Abaefeso 3

Enaama ya Ruhanga y'okujuna Abanyamahanga

1N'ahabw'ekyo nyowe Paulo, embohe ahabwa Kristo Yesu, eyaabohirwe ahabwanyu Abanyamahanga, 2ku muraabe mwahuriire oku naakwatsiibwe embabazi za Ruhanga ezi naahairwe ahabwanyu, 3#Efe 1:9, 10. oku naamanyisiibwe enaama egyo omu kushuuruurirwa, nk'oku naabandize kubahandiikira omu bigambo bikye, 4naimwe, ku muraabishome, nimwija kwetegyereza oku naamanyire enaama ya Kristo, 5etaramanyirwe bantu ira ryona, nk'oku hati eshuuruuriirwe entumwa ze ezirikwera na baanabi omu Mwoyo; 6#Efe 2:19. oku Abanyamahanga nabo bari abahunguzi hamwe naitwe, n'engingo z'omubiri gumwe naitwe, kandi abakwataniise naitwe omu byaraganisiibwe omuri Kristo Yesu ahabw'engiri.

7 # Kol 1:29. Engiri egyo nkahindurwa omuheereza waayo, nk'ekiconco ky'embabazi za Ruhanga oku kiri, eki naahairwe nk'amaani ge oku gakora. 8#Gal 1:16. Nyowe, n'obu ndaabe ndi muto okukira orikukira obuto omu barikwera boona, nkaheebwa omugsiaha ogu okubuurira Abanyamahanga obutungi bwa Kristo obutarikwetegyerezibwa, 9n'okumanyisa abantu boona, bakashoborokyerwa enaama eyaasherekirwe ira ryona omuri Ruhanga owaahangire byona, 10#Rom 11:33. ngu omu biro ebi ab'obutegyeki n'obushoboorozi obw'omu iguru babone kumanyisibwa ekanisa obwengye bwa Ruhanga obw'emiringo mingi, 11nk'oku yaateekateekire ira ryona, akabihikiiriza omuri Kristo Yesu Mukama waitu. 12#Heb 4:16. Omuri Ogwo twine obumanzi n'obwesigye okuhika ahari Ruhanga ahabw'okwikiriza Yesu. 13Nikyo ndikubashabira ngu mutahwa amatsiko ahabw'okubonabonesibwa kwangye ahabwanyu, okwo nikyo kitiinisa kyanyu.

Paulo okushabira aba Efeso

14N'ahabw'ekyo ntsimba amaju omu maisho ga Isheboona, 15ou enganda zoona ez'omu iguru n'ez'omu nsi zeetererwa, 16#Kol 1:11. nimmushaba ku abaha okugumibwa n'amaani ahabw'Omwoyo we omu muntu ow'omunda, nk'obutungi bw'ekitiinisa kye oku buri; 17#Yoh 14:23; Kol 2:7. ngu Kristo abone kutuura omu mitima yaanyu ahabw'okwikiriza; ku muraaheze kutsimba emizi omuri rukundo, mwahamiramu, 18mugire amaani ag'okugishoborokyerwa hamwe n'abarikwera boona, mumanye oburaingwa bwayo obw'obukiika, n'obw'oburaingwa, n'obwa bwemi, n'obwa bucuzi, 19#Kol 2:3. n'okumanyira kimwe okukunda kwa Kristo okurengire munonga okumanya kw'abantu, mubone kwijuzibwa n'okwijura kwona okwa Ruhanga. 20Ogwo orikubaasa kukora ebirikukirira kimwe ebi tushaba nari ebi tuteekateeka, ahabw'amaani agakorera omuriitwe, 21ekitiinisa kibe ekye omu kanisa n'omuri Kristo Yesu okuhitsya obusingye bwona ebiro n'ebiro. Amiina.

Currently Selected:

Abaefeso 3: RR64

Highlight

Copy

Compare