2 Abagabe 17

Abaasiria okukwata Abaisraeli

1 # 2 Bag 15:30. Omu mwaka gwa ikumi n'ebiri ogw'omu busingye bwa Ahazi omugabe wa Yuda Hoshea mutabani wa Ela akatandika kutegyekyera Israeli omuri Samaria, yaamara emaka mwenda aha ngoma. 2Yaakora ebirikwangwa MUKAMA, kwonka tiyaashushana na bagabe ba Israeli abaamubandiize. 3#2 Bag 18:9-12. Shalumaneseeri omugabe wa Asiria yainamuka, yaamuteera; Hoshea yaahinduka omwiru we, yaaguma naamutoijera.#Hos 10:14. 4Bwanyima omugabe wa Asiria yaashanga Hoshea amugiriire enaama; ahakuba akaba atumire entumwa ahari So omugabe wa Misri, kandi ayangire kutwekyera omugabe wa Asiria emitoijo, nk'oku yaabaire amutoijera buri mwaka. Nikyo omugabe wa Asiria yaamuteereire omu kihome akamuboha. 5Bwanyima omugabe wa Asira yainamuka, yaaraba omuri egyo nsi yoona, yaahika Samaria, yaagigota okumara emyaka eshatu. 6#Bir 28:36, 64; 29:27, 28; 2 Bag 18:11; 1 Bus 5:26; Isa 13:17. Omu mwaka gwa mwenda ogw'omu busingye bwa Hoshea, omugabe wa Asiria yaakwata Samaria, yaatwara Abaisraeli Asiria bari enkwatwa, yaabata omuri Haala n'aha mugyera Habora ogw'omuri Gozani, n'omu ndembo z'Abameedi.

7 # 2 Bag 17:36; Kur 20:2; Lev 25:38. Ekyo kikabaho ahabw'okuba Abaisraeli bakacumura ahari MUKAMA Ruhanga waabo, owabaihire omu nsi ya Misri omu mikono ya Faraho omugabe waayo, baatiina baaruhanga abandi, 8#2 Bag 16:3; 17:19; Bir 18:9; Lev 18:3. baagyendera omu micwe y'ago mahanga agu MUKAMA yaabingire omu maisho gaabo, kandi n'omu micwe ei abagabe ba Israeli baabaire bareetsire. 9Kandi Abaisraeli baaguma nibakorera omu mubonano ebitahikire nibacumura ahari MUKAMA Ruhanga waabo. Baayeyombekyera emyanya mikuru ey'okuramizamu omuri tauni zaabo zoona, okuruga aha minaara y'abarinzi, okuhika aha ndembo ezeehinguririziibwe engo z'amabaare; 10#1 Bag 14:23; Kur 23:24; 34:13; Mik 5:14. kandi baayebyarira enyomyo z'amabaare na Ashera ahari buri kibungo kyona ekiraingwa, n'ahansi ya buri kiti ekyetwa omurinzi, 11okwo niyo baayoterereire obubaane omu myanya yoona emikuru y'okuramizamu, nk'oku ago mahanga gaakozire agu MUKAMA yaatwaire akaiha omu maisho gaabo. Baakora ebindi bibi, baagwisa kubi MUKAMA, 12#Kur 20:4. baaheereza ebishushani ebirikuramibwa ebi MUKAMA yaabaire abagizire ati; Eki mutarikikora. 13#1 Sam 9:9; Neh 9:30; Yer 18:11; 25:5; 35:15. N'obu biraabe byabaire biba bityo, hoona MUKAMA akaba ateisa Israeli na Yuda, naagambira omuri buri nabi na buri muhanuuzi, naagira ati: Muhindukye murekye emicwe yaanyu emibi, mworobere ebiragiro byangye n'ebi naataireho, nk'ebiragiro byona ebi naaragiire baashwenkuriimwe, kandi n'ebi naabatumireho nimbirabya omu bairu bangye bombi, oku byabaire biri. 14#Bir 9:6; 31:27; 2 Bus 30:8; Byak 7:51. Kwonka banga kuhurira, bagangaara, nka baishenkurubo abaabaire bataikiriza MUKAMA Ruhanga waabo. 15#Bir 12:30, 31; 29:25; 32:21; 1 Bag 16:13; Yer 2:5; Rom 1:21. Bagaya ebi yaataireho, n'endagaano ei yaaragaine na baishenkurubo n'okuteisa oku yaabaire abateisa. Bakuratira ebitaine mugasho, nabo bahinduka ebataine mugasho, batooreza emicwe y'amahanga agabeehinguririze, agu MUKAMA yaabeehanangiriize kutakora nkago. 16#Bir 4:19; 1 Bag 12:28; 14:15, 23; 15:13; 16:31, 33; 2 Bag 11:18; 21:3; 23:5. Batyo baareka ebiragiro bya MUKAMA Ruhanga waabo, baayekorera ebishushani bibiri by'enyana ebiheesire, kandi baaguma nibakora ana Ashera, baramya eihe ryona ery'omu iguru, nibaheereza Baali. 17#2 Bag 16:3; Ezk 23:37; 1 Bag 21:10; Bir 18:10. Barabya batabani baabo na bahara baabo omu muriro nk'ebitambo, baragura, baroga, beehayo kukora ebirikwangwa MUKAMA, nibamugwisa kubi. 18#1 Bag 11:13, 32; 12:20. N'ahabw'ekyo MUKAMA yaagwerwa kubi munonga Abaisraeli yaababinga omu maisho ge, tiyaagira u yaatsigaho kureka oruganda rwa Yuda rwonka.

19 # Yer 3:8. Kandi Abayuda nabo tibaayorobera biragiro bya MUKAMA Ruhanga waabo, kureka baagyendera omu micwe ei Abaisraeli baareetsire. 20#2 Bag 13:3; 15:29; Bar 2:14. N'ahabw'ekyo MUKAMA yaacwa baijukuru b'Abaisraeli boona, yaababurabuza, yaabahayo omu mikono y'abanyagi, okuhitsya obu yaababingiire kimwe omu maisho ge. 21#1 Bag 11:11, 31; 12:20; 14:16. Ahakuba akacwa Israeli aha nju ya Daudi, baahindura Yeroboamu mwene Nebati omugabe. Kandi Yeroboamu yaazibira Abaisraeli kukuratira MUKAMA, yaabakoresa ekibi kihango. 22Batyo Abaisraeli baagyendera omu bibi byona ebi Yeroboamu yaakozire, tibaabireka, 23#2 Bag 17:6, 13. okuhitsya obu MUKAMA yaabingira Israeli omu maisho ge, nk'oku yaashangirwe agambire naaraba omu bairu be boona baanabi. Okwo nikwo Abaisraeli baabingirwe omu nsi yaabo, bakatwarwa Asiria, bakagumayo n'okuhitsya hati.

Omugabe wa Asiria okufururira abantu be omu ndembo za Israeli

24 # Ezr 4:2, 10. Bwanyima omugabe wa Asiria yaiha abantu Babulooni, Kuusa, Ava, Hamasi, na Sefavaimu, yaabata omu ndembo za Samaria omu mwanya gw'Abaisraeli; baagikubuura, baatuura omu ndembo zaayo. 25Ku baabaire bakitandikire kutuurayo, tibaatiina MUKAMA; n'ahabw'ekyo yaabooherereza entare, zaabaitamu abantu. 26Batyo baagambira omugabe wa Asiria bati: Amahanga agu otwaire kuta omu ndembo za Samaria tigarikumanya biragiro bya ruhanga w'egyo nsi; n'ahabw'ekyo abooherereize entare; mbwenu reeba, nizibaita, ahabw'okuba tibarikumanya biragiro bya ruhanga w'ensi egyo. 27Omugabe wa Asiria nikwo kuragiira ati: Mugarureyo omunyamurwa omwe aha bu mwaihireyo, agyende atuureyo, abeegyese ebiragiro bya ruhanga w'egyo nsi. 28#1 Bag 12:29. N'ahabw'ekyo omwe aha banyamurwa abu baihire Samaria yaija, yaatuura Beseeli, yaaguma naabeegyesa oku bashemereire kutiina MUKAMA.

29 # 1 Bag 12:31; 13:32. Kwonka buri ihanga ryaguma niryekorera baaruhanga baaryo, niribata omuri zaanyaruju z'omu myanya mikuru ey'okuramizamu, ezi Abasamaria baabaire bombekire, buri ihanga omu ndembo ezi ryabaire ritwiremu. 30Aba Babulooni baakora Sukoosi-benosi; aba Kuusi baakora Neregaali; aba Hamasi baakora Ashima; 31aba Ava baakora Nibuhazi na Tarutaaki; n'aba Sefavaimu baaguma nibootsya abaana omu muriro, nibabatambira Adrameleki na Anameleki, baaruhanga ba Sefavaimu. 32#Zef 1:5. Kandi bakaba batiina MUKAMA, batoorana omuribo abantu b'emiringo yoona kuba abanyamurwa b'emyanya mikuru; abo nibo baabaire babatambirira ebitambo omuri zaanyaruju z'omuri egyo myanya. 33Batyo batiina MUKAMA, kwonka baaguma nibaheereza baaruhanga baabo, nibakuratira emitwarize y'amahanga agu baarugiremu. 34#1 Bag 18:31; Kut 32:28; 35:10. Na hati nibakitwaza nk'oku baabaire batwaza ira.

Tibarikutiina MUKAMA, tibarikukuratira byatairweho nari emigyenzo, nari ebiragiro ebi MUKAMA yaaragiire beene Yakobo ou yaayetsire Israeli. 35#Kur 20:5; Bar 6:10. Abo nibo MUKAMA yaaragaine nabo endagaano akabeehanangiriza naagira ati: Mutaritiina baaruhanga abandi, mutaribainamira, mutaribaheereza n'obu kwakuba okubatambira ebitambo; 36#Kur 6:6; Bir 4:34; 6:13. kureka MUKAMA owaabaihire omu nsi ya Misri n'amaani maingi n'omukono ogubangire, mube niwe mwatiina, mukainamira; kandi mube niwe mwatambira ebitambo. 37#Bir 5:32; Bar 6:10. Kandi ebyatairweho n'emigyenzo n'ebiragiro, ebi yaaragiire akabibahandiikira, mugume mubiteho omutima, mubyorobere; mutarigira baaruhanga abandi abu mwatiina. 38#Bir 4:23. N'ahabw'ekyo endagaano ei naaragaine naimwe mutarigyebwa; mutaritiina baaruhanga abandi, 39kureka mugume mutiine MUKAMA Ruhanga waanyu; niwe aribajuna omu mikono y'abazigu baanyu boona. 40Kwonka bo baayanga kuhurira, baagumizamu n'emicwe yaabo eya ira.

41Batyo abantu b'ago mahanga baaguma nibatiina MUKAMA, kandi nibaheereza ebishushani byabo ebibaizire; abaana baabo na baijukuru baano nabo baagumizamu baakora nk'oku baishekurubo baabaire bakora, n'okuhitsya hati.

Currently Selected:

2 Abagabe 17: RR64

Highlight

Copy

Compare