Abaheburaayo 1
1
Yesu Omwana wa Ruhanga okukiza baamaraika ekitiinisa
1Ira Ruhanga akatuma baanabi ahari baatatenkuriitwe kubagambira omu miringo mingi etari emwe; 2#Kol 1:16. kwonka omu biro ebi ebya bwanyima itwe akatutumaho Omwana we kuba niwe yaatugambira, ou yaataireho kuba omuhunguzi w'ebintu byona, kandi ou yaahangiise ensi. 3#2 Kor 4:4; Heb 9:14. Ogwo niwe kumurinkana kw'ekitiinisa kya Ruhanga kandi ekishushani kye buzima, kandi niwe ahigika byona n'ekigambo kye eky'obushoboorozi. Ku yaaherize kuhikiiriza eky'okwozyaho ebibi, yaashutama aha rubaju rwa buryo orw'Ow'ekitiinisa omu iguru, 4#Fil 2:9. yaakiza atyo baamaraika obukuru, nk'oku eiziina eri yaatungire ryahitsire agaabo.
5 #
Zab 2:7. Mbwenu n'oha ahari baamaraika ou Ruhanga aragizire ati:
Ori Omwana wangye,
Eri izooba naakuzaara? m Nari ahandi ati:
Nyowe ndyamubeera Omuzaire,
Nawe ambeere Omwana?
6Kandi ahandi, ku yaareetsire omwana w'omujigaijo omu nsi, yaagira ati: Baamaraika boona aba Ruhanga bamuramye.
7 #
Zab 104:4. Kandi baamaraika akabagambaho ati:
Ohindura baamaraika be emiyaga,
N'abaheereza be endimi z'omuriro.
8 #
Zab 45:6, 7. Kwonka eby'Omwana we akagira ati:
Ekitebe kyawe ky'obukama, ai Ruhanga, n'eky'ebiro n'ebiro,
Enkoni yaawe y'obukama n'ey'okuhikiirira.
9Okakunda okuhikiirira, waayanga obugomi;
Nikyo Ruhanga, Ruhanga waawe, yaakushukiireho amajuta
G'okushemererwa okukira bagyenzi baawe.
10 #
Zab 102:25-27. Kandi ati:
Iwe, Mukama, omu kutandika okataho omusingi gw'ensi,
N'eiguru rikahangwa emikono yaawe;
11Ebyo biryahwaho, kwonka Iwe oryagumaho;
Ebyo byona biryakura nk'ekijwaro;
12Kandi oryabizinga nk'omunagiro,
Bihindurwe okundi;
Kwonka Iwe tohinduka,
N'emyaka yaawe terihwaho.
13 #
Zab 110:1. Kandi n'oha ahari baamaraika ou aragizire ati;
Shutama aha rubaju rwangye rwa buryo,
Okuhitsya obu ndihindura abazigu baawe
Akatebe k'ebigyere byawe?
14Baamaraika boona t'emyoyo erikuheereza, etumwa kukora omurimo gw'okuhwera abarihungura okujunwa?
Currently Selected:
Abaheburaayo 1: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
