Abaramuzi 13

Maraika okweyoreka Manoa

1 # Bar 10:6; 1 Sam 12:9. Kandi Abaisraeli bakagaruka baakora ebirikwangwa MUKAMA; MUKAMA yaabahayo omu mikono y'Abafilistia okumara emyaka makumi ana.

2Hakaba hariho omushaija wa Zoora, ow'omu ruganda rwa Daani, orikwetwa Manoa; omukazi we akaba ari engumba, ataine mwana weena. 3#Kut 16:7-13; Kur 3:2-6; Bar 6:12; Luk 1:11, 13, 28, 31; Byak 7:30. Maraika wa MUKAMA yaayeyoreka ogwo mukazi, yaamugira ati: Reeba mbwenu ori engumba, torikuzaara; kwonka noija kugira enda, ozaare omwana w'omwojo. 4#Kub 6:2-5. N'ahabw'ekyo oyerinde, otarinywa viinyo nari ekirikusinza, kandi otarirya ekintu kyona ekirikuzira; 5#1 Sam 1:11; 7:13; 2 Sam 8:1. ahabw'okuba reeba, noija kugira enda, ozaare omwana w'omwojo; kandi orumweiso tirurimuraba ha mutwe; ahakuba ogwo mwana aryaba #13:5 Omunaziiri reeba Okubara 6.2 amakuru ngu, omuntu oshoroirwe kukorera Ruhanga omu muringo ogutari gw'obutoosha. Omunaziiri ahari Ruhanga okuruga omu nda ya nyina; kandi niwe aritandika kujuna Abaisraeli omu mikono y'Abafilistia. 6#Mat 28:3; Luk 9:29. Bwanyima ogwo mukazi yaija, yaagambira iba ati: Omushaija wa Ruhanga yaanyijaho, enshusha ye yaaba eri nk'eya maraika wa Ruhanga orikutiinisa munonga; tinaamubuuza i yaaba naaruga, kandi tiyangambira iziina rye; 7kwonka yaangira ati: Reeba noija kugira enda, ozaare omwana w'omwojo; kandi ati: otarinywa viinyo nari ekirikusinza, n'obu kwakuba okurya ekintu kyona ekirikuzira; ahabw'okuba ogwo mwana aryaba Omunaziiri ahari Ruhanga okuruga omu nda ya nyina okuhitsya aha izooba eri arifeeraho.

8Bwanyima Manoa yaayeshengyereza MUKAMA, naagira ati: Ai MUKAMA, ninkweshengyereza oikirize ogwo mushaija wa Ruhanga ou waatuma atugarukyeho, atushobororere oku turitwaza omwana orizaarwa. 9Ruhanga yaahurira okushaba kwa Manoa; maraika ori owa Ruhanga yaagaruka ahari ogwo mukazi, yaashanga ashutami omu musiri; kwonka Manoa iba atariho. 10Omukazi yairukisa obwira, yaagambira iba ati: Reeba omushaija onyizireho omu biro ebihingwire yaagaruka yaanyeyoreka. 11Manoa yaimuka, yaakurata omukazi we, yaahika ahari ogwo mushaija, yaamubuuza ati: Niiwe mushaija ogambire n'omukazi wangye? Onu ati: Niinye. 12Manoa yaagira ati: Mbwenu ebigambo byawe ku biriba byabaire kwo, aryaba omwana wa muringo ki, kandi aryakora murimo ki? 13Maraika wa MUKAMA yaagira Manoa ati: Byona ebi ngambiire omukazi waawe, abyerinde. 14Tarikwikirizibwa kurya ekintu kyona ekirikuruga omu muzaabibu, n'obu kwakuba okunywa viinyo nari ekirikusinza, nari okurya ekintu kyona ekirikuzira; byona ebi mmuragiire, ashemereire kubyorobera.

15 # Kut 18:5; Bar 6:18-20. Manoa yaagira maraika wa MUKAMA ati: Reka tukukyerereze tukubaagire omwana gw'embuzi. 16Maraika wa MUKAMA yaagira Manoa ati: N'obu orankyerereze, tindikwija kurya by'okurya byawe; kandi ku oraayende kugira ekitambo ky'okwotsya, oshemereire kukihongyera MUKAMA; ahakuba Manoa taramanyire ku yaabaire ari maraika wa MUKAMA. 17Manoa yaabuuza maraika wa MUKAMA ati: Eiziina ryawe ori oha, ebigambo byawe ku biriba byabaire kwo, tubone kukuha ekitiinisa? 18#Kut 32:29; Isa 9:6. Maraika wa MUKAMA yaamugira ati: Nombuuriza ki eiziina? Ka n'ery'okutangaaza! 19Manoa nikwo kureeta omwana gw'embuzi n'empongano y'esaano, akabihongyera MUKAMA aha rukiri; maraika akakora eby'okutangaaza, Manoa n'omukazi we nibamureeba. 20#Lev 9:24; 1 Bus 21:16. Endimi z'omuriro ku zaimukire ahaiguru niziruga aha itambiro, maraika wa MUKAMA yaatembera omuri ezo ndimi ezaaruga aha itambiro, Manoa n'omukazi we nibabireeba; ku baabireebire, baagwa ahansi bajuumaire.

21Maraika wa MUKAMA tiyaagaruka kweyoreka obundi ahari Manoa n'omukazi we. Okuruga aho Manoa yaamanya ku abaire ari maraika wa MUKAMA. 22#Kur 33:20; Bir 5:26; Isa 6:5. Bwanyima Manoa yaagambira omukazi we ati: Buzimazima nitwija kufa, ahabw'okuba twareeba Ruhanga. 23Kwonka omukazi we yaagira ati: Kuri noogira ngu MUKAMA abaire naayenda kutwita, takwakiire kitambo ky'okwotsya n'empongano y'esaano ebi twamuhongyera, kandi takutworekire ebyo byona, n'obu kwakuba okutugambira ebigambo ebyo byona omu bunaku obu.

Okuzaarwa kwa Samusooni

24Bwanyima ogwo mukazi yaazaara omwana w'omwojo, yaamweta Samusooni; omwana yaakura, kandi MUKAMA yaamuha omugisha. 25#Bar 3:10; 6:34; 11:29; 1 Sam 11:6. Omwoyo wa MUKAMA yaatandika kumukoresa omuri Mahane-daani ahagati ya Zoora na Eshitaoli.

Currently Selected:

Abaramuzi 13: RR64

Highlight

Copy

Compare