Okuruga 24

Mukama okuhamya endagaano n'Abaisraeli

1 # Kub 11:16. Ruhanga yaagambira Musa ati: Inamuka, iwe na Arooni na Nadabu na Abihu n'abakuru b'Abaisraeli makumi mushanju, muze ei MUKAMA ari, mumuramize hangahari. 2Musa wenka abe niwe yairira haihi MUKAMA, kwonka abandi batamwirira haihi; kandi abandi boona batainamuka nawe.

3Musa yaaza omu bantu, yaabagambira ebigambo bya MUKAMA byona n'ebiragiro byona; abantu boona baagarukiramu hamwe, nibagira bati: Ebigambo byona ebi MUKAMA yaagamba, nitwija kubikora. 4Musa yaahandika ebigambo bya MUKAMA byona; kandi yaimuka kare omu kasheeshe, yaayombeka eitambiro ahansi y'orushozi, n'enyomyo ikumi na ibiri, nk'enganda za Israeli ikumi na ibiri oku zaabaire ziri. 5Yaatuma abatsigazi b'omu Baisraeli, baahongyera MUKAMA ebitambo by'okwotsya, baamutambira ebitambo by'ente eby'okusiima ahabw'obusingye. 6Musa yaabaganisa eshagama omu bicweka bibiri ebirikwingana; kimwe yaakita omu nyabya, ekindi yaakimiisiira aha itambiro. 7Bwanyima yaakwata ekitabo ky'endagaano, yaakishomera abantu; nabo baagarukamu bati: Byona ebi MUKAMA yaagamba, nitwija kuguma nitubikora, kandi tubyorobere. 8#Heb 9:20. Musa yaatwara eshagama, yaagimiisiira abantu, naagira ati: Mureebe eshagama y'endagaano, ei MUKAMA yaaragaana naimwe, nk'ebigambo ebyo byona oku biri.

9Bwanyima Musa yainamuka na Arooni na Nadabu na Abihu n'abakuru b'Abaisraeli makumi mushanju; 10#Kur 33:20, 23; Yoh 1:18; Ezk 1:26. baareeba Ruhanga wa Israeli; ahansi y'ebigyere bye nihashusha nk'amabaare ga safiro agaariire, agarikumurinkana nk'eiguru. 11#Bir 4:33. Abo bakuru b'Abaisraeli Ruhanga tiyaagira ku yaabagira; kureka baamureeba, baarya, baanywa.

Musa okumara ebiro makumi ana ahari Sinai

12MUKAMA yaagambira Musa ati: Inamuka, onshangye aha rushozi, ogumeyo; Nyowe niinyija kukuha ebishate by'amabaare, ebiriho ebiragiro n'ebyaragiirwe, ebi mpandiikire ngu obyegyese. 13#Kur 33:11. Musa yaimuka na Yoshua omuheereza we, yainamuka aha rushozi rwa Ruhanga. 14Ku yaabaire atakagyenzire, yaagambira abo bakuru ati: Mututegyerereze aha, okuhitsya obu turigaruka, tukabashanga aha; kandi reeba, mwatsigara na Arooni na Huuri; omuntu weena oriba aine eki arikufa, abe nibo yaareeba. 15#Mat 17:5. Bwanyima Musa yainamuka aha rushozi, ekicu kyarushweka. 16Ekitiinisa kya MUKAMA kyaza aha rushozi Sinai, n'ekicu kyarushweka okumara ebiro mukaaga; aha kiro kya mushanju MUKAMA yaayeta Musa, naayema omuri ekyo kicu. 17#Heb 12:18. Ekitiinisa kya MUKAMA kikaba nikishusha nk'omuriro ogurikurya busha aha mutwe gw'orushozi omu maisho g'Abaisraeli. 18Musa yaataaha omu kicu, yainamuka aha rushozi; Musa yaamara ahari orwo rushozi ebiro makumi ana nyomushana na nyekiro.

Currently Selected:

Okuruga 24: RR64

Highlight

Copy

Compare