1 Abagabe 5

Sulemaani okweteguurira okwombeka hekalu, akwataniise na Hiraamu omugabe wa Tuuro

1 # 2 Bus 2:3. Bwanyima Hiraamu omugabe wa Tuuro, ku yahuriire ngu beemekire Sulemaani kuba omugabe kuhungurira ishe, yaamutumaho abairu be; ahabw'okuba okwiha ira akaba ari munywani wa Daudi. 2#2 Sam 5:11. Sulemaani yaatuma ahari Hiraamu naagira ati: 3#2 Bus 2:3-16; 1 Bus 22:8. Noomanya ku tata Daudi atarabaasize kwombekyera eiziina rya MUKAMA Ruhanga we enju ahabw'engamba z'abazigu abaabaire bamuri embaju zoona, okuhitsya obu MUKAMA yaabataire ahansi y'ebigyere bye. 4#1 Bag 4:24. Mbwenu hati MUKAMA Ruhanga wangye ampaire okuhuumura embaju zoona; tihakiriho bazigu nari akabi. 5#2 Sam 7:13; 1 Bus 28:6. N'ahabw'ekyo mmaririire kwombekyera eiziina rya MUKAMA Ruhanga wangye enju, nk'oku MUKAMA yaagambiire tata Daudi, ati: Mutabani waawe, ou ndyemeka kukuhungurira, niwe aryombekyera eiziina ryangye enju. 6N'ahabw'ekyo hati ragiira bantemere emiti y'emyela omuri Lebanooni; bayakora n'abairu bangye; kandi ndyaguma nkuhe ebihembo by'abairu baawe nk'oku oringambira; ahabw'okuba noomanya ku hatariho n'omwe omuriitwe orikumanya kushara embaaho nk'Abasidoni.

7Hiraamu, ku yaahuriire ebigambo bya Sulemaani, yaashemererwa munonga, yaagira ati: Eri izooba MUKAMA asiimwe, ahabw'okuha Daudi omwana w'obwengye kutegyeka eihanga eri erikuru. 8Hiraamu yaatuma ahari Sulemaani ati: Mpuriire ebi ontumireho byona; niinyija kukora byona eby'emyereezi n'eby'emiberooshi, nk'oku orikwenda. 9#Ezr 3:7. Abairu bangye baryagiiha Lebanooni, bagishuumye, bagihitsye aha nyanja, ngikomerane nk'ebibaya, ebone kuraba aha nyanja, ehikye omu mwanya ogu orindagiira; okwo ebe niyo yaakomororerwa, ogyakiire; kandi ku oriheereza ab'omu ka yangye eby'okurya, oryaba ohikize ebi ndikwenda. 10Atyo Hiraamu yaatwekyera Sulemaani emyerezi n'emiberooshi ei yaabaire naayenda yoona; 11na Sulemaani yaaha Hiraamu encuro z'engano obukumi bubiri n'entsimbo z'amajuta marungi makumi abiri ahabw'eka ye. Okwo nikwo Sulemaani yaagumire naamuha ebyo by'okurya buri mwaka. 12#1 Bag 3:12. Kandi MUKAMA yaaha Sulemaani obwengye, nk'oku yaamuraganiise, yaagira obusingye na Hiraamu; bombi baaragaana endagaano y'okuhwerana.

13 # 1 Bag 4:6; 9:15. Omugabe Sulemaani yaatoorana abantu omuri Israeli yoona b'okuguma nibakora nibaihaihana; omubaro gwabo gukaba guri obukumi bushatu. 14Yaaguma naayohereza kakumi-kakumi Lebanooni buri kwezi nibaihaihana; bamarayo okwezi kumwe, kandi ameezi abiri bagamara omuka; Adoniramu niwe yaabaire ari omukuru waabo. 15#1 Bag 9:20-22; 2 Bus 2:18. Kandi Sulemaani akaba aine abeekorezi obukumi mushanju, n'abaabaire nibabaija amabaare omu nshozi obukumi munaana, 16otabariiremu bakuru b'emirimo enkumi ishatu na magana ashatu, abaabaire nibategyeka abakozi. 17#1 Bag 6:7. Omugabe yaabaragiira kuhigura amabaare mahango g'obuguzi bwingi, ngu babone kugabaija n'okugombekyesa omusingi gw'egyo nju. 18#Ezk 27:9. Batyo abombeki ba Sulemaani n'aba Hiraamu n'abantu ba Gebali bagabaija; bwanyima baatebeekanisa emiti n'ago mabaare kubyombekyesa egyo nju.

Currently Selected:

1 Abagabe 5: RR64

Highlight

Copy

Compare