1 Samueli 18
18
Omukago gwa Daudi na Yonasaani
1 #
2 Sam 1:26; Enf 18:24. Daudi ku yaaherize kugamba na Saulo, omutima gwa Yonasaani gwanywana n'ogwa Daudi; Yonasaani yaamukunda nk'oku ayekunda. 2#1 Sam 17:15. Eryo izooba Saulo yaatwara Daudi owe, tiyaamwikiriza bundi kugaruka owa ishe. 3Bwanyima Yonasaani yaaragaana na Daudi endagaano, ahakuba akamukunda nk'oku ayekunda. 4Yonasaani yaayejuura omunagiro ogu yaabaire ajwaire, yaaguha Daudi, n'eby'okurwanisa bye, nangwa na rurara ye n'obuta bwe n'orukoba rwe nabyo yaabimuha. 5Daudi akaba aza ei Saulo yaabaire amutuma yoona; kandi akoresa obwengye. N'ahabw'ekyo Saulo yaamugira omukuru w'engabo ze, abantu boona baakisiima, nangwa n'abagaragwa ba Saulo baakisiima.
Okuhimbisibwa kwa Daudi n'eihari rya Saulo
6 #
Kur 15:20; Bar 11:34. Ku baabaire nibatabaaruka, Daudi aherize kwita ogwo Mufilistia, abakazi baaruga omu ndembo za Israeli zoona, baija kubugana Saulo nibeeshongora, nibaguruka, baine ebitaasa n'enanga z'emirya eshatu, nibashemererwa. 7Omu kweshongora, abo bakazi baikirizana nibagira bati:
Saulo aitsire enkumi,
Daudi yaita obukumi.
8 #
Mub 4:4. Saulo yaagira ekiniga kingi, ekyo kigambo kyamugwisa kubi; yaagira ati: Daudi baamubarira obukumi, nyowe bambarira enkumi zonka. Mbwenu shi ekindi atsigariire ki? T'okuza aha ngoma? 9Okuruga obwo Saulo yaaguma naareeba Daudi eriisho ribi. 10#1 Sam 16:14; 19:24. Ku bwaseesire, omwoyo mubi ogwarugire ahari Ruhanga gwaza ahari Saulo n'amaani, yaasharira omu nju ye; obwo Daudi akaba naateera enanga nk'obutoosha; kandi Saulo akaba aine eicumu omu ngaro. 11#1 Sam 19:10; 20:33. Saulo yaarirekyera; ahakuba akateekateeka ati: Niinyija kucumita Daudi, eicumu ryogyemu rikwate ekisiika. Daudi yaamweshumba kabiri.
12 #
1 Sam 16:13; 28:15. Saulo yaatiina Daudi, ahakuba MUKAMA akaba ari hamwe nawe, arugire ahari Saulo. 13#2 Sam 5:2. Nikyo Saulo yaamweihiireho, akamugira omukuru w'omutwe gw'engabo rukumi, Daudi akaguma naazeebembera omu kuhurura, kandi naatabaaruka nazo. 14#Kut 39:2; Yos 6:27. Kandi Daudi yaaguma naakoresa obwengye omu mitwarize ye yoona; MUKAMA yaaguma nawe. 15Saulo ku yaareebire aine obwengye bwingi omu mitwarize ye, yaamutiina. 16Kwonka Abaisraeli n'Abayuda boona baamukunda, ahakuba akaba abeebembera omu kuhurura, kandi n'omu kutabaaruka.
Saulo okuhingira Daudi muhara we
17 #
1 Sam 17:25; 2 Sam 12:9. Eizooba rimwe Saulo akagambira Daudi ati: Reeba, muhara wangye omukuru Merabu ngugu; niinyija kumukuhingira; kwonka ogume ombeere emanzi, orwane engamba za MUKAMA. Ahakuba Saulo akaba naateekateeka ati: Ndekye kuba niinye naamwita, kureka aitwe Abafilistia. 18#2 Sam 7:18; Enf 15:33. Daudi yaagira Saulo ati: Mbwenu nyowe niinye oha, n'abaitu nibo baahi, n'omuryango gwa taata omuri Israeli nigwo guuha, nyowe okuba mukwe w'omugabe? 19#2 Sam 21:8. Kwonka obunaku ku bwahikire, Merabu muhara wa Saulo, owaabaire ari ow'okuhingirwa Daudi, baamuhingira Adurieli owa Mehola.
20Bwanyima Mikaali muhara wa Saulo yaarigira Daudi; ku baakigambiire Saulo, kyamushemeza; 21#Enf 26:24-26. yaagira ati: Niinyija kumumuha, amubeere omutego, Abafilistia bamurwanise. Nikyo Saulo yaagiriire Daudi obwa kabiri, ati: Mbwenu hati noija kuba mukwe wangye. 22Saulo nikwo kugambira abagaragwa be ati: Mugaaniire na Daudi omu mubonano, mumugire muti: Manya, omugabe naakusiima munonga, n'abagaragwa be boona nibakukunda; n'ahabw'ekyo ikiriza obe mukwe w'omugabe. 23Abagaragwa ba Saulo baagambira Daudi ebyo bigambo. Daudi yaagira ati: Imwe nimukyeta ekintu kikye okuba mukwe w'omugabe; haza ndi omwana w'omworo, kandi otaine kitiinisa? 24Bwanyima abagaragwa ba Saulo baamugambira oku Daudi agizire. 25Saulo yaagira ati: Oku mube nikwo mwagira Daudi muti: Omugabe tarikwenda njugano, kureka ebishushu igana ebishazirwe aha Bafilistia, abone kuhoora abazigu be. Kwonka Saulo akateekateeka atyo, ngu amwitse Abafilistia. 26Abagaragwa be ku baaherize kugambira Daudi ebyo bigambo, Daudi yaasiima munonga kuba mukwe w'omugabe. 27#2 Sam 3:14. Ebiro ku byabaire bitakahingwireho, Daudi yaimuka n'engabo ze, baahurura, baita Abafilistia magana abiri; Daudi yaatabaaruka n'ebyo bishushu byabo, baabitwarira omugabe byona, ngu abone kuba mukwe w'omugabe. Atyo Saulo yaamuhingira muhara we Mikaali. 28Kwonka Saulo ku yaabireebire, yaamanya ku MUKAMA ari hamwe na Daudi, kandi ku Abaisraeli boona barikumukunda, 29#Zab 37:12, 13; Mub 4:4. yaayeyongyera kumutiina. Okuruga aho Saulo yaaguma ari omuzigu wa Daudi ebiro byona. 30Bwanyima abategyeki b'Abafilistia baahurura kubarwanisa; ku baabaire bahurura, Daudi arwana gye okukira abagaragwa ba Saulo boona; n'ahabw'ekyo eiziina rye ryarangaanwa.
Currently Selected:
1 Samueli 18: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
