Abaramuzi 4
4
Debora na Baraki okuteera Sisera
1Ehudi ku yaaherize kufa, Abaisraeli baagaruka, baakora ebirikwangwa MUKAMA; 2#Yos 11:1; 1 Sam 12:9; Zab 83:9. kyareetera MUKAMA kubahayo omu mikono ya Yabini, omugabe wa Kanaani, owaabaire naategekyera omuri Hazori; kandi omukuru w'eihe rye akaba ari Sisera, owaabaire atuura Harosheesi ey'Abanyamahanga. 3#Bar 1:19; Zab 106:42. Abaisraeli baatakira MUKAMA; ahabw'okuba Yabini akaba aine ebigaari by'ebyoma magana mwenda, yaamara emyaka makumi abiri naita kubi Abaisraeli. 4#2 Bag 22:14; 1 Kor 1:27. Omu bunaku obwo Debora nabikazi, muka Lapidoosi, niwe yaabaire naacwera Abaisraeli emanja. 5Akaba ahimbisa kushutama ahansi y'omukindo gwa Debora ahagati ya Raama na Beseeli omu nsi y'ebibungo eya Efuraimu; kandi Abaisraeli bakaba baija ah' ari kubashoboorora. 6#Heb 11:32. Bwanyima yaatuma kweta Baraki mwene Abinoamu omuri Kedeshi-nafutaali, yaamugira ati: MUKAMA Ruhanga wa Israeli tarakuragiire kugyenda kuteeranira abantu kakumi aha kibungo Tabora, noobaiha omu ruganda rwa Nafutaali n'orwa Zebuluuni? 7#Yos 11:20; Yoel 3:11-14; Zab 83:9. Kandi Ruhanga agizire ati: Naanye niinyija kukureetera Sisera omukuru w'eihe rya Yabini, akubugane aha mugyera Kishoni n'ebigaari bye n'engabo ze nyingi munonga, mmuheyo omu mikono yaawe. 8Baraki yaamugarukamu ati: Ku oraagyende naanye, niinyija kugyenda; kwonka ku oraabe otagyenzire naanye, tindikwija kugyenda. 9Yaamugira ati: N'ekya buzima niinyija kugyenda naiwe; kwonka orugyendo oru orikwija kugyenda tirurikwija kukuhaisa kitiinisa; ahabw'okuba MUKAMA naija kuhayo Sisera omu mikono y'omukazi. Debora yaimuka, yaagyenda na Baraki, baaza Kedeshi. 10#Bar 5:18. Ku baahikireyo, Baraki yaahuruza Abazebuluuni n'Abanafutaali kuteeranira Kedeshi; haija abantu kakumi bamukuratiire; na Debora yaagyenda nawe.
11 #
Bar 1:16; Kur 3:1; 18:1; Kub 10:29. Obwo Heberi Omukeeni akaba ataine n'Abakeeni, nibo baijukuru ba Hobabu ishezaara wa Musa; kandi ateire eihema rye ahansi y'omwela oguri omuri Zaananimu, haihi na Kedeshi. 12Ku baagambiire Sisera ku Baraki mwene Abinoamu yainamuka omu kibungo Tabora, 13Sisera yaahuruza ebigaari bye byona, ebigaari by'ebyoma magana mwenda, n'engabo ze zoona ezaarugire Harosheesi ey'Abanyamahanga, yaabateeranira aha mugyera Kishoni. 14#Bir 9:3; 2 Sam 5:24. Debora yaagambira Baraki ati: Imuka, ahakuba eri niryo izooba eri MUKAMA yaaheerayo Sisera omu mikono yaawe. Noogira ngu MUKAMA takwebembeire? Atyo Baraki yaaruga aha kibungo Tabora, yaashuuma n'engabo ze kakumi zimukuratiire. 15#Zab 83:9, 10. MUKAMA yaaburanzya Sisera n'ebigaari bye byona n'engabo ze zoona na rurara, baahunga omu maisho ga Baraki; na Sisera yaasyoka omu kigaari kye, yairuka, yaahunga. 16Baraki yaagyenda abingire ebyo bigaari n'ezo ngabo, okuhika Harosheesi ey'Abanyamahanga; engabo zoona eza Sisera zaahwera ahari rurara, tihaagira waahonokaho.
17 #
Yob 12:21, 24; Amo 5:19. Kwonka Sisera yairuka, yaahunga, yaahika aha ihema rya Yayeli muka Heberi Omukeeni; ahabw'okuba Yabini omugabe wa Hazori n'ab'enju ya Heberi Omukeeni bakaba nibataahirana. 18Yayeli yaashohora kubugana Sisera, yaamugira ati: Kiikama, mukama wangye, otaahe omwangye; otatiina. Yaataaha omu ihema rye, yaamushweka burangiti. 19#Bar 5:25. Onu yaamugira ati: Ninkweshengyereza mpa otwizi tw'okunywa, ahakuba nyine eiriho. Yayeli yaafunduura ecupa y'amate, yaamuha, yaanywa, yaagaruka yaamushweka. 20Sisera yaamugira ati: Yemerera aha muryango gw'eihema; ku haraije omuntu weena, yaakubuuza ati: Haine omuntu ori aha? omugire oti: Ngaaha! 21#Bar 5:26. Bwanyima Yayeli muka Heberi yaihayo enkondo y'eihema n'enyondo, yaamwizira naashooba, yaamuteera egyo nkondo omu kanenero agwejegyeire munonga ahabw'okuruha, enkondo yaayogamu, yaahika omu itaka. Atyo Sisera yaafa. 22Kandi reeba, Baraki ku yaabaire akikuratiire Sisera, Yayeli yaashohora kumubugana, yaamugira ati: Ija nkworekye omushaija ou orikusherura. Yaataaha omu ihema ry'ogwo mukazi, yaashanga Sisera agangarami afiire, n'enkondo y'eihema ekimuri omu kanenero. 23#Neh 9:24; Zab 18:47. Eryo izooba Ruhanga yaagomoora Yabini omugabe w'Abanyakanaani omu maisho g'Abaisraeli; 24n'ahabw'ekyo omukono gw'Abaisraeli gwaguma nigweyongyera amaani ahari Yabini omugabe wa Kanaani, okuhitsya obu baamuhwerekyerereize kimwe.
Currently Selected:
Abaramuzi 4: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964