Omubuurizi 10
10
Obwengye n'obushema
1Enshohera ezifiire zinuutsya amajuta g'omugaju,
N'obushema bukye bumaraho obwengye n'ekitiinisa.
2Omutima gw'omunyabwengye gumutooza ahari buryo,
Kwonka ogw'omushema gumutooza ahari bumosho.
3 #
Enf 13:16. Haza kandi omushema ku aba ari omu muhanda, aburwa obwengye,
Ou yaareeba weena amweta omushema.
4 #
Mub 8:3; Enf 25:15; 1 Sam 25:24. Omutegyeki ku arikugirira ekiniga, otariruga omu mwanya gwawe,
Ahabw'okuba okworoba kusaasiza ebicumuro bihango.
5Kandi hariho ekibi eki naareebire ahansi y'eizooba, nikwo kushobaya kw'omutegyeki. 6Obushema buteebwa omu myanya mingi y'ekitiinisa, n'abatungi bashutama omu myanya erikugaywa. 7#Enf 19:10. Nkareeba abahuuku nibagyendera aha mbaraasi, n'abanyiginya nibagyendesa ebigyere nk'abahuuku.
8 #
Zab 7:15. Orikutimba ekiina aryakigwamu,
Kandi orikufumura orugo aryariibwa enjoka.
9Ohigura amabaare, gamuhutaaza,
N'oyatsa enku zimunaga omu kabi.
10Ekyoma ku kihwa obwogi, nyinakyo ataakityaza,
Aba ashemereire kwongyera amaani;
Kwonka obwengye nibwo buhwera omuntu okuhikiiriza
Eki arikwenda kukora.
11 #
Yer 8:17. Enjoka ku eruma omuntu etarogirwe,
Omurogi waayo aba atakiine mugasho.
12Ebigambo ebiruga omu kanwa k'omunyabwengye bimureetera okukundwa,
Kwonka ebigambo by'omushema biryamumaraho.
13Okutandika kw'ebigambo ebiruga omu kanwa ke n'obushema,
N'omuheru gwabyo n'eiraro ribi.
14 #
Mub 6:12. Omushema ayongyerera ebigambo,
N'obu haraabe hataine orikumanya ebiribaho;
Kandi n'oha owaakubaasa kumugambira ebiribaho yaarugireho?
15Okufa kubi kw'omushema kumurusya,
Ahabw'okuba tamanya kahanda kaza obukama.
16 #
Isa 3:4; 5:11. Iwe nsi 'we, oryareeba enaku, omugabe waawe ku araabe akiri muto,
N'abanyiginya baawe nibaimukira aha by'okurya!
17 #
Enf 31:4. Iwe nsi 'we, ohiiriirwe, omugabe waawe ku araabe ari ow'omu ruganda rw'abakungu,
Kandi abanyiginya baawe ku baraagume nibariira omu bunaku buhikire,
Nibariira amaani, batarikunywera sindo!
18Obweremwa bubonza orukanga,
Kandi emikono emyeremwa ereetera enju kwogwamu enjura.
19 #
Zab 104:15. Obugyenyi buteekyerwa okusheka,
Na viinyo ereetera amagara kushemererwa,
Kandi empiiha ekyenuura byona.
20 #
Kur 22:28. Otarikyeena omugabe, nangwa n'omu biteekateeko byawe,
Otarijumira abatungi omu kishengye kyawe eki oraaramu;
Ahabw'okuba enyonyi y'omu mwanya eryatwara eiraka ryawe,
Nari ekiine amapapa kyona kibigambe.
Currently Selected:
Omubuurizi 10: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
