Eky'Ebiragiro 23

Ebindi biragiro

1Oyatikire amagosi, nari oshazirweho obushaija atariza omu kuteerana kw'abantu ba MUKAMA. 2Ekinyandaaro kitariza omu kuteerana kw'abantu ba MUKAMA; hatarigira ow'omu ruzaaro rwakyo owaaza omu kuteerana kw'abantu ba MUKAMA okuhitsya aha ruzaaro rwakyo rw'omwijukuru wa ikumi. 3#Rus 4:5; Neh 13:1, 2. Omuamoni nari Omumoabu atariza omu kuteerana kw'abantu ba MUKAMA; hatarigira ow'omu ruzaaro rwabo owaaza omu kuteerana kw'abantu ba MUKAMA ebiro byona okuhitsya aha ruzaaro rwabo rw'omwijukuru wa ikumi; 4#Bir 2:29; Mat 25:41-46; Kub 22:5, 6. ahabw'okuba tibarababuganiise by'okurya n'amaizi omu muhanda nimuruga Misri, n'ahabw'okugurira Balamu mwene Beori owa Pesori wa Mesopotamia, ngu abakyeene. 5#Enf 26:2. Kwonka MUKAMA Ruhanga waanyu yaayanga kuhurira Balamu, kureka MUKAMA Ruhanga waanyu omukyeeno yaaguhindura omugisha ahariimwe, ahabw'okuba MUKAMA Ruhanga waanyu akabakunda. 6#Ezr 9:12. Mutaribatengyera obusingye n'obu kwakuba okuba gye ebiro byanyu byona.

7 # Kut 25:24; Oba 1:12; Bir 10:19. Mutaryangira kimwe Abanyaedomu, ahabw'okuba ni beene waanyu; mutaryangira kimwe Abanyamisri, ahabw'okuba mukaba muri abanyaihanga omu nsi yaabo. 8Oruzaaro rwabo orw'abaana ba baijukuru baabo baryaikirizibwa kuza omu kuteerana kw'abantu ba MUKAMA.

9Ku murihurura kurwanisa abazigu baanyu, mwateera orusiisira, muryaguma mwerinde ekintu kyona ekibi. 10#Lev 15:16. Omuriimwe ku harireebekamu omuntu otashemeire ahabw'ekiriba kimubaireho nyekiro, ashohore aarugye omu rusiisira, arekye kurugarukamu; 11kwonka ku burihika omu mwabazyo, ayogye omu maizi; kandi eizooba ku ririheza kurenga, agarukye omu rusiisira.

12Kandi muryagira omwanya aheeru y'orusiisira ahu muriguma nimushohorera; 13omu by'okurwanisa byanyu muryagiramu ekihosho; omuntu ku arishohora kuza aha ishaazi, akitimbise ekiina; yaaza kurugaho, ashwekye ahi yaaruga; 14#Lev 26:12; 2 Kor 6:16. ahakuba MUKAMA Ruhanga waawe agyendagyenda omu rusiisira rwanyu, okubajuna n'okuhayo abazigu baanyu omu maisho gaanyu; n'ahabw'ekyo orusiisira rwanyu rushemereire kuba orurikwera; MUKAMA arekye kureeba omuriimwe ekintu kyona ekitashemeire, akahinduka akabarugaho.

15 # 1 Sam 30:15. Omuhuuku owaacwire kuruga ahari mukama we, akakwehongyera, otarimumugarurira; 16#Zek 7:10; Yak 2:6. aryaguma naiwe, atuure omuriimwe omu mwanya ogu aritoorana omuri rumwe aha ndembo zaanyu, ahu arisiima hoona; otarimwita kubi.

17 # Enf 2:16; 2 Bag 23:7. Hatarigira owaaba maraaya omuri bahara b'Abaisraeli, kandi hatarigira owaaba ekitingwa omuri batabani baabo. 18Otarireeta omu nju ya MUKAMA Ruhanga waawe ekiconco kya maraaya nari eky'ekitingwa, kuhikiiriza eki waaraganiise noorahira kuha MUKAMA; ahabw'okuba ebyo n'ebi MUKAMA Ruhanga waawe ayangira kimwe.

19 # Neh 5:7; Zab 15:5. Otariguza mwene waanyu, ngu akutemu ekiteebwamu, ekiteebwamu aha mpiiha, aha by'okurya, nari aha kindi kintu kyona ekiguzibwa kwihamu ekiteebwamu. 20#Lev 19:34; Bir 15:10. Kwonka omunyaihanga noikirizibwa kumuguza ahabw'ekiteebwamu; beitu mwene waanyu otarimuguza ahabw'enshaagi, MUKAMA Ruhanga waawe abone kukuha omugisha omuri byona ebi orikora n'emikono yaawe omu nsi ei orikuza kuhungura.

21 # Mub 5:4, 5. Ku origira eki waaraganisa MUKAMA Ruhanga waawe noorahira, otaryeganda kukihikiiriza; ahakuba MUKAMA Ruhanga waawe taribura kukikubuuza, kikakurugiramu ekibi. 22Kwonka ku oriba otakiraganiise, tikirikurugiramu kibi. 23#Zab 66:13. Oryataho omutima kuhikiiriza ekirugire omu kanwa kaawe, ahakuba eki waaraganiise MUKAMA Ruhanga waawe n'akanwa kaawe, okakiraganisa oyekundiire.

24 # Mat 12:1. Ku oriza omu musiri gwa mutaahi waawe gw'emizaabibu, noikirizibwa kurya ebijuma by'emizaabibu nk'oku orikwenda, okahaaga; kwonka otarigira ebi waashoromera omu kintu eki oine. 25Kandi ku oriza omu ngano za mutaahi waawe, noikirizibwa kucwa obushiisha n'engaro, kwonka otarigyeshesa omusyo engano ze.

Currently Selected:

Eky'Ebiragiro 23: RR64

Highlight

Copy

Compare