2 Abakorinso 10

1 # 1 Kor 2:3. Nyowe Paulo nimbeeshengyereza ahabw'obucureezi n'okutwaza gye ebya Kristo, oku mungambaho muti: Ku aba ari omu maisho gatiu, aba omucureezi; ku aba aturi hare, aba emanzi. 2Nimbeeshengyereza nti: Ku ndiija owaanyu, ndekye kugyemwa kukoresa obumanzi, nk'oku nshemereire kubukoresa aha bantu bamwe abarikututeekateekaho ngu tutwaza nk'abantu nyabuntu. 3Ahakuba n'obu turaabe ntigyenda, turi abantu abaine omubiri, kwonka titurikurwana nitutwaza nk'abanyamubiri; 4#Efe 6:13-17. mumanye ngu eby'okurwanisa by'orugamba rwaitu ti by'abantu, kureka n'eby'amaani ga Ruhanga okusheenya ebigo, 5nitumaraho tutyo empaka n'ekintu kyona ekirikwetunguura kurwanisa okumanya Ruhanga, kandi nitugomoora ekiteekateeko kyona, ngu kyorobere Kristo; 6kandi nikwo tweteekateekire kuhana okutahurira kwona, okworoba kwanyu ku kuraabe kuhikire.

Paulo okuhamya obukuru obu yaahairwe Yesu

7Mureebe ebiri omu maisho gaanyu. Omuntu weena ku araabe naayesiga ngu n'owa Kristo, aikukye ngu, nk'oku we ari owa Kristo, naitwe nikwo turi. 8#1 Kor 5:4, 5. N'obu naakurenzya aha kwehimbisa ahabw'obushoboorozi obu Mukama yampaire kubombeka, kutari kubasheenya, tinkaakwatwa nshoni. 9Nyowe tinkwenzire kushusha nk'orikubatiinisa n'ebaruha zangye. 10Ahakuba nibagira bati: Ebaruha ze zigumire kandi n'ez'amaani; kwonka ku aba ariho, areebeka ari omweremwa, n'ebigambo bye biri ebirikugaywa. 11#2 Kor 13:2, 10. Abarikugamba batyo bamanye ngu, eki tuhandiika omu baruha tutariho, hoona nikyo tukora twaba turiho. 12Itwe titurikwehanga kwebarira omu bantu bamwe abarikwehimbisa, nari okweringaaniza nabo; bo ku beegyera aha rugyero rwabo bonka, kandi bayegyeranisa bonka, baba bataine ki barikumanya.

13 # Rom 12:3. Kwonka itwe titurikwija kwehimbisa okukira oku turi, kureka okugumira aha rugyero oru Ruhanga yaatuhaire, ngu tubone kuhika ahariimwe. 14Titurikukununkirira okurenga orugyero orwo, nk'abatarabahikire; ahakuba niitwe twabandize kuhika ahariimwe, tubareeteire engiri ya Kristo. 15#Rom 15:20. Titurikwehimbisiza ha mirimo y'abandi okukira oku turi; kureka twine amatsiko ngu, okwikiriza kwanyu ku kuryeyongyera, itwe turyahimbisibwa omuriimwe aha rugyero oru twagyereirwe, ngu tweyongyere, 16#Byak 19:21. tubone kubuurira engiri omu mahanga agari seeri y'owaanyu, tutarikwenda kwehimbisa ahabw'ebi twashangire bitebeekanisiibwe omu myanya ehairwe ondiijo. 17Mbwenu orikwehimbisa ayehimbisize omuri Mukama; 18#1 Kor 4:5. ahakuba orikwehimbisa ti we aikirizibwa, kureka orikusiimwa Mukama.

Currently Selected:

2 Abakorinso 10: RR64

Highlight

Copy

Compare