Eky'Ebiragiro 33
33
Musa okushabira enganda za Israeli omugisha
1 #
Kut 49:28; Luk 24:50. Ogu nigwo mugisha, ogu Musa omushaija wa Ruhanga yaashabire Abaisraeli, atakafiire. 2Naagira ati:
MUKAMA akaruga Sinai;
Yaabajugutira nk'omushekye, naaruga Seiri,
Yaayakira aha rushozi Parani;
Yaaruga omu bukumi bw'abarikwera,
Omuriro guri aha rubaju rwe rwa buryo.#Kur 19:18; Hab 3:3; Dan 7:10.
3Eego, akakunda abantu be,
Abarikwera be boona bakaba bari omu mukono gwe,
Bashutami aha bigyere bye,
Nibahurira ebi arikubahabura.#Hos 1:11; Mal 1:2; Luk 10:39.
4Musa akaturagiira ebiragiro
Kuba obuhunguzi bw'eihanga rya Yakobo.
5Atyo MUKAMA yaaba omukama omuri Yeshuruuni,
Obu abakuru b'eihanga baateerana hamwe
N'enganda za Israeli zoona.
6Reubeeni agumeho, arekye kufa;
N'abantu be barekye kuba bakye.
7Ebi nibyo yaagambire ahari Yuda, naagira ati:
Ai MUKAMA, hurira eiraka rya Yuda,
Omureete omu bantu be;
Akeerwanirira n'emikono ye,
Naiwe omuhe emikono kurwanisa abazigu be.#Kut 49:8.
8Ahari Leevi yaagira ati:
Ohe Leevi Tumimu yaawe,
Kandi Urimu yaawe ogihe omuntu waawe orikutiina Ruhanga,
Ou waagyereize ahari Maasa,
Ou waahakanisiize aha maizi ga Meriba;#Kur 28:30; Kub 27:21.
9Owaagambire ahari ishe na nyina,
Ati: Tindikubamanya;
Akooga beene ishe, kandi ateete aha baana be;
Ahakuba Abaleevi bakoorobera ekigambo kyawe,
Baakwata endagaano yaawe.#Mak 10:29; Mal 2:5.
10Baryayegyesa Yakobo eby'oburyo byawe,
Beegyese na Israeli ebiragiro byawe;
Baryaguma nibata obubaane omu maisho gaawe,
Batambire aha itambiro ryawe ekitambo ky'okwokyeza kimwe.#Lev 10:11.
11Ai MUKAMA, ogume ohe omugisha ebi atungire,
Oikirize ebi arikukora n'emikono ye;
Ohondahonde obwezirikiro bw'abarikwimuka kumurwanisa,
Kandi n'obw'abarikumwanga, barekye kugaruka kwimuka.
12Ahari Benyamiini yaagira ati:
Orikukundwa MUKAMA aryatuura nawe buhooro;
Agume naamusangira eizooba ryona,
Obutaaho bwe bube amabega ge.
13Ahari Yosefu yaagira ati:
Ensi ye MUKAMA agihe omugisha
Gw'eby'obuguzi bwingi eby'ahaiguru omu iguru,
N'eby'ahansi okuzimu,
14Ogw'ebijuma by'obuguzi bwingi ebirikwezibwa eizooba,
N'ogw'omweru mwingi ogw'emyaka eya buri kwezi,
15Ogw'ebintu ebirikukira oburungi ebirikuruga omu nshozi eza ira,
N'ogw'eby'obuguzi bwingi ebirikuruga omu bibungo ebitahwaho,
16Ogw'eby'obuguzi bwingi eby'omu nsi n'ebigirimu,
N'obuganzi ahari Ogwo owaabaire ari omu rushaka ruri.
Emigisha egyo eze aha mutwe gwa Yosefu,
Aha kazingiro k'ogwo owaashoroirwe omuri beene ishe, akaba omutegyeki waabo.#Kur 3:2, 4.
17Enimi ye y'omujigaijo ekitiinisa n'ekyayo;
Amahembe gaayo n'ag'embogo;
Eryagabingisa amahanga goona
Gahikye aha muheru gw'ensi;
Ago mahembe nibwo bukumi bwingi bwa Efuraimu,
N'enkumi nyingi za Manaase.#Zab 44:5.
18Ahari Zebuluuni yaagira ati:
Iwe Zebuluuni, oyesiimire amagyenda gaawe,
Naiwe Isakaari, oyesiimire amahema gaawe.
19Baryayeta amahanga, gaije aha rushozi rwabo,
Batambireyo ebitambo by'abahikiriire;
Ahakuba banyuunyuuta ebintu bingi ebirikuruga omu nyanja,
N'eby'obutungi ebitarikumanywa ebiri omu musheenyi.#Isa 2:3; Zab 4:5.
20Ahari Gaadi yaagira ati:
Orikuhangusya Gaadi aheebwe omugisha;
Gaadi abundama nk'entare,
Ataagura omukono n'akazingiro k'eishokye.#1 Bus 12:8.
21Akeetooranira ekicweka ky'ensi ekirikukira oburungi,
Ahakuba okwo niyo omugabo gw'omukuru w'engabo gwabaire gubiikirwe.
Yaija n'abandi bakuru b'eihanga,
Yaakwatanisa na Israeli okuhikiiriza ebiragiro bya MUKAMA,
N'eby'oburyo bye ebi yaaragiire.
22Ahari Daani yaagira ati:
Daani n'ekyana ky'entare,
Ekirikuguruka nikiruga Bashani.
23Ahari Nafutaali yaagira ati:
Iwe Nafutaali, ohaagire obuganzi bwa MUKAMA,
Oigutsi omugisha gwe,
Kubuura ensi y'oburengyerwa-izooba n'ey'obukiizi-bwa-buryo.
24N'ahari Asheri yaagira ati:
Asheri aheebwe omugisha gw'okuzaara abaana;
Akundwe beene ishe;
Ajabikye ekigyere kye omu majuta.#Yob 29:6.
25Empimbi zaawe zibe ebyoma n'emiringa;
Nk'oku ebiro byawe biriingana,
N'amaani gaawe nikwo gariba.
26Iwe Yeshuruuni, tihariho ondiijo orikushushana na Ruhanga.
Oritemba eiguru, naarirabamu kuza kukuhwera,
Naaraba omu kaabunga n'ekitiinisa kye kingi.#Kur 15:11; Zab 68:4, 33, 34.
27Ruhanga otahwaho niwe butaaho bwawe,
Kandi ahansi yaawe hariho emikono etahwaho.
Akabinga abazigu omu maisho gaawe,
Yaagira ati: Bacwekyereze.#Zab 46:1; Heb 6:18.
28N'ahabw'ekyo Israeli atuura buhooro,
Eiziba rya Yakobo erituura ryonka
Omu nsi y'engano na viinyo;
Eego, eiguru rye ritoonyereza orume.#Kub 23:9; Yer 23:6.
29Iwe Israeli, ohiiriirwe! N'oha orikushushana naiwe,
Eihanga eryajunirwe MUKAMA,
Engabo y'okuhwerwa kwawe,
Kandi rurara y'okusingura kwawe!
Abazigu baawe baryakugomookyera,
Oribatiirire emyanya yaabo mikuru ey'okuramizamu.#Zab 144:15; 2 Sam 7:23.
Currently Selected:
Eky'Ebiragiro 33: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
