Abaramuzi 14

Samusooni okwita entare n'okushwera muhara w'Abafilistia

1 # Zab 119:37. Samusooni yaashuuma Timuna, yaareebayo omwishiki, muhara w'Abafilistia. 2#Kut 21:21. Yainamuka, yaagambira ishe na nyina ati: Ndeebire omwishiki muhara w'Abafilistia omuri Timuna; mbwenu niinyenda ngu mumunshwererere. 3#Kut 24:3, 4; Bir 7:3. Ishe na nyina baamugira bati: Beitu shi omuri beene waitu nari omu ihanga ryaitu tiharimu omwishiki, iwe waaza kwenda kushwera omu Abafilistia abatashazirwe? Samusooni yaagarukamu ishe ati: Nyowe munshwererere, ahkuba nanshemeza munonga. 4#2 Bus 10:15. Kwonka ishe na nyina tibaramanyire ku yaabaire eri enaama ya MUKAMA, ahakuba akaba naasherura obwiho b'eokurwana n'Abafilistia. Ou bunaku obwo Abafilistia bakaba nibategyeka Abaisraeli.

5Atyo Samusooni yaashuuma Timuna na ishe na nyina, yaahika omu misiri y'emizaabibu yaayo, yaateerateeraniramu n'ekitsigazi ky'entare, kyamutontomera; 6#1 Sam 11:6. Omwoyo wa MUKAMA yaamwijaho n'amaani, yaakitaagataagura nk'orikutaagataagura omwana gw'embuzi, haza ataine ki akwaitse; kwonka tiyaagambira ishe na nyina ki yaakora. 7Samusooni yaashuuma, yaagaaniira n'ogwo mwishiki, yaamushemeza munonga. 8Ku haahingwireho omwanya, yaagarukayo kumutwara; yaakiikama aha rubaju kureeba omutumbi gw'entare eri; ku yaahikireho, yaashanga gurimu omuzinga gw'enjoki n'obwoki. 9Yaabubomboora n'engaro, yaagyenda naaburya, yaagaruka ahari ishe na nyina; nabo yaabahaho, baarya; kwonka tiyaabagambira ku yaabwiha omu mutumbi gw'entare.

10Ishe yaashuuma ei ogwo mwishiki yaabaire ari; Samusooni yaateekyerayo obugyenyi, nk'oku omucwe gw'abatsigazi gwabaire guri. 11Ku baamureebire, baamureetera bagyenzi baabo makumi ashatu kumwikaza. 12#Ezk 17:2. Samusooni yaabagira ati: Ka mbahe ekishaakuzo; ku muraakiite ebiro mushanju by'obugyenyi bitakahweire, mawakimanya muti, nimbaha ebijwaro bya bafuta makumi ashatu, n'ebindi eby'ekitiinisa makumi ashatu. 13Kwonka ku muraabe mutakiitsire, nimumpa ebijwaro bya bafuta makumi ashatu n'ebindi eby'ekitiinisa makumi ashatu. Baamugira bati: Kishaakuze, tukihurire. 14Yaabagira ati:

Omuri rurya harugiremu eby'okurya,

Kandi omu w'amaani harugiremu obunuzi.

Baamara ebiro bishatu batakiitsire. 15#Bar 16:5. Aha kiro kya kana baagambira muka Samusooni bati: Beihabeiha baro atwitire ekyo kishaakuzo, tutakwotsya n'enju ya sho. Mutwetsire kutuhindura abooro? Tikwo kiri? 16#Bar 16:15. Muka Samusooni yaamuririra omumaisho, naagira ati: Biri onyanga, tonkunda. Ohaire ab'owaitu ekishaakuzo, haza tiwaakinyitira. Onu ati: Ku ndaabe ntakigambiire tata na maawe, nimbaasa nta kukikugambira? 17Yaamara ebyo biro by'obugyenyi byona naamuririra omumaisho; aha kiro kya mushanju yaakimugambira, ahabw'okuba akamutonga amagara; nawe yaakigambira beene waabo. 18Aha kiro kya mushanju eizooba ritakarengire, abantu b'omuri orwo rurembo baamugira bati:

Ekirikukiza obwoki obunuzi niki?

Kandi ekirikukiza entare amaani n'enki?

Samusooni yaabagira ati:

Kuri mutahingiise nyana yangye,

Timwakwitsire kishaakuzo kyangye.

19 # 1 Sam 11:6; 16:13. Omwoyo wa MUKAMA yaamwijaho n'amaani, yaashuuma Ashikelooni, yaitayo abashaija makumi ashatu, yaabanyaga, yaaha abaitsire ekyo kiito ebijwaro by'ekitiinisa. Yaagira ekiniga kingi, yainamuka, yaataaha omu ka ya ishe. 20#Bar 15:2. Kwonka muka Samusooni baamuhingira mugyenzi we, owaamugambiire obugyenyi.

Currently Selected:

Abaramuzi 14: RR64

Highlight

Copy

Compare