Isaaya 31
31
Obushema bw'abarikwesiga Misri na Asiria okukira okwesiga Ruhanga
1 #
Isa 1:4; 30:2; 36:9; Zab 20:7. Baryareeba enaku abarikushuuma Misri kusherura obuhwezi,
Abarikwesiga embaraasi, bakata amatsiko aha bigaari,
Ahabw'okuba bingi,
Kandi bakeesiga abarikugyendera aha mbaraasi,
Ahabw'okuba ab'amaani maingi,
Bakanga kuta amaisho ahari
Orikwera wa Israeli,
N'okwehanuuza ahari MUKAMA!
2Haza kunu iwe aine obwengye, kandi niwe areeta akabi,
Atahindure bi agambire,
Kureka aryaimuka arwanise enju y'enkozi z'ebibi,
N'abarikuhwera abakora ebitari by'okuhikiirira.
3 #
Yer 17:5. Manya, Abanyamisri baba abantu, tibaba Ruhanga,
N'embaraasi zaabo ti myoyo, ziine emibiri kwonka.
N'ahabw'ekyo MUKAMA ku aribanga omukono gwe,
Ogwo orikuhwera aryateera entsibo, n'orikuhwerwa aryagwa;
Boona bahwerekyerere hamwe.
4Ahakuba MUKAMA angizire ati:
Nk'oku entare entsigazi etontomera aha ki yaita,
Abariisa bahuruziibwe kurwana nayo,
Etatiine rwari rwabo,
N'obu kwakuba okwehiga ahabw'enduuru zaabo,
Nikwo MUKAMA ow'amahe arishuuma
Kurwanira aha rushozi Saayuuni n'aha kabungo kaayo.
5 #
Zab 91:4. Nk'oku amahungu gazeereera,
Nikwo na MUKAMA ow'amahe aririnda Yerusaalemu;
Aryagirinda, agijune;
Aryagisaasira, agikize abazigu.
6 #
Isa 1:5; 30:15. Imwe Baisraeli 'mwe, mugarukire Ogwo ou mwagomeire mukarengyesereza; 7#Isa 30:22. ahakuba eryo izooba ebishushani bye by'efeeza n'eby'ezaabu, ebyakozirwe engaro zaanyu, bikabarugiramu ekibi.
8 #
2 Bag 19:35. Obwo Abaasira baryaitwe rurara etari y'omuntu,
Kandi rurara etari y'abantu ebamareho;
Baryagihunga,
N'abatsigazi baabo babe ab'okukoresibwa n'amaani.
9 #
Isa 11:10; 30:33; Bir 32:31. Orukiri rwabo ruryaihwaho ahabw'obwoba,
N'abakuru baabo baryayehwa amatsiko ahabw'orurango;
Nikwo MUKAMA arikugamba ou omuriro gwe guri omuri Saayuuni,
N'ekikoomi kye omuri Yerusaalemu.
Currently Selected:
Isaaya 31: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
