Isaaya 60
60
Ei Omujuni w'abanyamahanga ariruga
1 #
Mal 4:2; Efe 5:14. Imuka, oyakye; ahakuba omushana gwawe gwizire,
N'ekitiinisa kya MUKAMA kukujwereire.
2Ahakuba, reeba, omwirima guryashweka ensi,
Omwirima ndindindi gushwekye amahanga;
Kwonka MUKAMA aryakuturukiraho,
N'ekitiinisa kye kikureebekyereho.
3 #
Isa 42:6; Kush 21:24. Amahanga garyaija omu mushana gwawe,
N'abagabe omu kumurinkana kw'okuturuka kwawe.
4 #
Isa 49:18. Imutsya amaisho gaawe, omagamagye, oreebe;
Boona nibateerana, nibaija ahariiwe;
Batabani baawe baryaija barugye hare,
Na bahara baawe baije bakiikiirwe omu mikono.
5 #
Zab 34:5. Obwo nibwo orireeba, okashemuuka,
Omutima gwawe gukagurukaaguruka, gukashemererwa,
Ahabw'okbua obwingi bw'ebirikuruga omu nyanja buryagarukira,
Obutungi bw'amahanga bukwizire.
6 #
Bar 6:5; 1 Bag 10:1; Mat 2:11. Amasyo g'engamira garyakushweka,
Engamira nto za Midiani n'eza Efa;
N'eziriruga Sheeba zoona ziryaija,
Zireetsire ezaabu n'obubaane,
Zimanyise hoona okusingizibwa kwa MUKAMA.
7 #
Isa 56:7; Kut 28:9; Hag 2:7. Amasyo ga Kedari goona garyakuteeraniraho,
N'empaya z'entaama za Nebayoosi zikuheereze,
Ziije aha itambiro ryangye, ziri ebitambo ebirikusiimwa;
Naanye ndyahimbisisa enju yangye y'ekitiinisa.
8Aba nibaahi abarikuguruka nk'ekicu,
Bakashusha nk'enkombe ezirikugaruka kutaahira omu madirisa gaazo.
9 #
Isa 2:16; 51:5; 55:5. Buzimazima ebirwa biryantegyereza,
N'emeeri za Tarushiishi nizo ziribanza
Kureeta batabani baawe nizibaiha hare,
Baine efeeza n'ezaabu zaabo
Ahabw'eiziina rya MUKAMA Ruhanga waawe,
Orikwera wa Israeli;
Ahabw'okuba akuhaisize ekitiinisa.
10 #
Isa 45:1, 13. Abanyamahanga baryakwombekyera engo z'amabaare,
N'abagabe baabo bakuheereze,
Ahabw'okuba nkakuteera nkwiniire ekiniga,
Kwonka nkusaasiire ahabw'embabazi zangye.
11 #
Kush 21:25, 26. Amarembo gaawe garyaguma gaigwirwe,
Tigarikingwa nyomushana na nyekiro,
Abantu babone kukureetera obutungi bw'amahanga,
Beebembeirwe abagabe baabo.
12 #
Zek 14:17-19. Ahabw'okuba eihanga n'obugabe ebiryanga kukuheereza
Biryahwerekyerera;
Eego, ago mahanga gahwerekyererezibwe kimwe.
13 #
Isa 41:19. Ekitiinisa kya Lebanooni kiryakwizira,
Emyereezi, emiberooshi, n'emiteyashuuri,
Okushemeza Omwanya gwangye ogurikwera;
Kandi omwanya ogu ntamu ebigyere byangye ndyagugira ogw'ekitiinisa.
14 #
Isa 14:1, 2; 62:2, 4; Kush 3:9. Batabani b'abaabaire nibakuhata
Baryaija nibakwinamira;
N'abaabaire nibakugaya baryajuumara aha bigyere byawe,
Bakwete Orurembo rwa MUKAMA,
Saayuuni y'Orikwera wa Israeli.
15 #
Isa 65:18; Zab 47:4. N'obu oraabe waatsigirweho, okangwa,
Okabura ow'okukurabamu,
Ndyakuhindura ow'ekitiinisa ebiro byona okukira abandi boona,
Ow'kushemererwa, nk'oku obusingye burigyenda nibwihaihana.
16 #
Isa 49:23; Kut 49:24. Oryanywa amate g'amahanga,
Oyonkye amabeere g'abagabe;
Kandi oryamanya ku nyowe, MUKAMA, ndi Omujuni waawe,
Omucunguzi waawe, Ow'amaani owa Yakobo.
17 #
Isa 58:3. Omu mwanya gw'omuringa ndyareeta ezaabu,
Omu mwanya gw'ekyoma ndeete efeeza;
Omu mwanya gw'ebiti ndyatamu emiringa,
N'omu mwanay gw'amabaare, ntemu ebyoma.
Obusingye nibwo ndigira abareeberezi baawe,
Kandi okuhikiirira nikwo ndigira abarikukoresa.
18 #
Isa 11:9; 26:1. Eitima tiririgaruka kuhurirwa mu nsi yaawe,
n'obu kwakuba okuhwerekyereza n'okumaraho;
Kureka engo zaawe oryazeeta Kujunwa,
N'amarembo gaawe ogeete Kuhimbisa.
19 #
Isa 24:23; 30:26; Kush 21:23; 22:5. Eizooba tiririgaruka kukwakira nyomushana,
Okumurinkana kw'okwezi tikurigaruka kukwakira,
Kureka MUKAMA niwe ariba omushana gwawe ogutahwaho,
Na Ruhanga waawe akaba ekitiinisa kyawe.
20 #
Isa 35:10; Kush 21:4. Eizooba ryawe tiririgaruka kurenga,
N'okwezi kwawe tikurituubya kwaka kwakwo;
Ahabw'okuba MUKAMA aryaba omushana gwawe ogutahwaho,
N'ebiro by'okuganya kwawe biryahwaho.
21 #
Isa 52:1; Ezk 37:25. Abantu baawe boona baryaba abahikiriire,
Bakubuure ensi, ebe eyaabo ebiro byona,
Babe eitaagi eri nyebyariire, omurimo gw'engaro zangye,
Mbone kuheebwa ekitiinisa.
22 #
Hab 2:3; Mat 13:31. Orikukira boona obuto aryarugwamu oruganda,
N'orikukira boona obukye arugyemu eihanga ry'amaani.
Niinye MUKAMA;
Kandi ndyakirahutsya omu bunaku bwakyo.
Currently Selected:
Isaaya 60: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
