Abaheburaayo 3

Oku Kristo akiza Musa ekitiinisa

1 # Heb 4:14. N'ahabw'ekyo, B'eishe-emwe abarikwera abakwataniise omu kwetwa okw'omu iguru, muteekateekye munonga ahari Yesu, Entumwa kandi Omunyamurwa omukuru ow'ediini ei turikwikiriza. 2Akaba ari owmesigwa ahari Ogwo owaamutooraine, nk'oku Musa yaabaire ari omwesigwa omu nju ya Ruhanga; 3kwonka Yesu ogwo akateekateekwaho ku ashemereire kuheebwa ekitiinisa ekirikukira ekya Musa, nk'omwombeki w'enju oku agira ekitiinisa okukira egyo nju. 4(Ahakuba enju yoona eyombekwa omuntu nanka, kwonka Omwombeki w'ebinti byona ni Ruhanga.) 5#Kub 12:7. Buzima kwo Musa akaba ari omwesigwa omu nju ya Ruhanga yoona, kwonka shi nk'omugaragwa ow'okuhamya ebyabaire nibiija kugambwa bwanyima; 6#Efe 2:19; Kol 1:23. kwonka Kristo akaba ari omwesigwa orikutegyeka enju ya Ruhanga nk'omwana we. Kandi enju ye niitwe, ku turaabe nitugumiza kimwe obumanzi bwaitu n'okwesiimira ebi twineho amatsiko tuhamire okuhitsya aha muheru.

Okwerinda obugangaazi

7 # Zab 95:7-11. N'ahabw'ekyo nk'oku Omwoyo Orikwera arikugira ati:

Eri izooba, ku muraahurire eiraka rye,

8 # Kur 17:7. Mutagangaaza, emitima yaanyu, nk'oku mwagigangaize omu bunaku obu mwangomeiremu,

aha kro eky'okugyezibwa omu ihamba,

9Baashwenkuriimwe ei bantegyeire nibangyeza,

Bakamara emyaka makumi ana nibareeba emirimo yangye.

10Nikyo naagwerirwe kubi ab'obusingye obwo,

Ningira nti: Emitima yaabo ehaba obutoosha;

Kandi tibakamanyire mihanda yangye.

11 # Kub 14:21-23. Nikyo naagiriire ekiniga nkarahira nti:

Tibaritaaha mu buruhuukiro bwangye.

12B'eishe-emwe, mwerinde, omuntu weena omuriimwe atagira omutima mubi ogutarikwikiriza, gukamuhabya kuruga ahari Ruhanga ohuriire. 13#Heb 10:25. Kureka muhaburane obutoosha, obunaku butakarengire; hatagira n'omwe omuriimwe owaagangaazibwa obugobya bw'ekibi. 14#Heb 6:11. Ahakuba tuhindukire abakwataniise omuri Kristo, ku turaabe nitugumiza kimwe ebi twabandize kwikiriza tutarikubanganisa okuhitsya aha muheru; 15nk'oku kyagambirwe ngu: Eri izooba ku muraahurire eiraka rye, mutagangaaza emitima yaanyu, nk'oku mwagigangaize omu bunaku obu mwangomeiremu. 16Nimugira ngu ni baahi abaahuriire, haza bakagoma? T'abo abaarugire Misri, beebembeirwe Musa? 17#Kub 14:22-30. Kandi ni baahi abaamazire emyaka makumi ana nibamugwisa kubi? T'abo abaasiisire, abu emitumbi yaabo yaagwire omu ihamba? 18Kandi ni baahi abu yaarahiriire okutataaha mu buruhuukiro bwe? T'abo abatarahuriire? 19N'ahabw'ekyo nitureeba ngu bakaremwa kutaahamu ahabw'okutaikiriza.

Currently Selected:

Abaheburaayo 3: RR64

Highlight

Copy

Compare