Popular Bible Verses from Okuruga 17

Share

Musa ku yaabaire aimutsya omukono, Abaisraeli babinga; akigugwisa, Abaamaleki babinga. Kwonka emikono ya Musa yaaruha; baareeta eibaare, baarita ahansi ye, yaarishutamaho; Arooni na Huuri baaramira emikono ye, omwe aha rubaju rumwe n'ondi aha rundi; emikono ye yaahama okuhitsya obu eizooba ryarengire.

Reeba, niinyija kwemerera omu maisho gaawe aha rukiri rw'ahari Horebu; oteere orwo rukiri, harugyemu amaizi, abantu banywe. Musa yaakora atyo omu maisho g'abakuru b'Abaisraeli. Omwanya ogwo yaagweta Maasa na Meriba ahabw'okutongana oku Abaisraeli baamutonganiise, kandi ahabw'okuba bakagyeza MUKAMA nibagira bati: Ebyo MUKAMA ari ahagati omuriitwe, nari tariho?