1 Samueli 1
1
Hanna okushaba omwana
1 #
1 Bus 6:27. Hakaba hariho omushaija owa Ramasaimu-zofimu omu nsi y'ebibungo eya Efuraimu, eiziina rye Elukaana, mwene Yerohaamu, mwijukuru wa Elihu, mwene Tobu ya Zuufi, Omuefuraimu. 2Akaba aine abakazi babiri, omwe naayetwa Hanna, n'ondiijo Penina; Penina akaba naazaara, kwonka Hanna ari engumba.
3 #
Bir 12:5; Yos 18:1. Omushaija ogwo akaba aruga omu rurembo rw'owaabo buri mwaka, ainamuka Shiilo kuramizayo MUKAMA ow'amahe n'okumutambira ebitambo. Kandi beene Eli bombi, Hofuni na Finehaasi, niyo baabaire nibakora omurimo gwa MUKAMA ogw'obunyamurwa. 4Aha izooba eri Elukaana yaabaire atambiraho ebitambo, akaba agira emigabo, agiha Penina omukazi we n'abaana be b'aboojo n'ab'abaishiki, 5#Kut 30:2. kwonka Hanna amuha emigabo ebiri, ahabw'okuba akaba naamukunda, n'obu MUKAMA yaabaire amwimire oruzaaro. 6Kandi muka iba akaba amuteerera enaku, ngu amugwise kubi, ahakuba MUKAMA akaba amwimire oruzaaro. 7#Kur 23:14; Luk 2:41. Okwo nikwo byabaire biba buri mwaka; Hanna ku yaabaire aza omu nju ya MUKAMA, muka iba amuteerera enaku. Ekyo kimuriza, ayanga n'okurya. 8#Rus 4:15. Kandi Elukaana iba akaba amubuuza ati: Beitu shi, Hanna, orizibwa ki? N'enki ekikuzibira kurya? Ahabw'enki omutima gwawe gutuura n'amaganya? Tindikukukirira abaana b'aboojo ikumi?
9Eizooba rimwe ku baaherize kurya n'okunywa, Hanna yaimuka ahu baabaire bari omuri Shiilo. Obwo Eli omunyamurwa akaba ashutami aha kitebe kye aha kiti ky'omuryango gwa hekalu ya MUKAMA. 10Hanna yaatandika kushaba MUKAMA, aine obusaasi bwingi omu mutima, naarira munonga; 11#Kub 30:3; Kut 29:32; Kub 6:5. yaaragaanisa naahiga omu maisho ga MUKAMA, naagira ati: Ai MUKAMA ow'amahe, ku oraareebe okubonabona kw'omuzaana waawe, waanyijuka, otaanyebwa, wampa omwana w'omwojo, ndyamukuhongyera, abe owaawe ebiro byona ebi arimara omu nsi, kandi orumweiso tirurimuraba ha mutwe. 12Ku yaagumiizemu naashaba atyo omu maisho ga MUKAMA, Eli yaaguma naamureeba aha minwa. 13Kwonka Hanna we akaba naashabira aha mutima, eminwa ye neimuka, eiraka rye ritarikuhurirwa; nikyo Eli yaateekateekyeire ngu asinzire. 14Eli nikwo kumubuuza ati: Oryahitsya hi n'esindo? Ku ocwa viinyo? 15#Zab 62:8. Hanna yaamugarukamu ati: Tikwo kiri, Mukama wangye; ndi omukazi oine omutima gw'obusaasi; tiinyweire viinyo nari ekirikusinza kyona, kureka ninshuka amaganya g'omu mutima gwangye omu maisho ga MUKAMA. 16Otateekateeka ngu omuzaana waawe n'ekifa-mutima; ahakuba ebi naaba ningamba n'okuhitsya hati, mbireeteirwe amaganya maingi n'okugwisibwa kubi. 17#Luk 8:48; Zab 20:4. Eli yaamugira ati: Yegyendere n'obusingye; MUKAMA Ruhanga wa Israeli akuhe eki waamushaba. 18#Yoh 16:24. Onu yaagira ati: Omuzaana waawe agirirwe embabazi omu maisho gaawe. Atyo ogwo mukazi yaayegyendera yaarya, tiyaagaruka kureebwa aine enaku.
Okuzaarwa kwa Samueli
19 #
Kut 30:22. Baimuka kare omu kasheeshe, baaza omu maisho ga MUKAMA, baaramya; bwanyima baagarukayo, baataaha omu ka yaabo Raama; ku baahikireyo, Elukaana yaamanya omukazi we Hanna, MUKAMA yaamwijuka. 20Obunaku ku bwahikire, Hanna yaagira enda, yaazaara omwana w'omwojo, yaamweta Samueli; ahakuba akagira ati: Nkamushaba MUKAMA.
21Bwanyima omushaija ogwo Elukaana yainamuka n'eka ye yoona kutambira MUKAMA ekitambo kya buri mwaka, kandi n'okuhikiiriza eki yaaraganiise; 22kwonka Hanna tiyainamukayo; ahakuba akagira iba ati: Tindizayo, okuhitsya obu omwana aricuuka, nkabona kumutwara, nkamumurikira MUKAMA, akagumayo ebiro byona. 23#Kub 30:7. Iba Elukaana yaamugira ati: Kora eki orikusiima; otegyereze okuhitsya obu orimucuutsya; kwonka MUKAMA ahamye ekigambo kye. Atyo ogwo mukazi yaaguma aho naayontsya omwana we, okuhitsya obu yaamucuukize. 24Ku yaaherize kumucuutsya, yaamwinamura n'enimi ishatu, na eefa emwe y'esaano y'obunono, n'efureebe ya viinyo; yaamutwara Shiilo omu nju ya MUKAMA; kandi ogwo mwana akaba akiri muto. 25Batyo baita enimi, baareetera Eli omwana. 26Ogwo mukazi yaagira ati: Mukama wangye, buzimazima nk'oku okiriho, niinye mukazi ori, owaabaire ayemereire aha omu maisho gaawe naashaba MUKAMA. 27#Mat 7:7. Omwana ogu nkamushaba MUKAMA; kandi agarukiremu okushaba kwangye; 28#1 Sam 2:11. nikyo naamuhongyerera MUKAMA; ebiro byona ebi arimara omu nsi, aryaguma ahongyeirwe MUKAMA. Baaramizayo MUKAMA.
Currently Selected:
1 Samueli 1: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
