Okuruga 17

Okubura amaizi, Musa akagaiha omu rukiri

1Eihanga ryona ery'Abaisraeli ryaruga omu ihamba rya Siini, baagyenda nibaraarira nk'oku MUKAMA yaabaire abaragiira. Ku baahikire Refidimu, baateerayo amahema; kwonka abantu baaburayo amaizi g'okunywa. 2#Kub 20:3; Zab 78:41. N'ahabw'ekyo abantu baatonganisa Musa nibagira bati: Tuhe amaizi g'okunywa. Musa yaabagira ati: Nimuntonganisiza ki? Ahabw'enki nimugyeza MUKAMA? 3Abantu baagirirayo eiriho, baayetomboitera Musa nibagira bati: Okatwihira ki Misri kutwitsa eiriho, itwe n'abaana baitu n'amatungo gaitu? 4#1 Sam 30:6; Yoh 8:59. Musa yaatakira MUKAMA, naagira ati: Abantu aba mbagire nta? Bari hakye kunteera amabaare. 5MUKAMA yaagambira Musa ati: Raba omu maisho g'abantu, otware abamwe aha bakuru b'Abaisraeli, otware n'enkoni, ei waateire omugyera guri, ogyende. 6#Zab 105:41. Reeba, niinyija kwemerera omu maisho gaawe aha rukiri rw'ahari Horebu; oteere orwo rukiri, harugyemu amaizi, abantu banywe. Musa yaakora atyo omu maisho g'abakuru b'Abaisraeli. 7#Heb 3:8. Omwanya ogwo yaagweta #17:7 Maasa amakuru n'Okugyeza. Maasa na #17:7 Meriba, amakuru n'Okutongana. Meriba ahabw'okutongana oku Abaisraeli baamutonganiise, kandi ahabw'okuba bakagyeza MUKAMA nibagira bati: Ebyo MUKAMA ari ahagati omuriitwe, nari tariho?

Abaamaleki okurwanisa Abaisraeli

8 # Kut 36:12; 1 Sam 15:2. Bwanyima haija Abaamaleki, baarwanisiza Abaisraeli ahari Refidimu. 9Musa yaagambira Yoshua ati: Tutooranire engabo, mugyende murwanise Abaamaleki; nyencakare niinyija kwemerera aha mutwe gw'ekibungo, nkwaitse enkoni ya Ruhanga omu ngaro. 10Yoshua yaakora nk'oku Musa amuragiire, yaarwanisa Abaamaleki; Musa na Arooni na Huuri bainamuka, baahika aha mutwe gw'ekyo kibungo. 11#Yak 5:16. Musa ku yaabaire aimutsya omukono, Abaisraeli babinga; akigugwisa, Abaamaleki babinga. 12Kwonka emikono ya Musa yaaruha; baareeta eibaare, baarita ahansi ye, yaarishutamaho; Arooni na Huuri baaramira emikono ye, omwe aha rubaju rumwe n'ondi aha rundi; emikono ye yaahama okuhitsya obu eizooba ryarengire. 13Yoshua yaasingura Amaleki n'engabo ze na rurara.

14 # Bir 25:19. MUKAMA yaagambira Musa ati: Ekyo okihandiikye omu kitabo, kibe ekiijutsyo, okiteekyerereze Yoshua, ku ndimariraho kimwe Amaleki, atagarukye kwijukwa ahansi y'eiguru. 15Kandi Musa yaayombeka eitambiro, yaaryeta #17:15 Yehova-niisi amakuru ngu MUKAMA n'orurango rwangye. Yehova-niisi; 16yaagira ati: MUKAMA yaarahira ku ariguma naarwanisa Abaamaleki, nk'oku obusingye burigyenda nibwihaihana.

Currently Selected:

Okuruga 17: RR64

Highlight

Copy

Compare