambire. 38Kandi nikwo byabaire bityo; Gideoni ku yaimukire omu kasheeshe, yaakamuura ebyoya, byarugwamu orume rwingi, rwaijura orucuba. 39#Kut 18:32. Gideoni yaagaruka yaagira Ruhanga ati: Otangirira ekiniga, ondekye ngarukye ngambe rimwe kwonka, ndekyere aho. Ninkweshengyereza, reka nteereho ogundi murundi n'ebyoya; mbwenu ebyoya ka bibe nibyo byaguma byomire, haza eitaka ryona ribe niryo ryagiibwaho orume. 40Ruhanga yaakora atyo ekyo kiro; ebyoya byonka byaguma byomire, orume rwaza aha itaka ryona.
Currently Selected:
Abaramuzi 6: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
