1 Abagabe 4
4
Abategyeki abu Sulemaani yaataireho
1Omugabe Sulemaani yaaba omugabe wa Israeli yoona; 2kandi aba nibo bategyeki bakuru abu yaabaire aine; Azaria mwene Zadoki akaba ari omunyamurwa, 3#2 Sam 8:16. Elihorefu na Ahiya beene Shiisha bakaba bari abahandiiki; Yehoshafaati mwene Ahiluudi akaba ari omuhandiiki w'ebirikubaho; 4#1 Bag 2:35. Benaaya mwene Yehoyaada akaba ari omukuru w'eihe; Zadoki na Abiasaari bakaba bari abanyamurwa; 5#1 Bag 4:7. Azaria mwene Nasani ari omukuru w'abatware; Zabudi mwene Nasani akaba ari omunyamurwa, kandi munywani w'omugabe; 6#1 Bag 5:14; 9:15; 12:18. Ahishaari akaba ari omukuru w'ekikaari na Adoniramu mwene Abuda ari omukuru w'eby'emirimo.
7Kandi Sulemaani akaba aine abatware ikumi na babiri omuri Israeli yoona, abo nibo baabaire batoijera omugabe n'ab'mu ka ye boona eby'okurya; buri omwe akaba aragiirwa kureeta eby'okurya by'okwezi kumwe omu mwaka. 8Aga nigo maziina gaabo; Benihuuri ow'omu nsi y'ebibungo ya Efuraimu; 9Benidekere owa Makazi, Shaalubiimu, Betishemeshi na Eloni-besihanani; 10Benihesedi owa Aruboosi, (kandi niwe yaabaire atwara Sooko n'ensi yoona eya Heferi); 11#Yos 11:2. Ben-abinadabu owa Nafati-doori yoona, (kandi akaba ashweire muhanra wa Sulemaani orikwetwa Tafasi). 12Baana, mwene Ahiluudi, owa Tanaki, Megido na Besi-sheani yoona aha rubaju rwa Zaretaani orwa ifo ya Yezereeli, okuruga Besi-sheani okuhika Abeeli-mehola, kandi n'okuhika seeri ya Yokimeamu; 13#Kub 32:41; Bir 3:4; 1 Bag 22:3. Benigeberi owa Ramosi-gileadi, (kandi akaba naatwara tauni za Yairi mwene Manaase ez'omuri Gileadi, n'ekyanga kya Arugoobi, eky'omuri Bashani, ekyabaire kirimu endembo makumi mukaaga ezeehinguririziibwe engo z'amabaare eziine amarembo g'enyigi ezirikukingwa empimbi z'emiringa); 14Ahinadabu mwene Ido, owa Mahanaimu; 15Ahimaazi owa Nafutaali (kandi nawe niwe yaabaire ashweire muhara wa Sulemaani orikwetwa Basemaasi); 16Baana mwene Hushai owa Asheri na Bealoosi; 17Yehoshafaati mwene Parua, owa Isakaari; 18Shimei mwene Ela, owa Benyamiini; 19#Bir 3:8-10. na Geberi mwene Uuri, ow'ensi ya Gileadi, n'ensi ya Sihooni omugabe w'Abaamori na Ogi omugabe wa Bashani. Kandi omuri Yuda hakaba harimu omutware omwe. 20#Kut 22:17; 1 Bag 3:8. Abayuda n'Abaisraeli bakaba bari baingi nk'omusheenyi gw'aha rubaju rw'enyanja, nibarya, nibanywa, kandi nibashemererwa.
Eby'ekitiinisa kya Sulemaani
21 #
Kut 15:18; Kur 23:31; Yos 1:4; 2 Bus 9:26. Atyo Sulemaani yaategyeka ensi z'abagabe zoona okuruga aha mugyera Furaati, okuhika aha nsi y'Abafilistia, n'aha mwatano gwa Misri; baaguma nibamutoijera, kandi nibamukorera ebiro byona ebi yaamazire aha ngoma. 22Omutoijo gw'eby'okurya bya Sulemaani omu izooba rimwe gukaba guba encuro z'esaano y'obunono makumi ashatu, n'ez'endiijo saano makumi mukaaga, 23enkone z'ente ikumi, n'ezindi makumi abiri ezi baabaire baiha omu mariisizo, n'entaama igana, otabariiremu mpara, esirabo, engabi n'enkoko zigomokire. 24#Kut 10:19; 1 Bus 22:9. Ahakuba akaba atwara ebyanga byona ebyabaire biri seenu y'omugyera Furaati, okuruga Tifusa, okuhika Gaaza, kandi n'abagabe boona abaabaire bari seenu y'ogwo mugyera; kandi akaba aine obusingye aha mbaju zoona. 25#2 Sam 3:10; Yer 23:6; 32:27; Ezk 28:26; Mik 4:4. Abayuda n'Abaisraeli baaguma bari buhooro, buri muntu aha muzaabibu gwe, n'aha mutiini gwe, okuruga Daani okuhika Beeri-sheba omu biro bya Sulemaani byona. 26#1 Bag 10:26. Kandi Sulemaani akaba aine emyanya ei embaraasi ze ezirikukurura ebigaari zirikuraaramu obukumi buna, kandi akaba aine abashaija abarikugyendera aha mbaraasi kakumi n'enkumi ibiri. 27Abo batware bakaba batoijera Sulemaani eby'okurya ahabwe n'ahabwa boona abaabaire bariira aha meeza ye, buri mutware okwezi kwe, hatarikugira kintu kyona ekyaburaho. 28Brui mutware akaba areeta sayiri n'obunyaatsi bw'embaraasi n'obw'ezirikwiruka munonga, nk'oku yaabaire aragiirwa; abireeta omu mwanya ogu byabaire biba nibyetengwamu.
29 #
1 Bag 3:12. Kandi Ruhanga yaaha Sulemaani obwengye n'okwetegyereza ebitakareebwaga, kandi n'omutima ogwine okushoborokyerwa kwingi munonga nk'omusheenyi gw'aha rubaju rw'enyanja; 30#Byak 7:22. butyo obwengye bwa Sulemaani bwakira obw'abantu b'oburugwa-izooba n'obwengye bwona obw'Abanyamisri. 31Kandi akaba naakiza n'abandi boona obwengye, nka Esaani Omunyaezerahi, na Hemani, Katukooli na Darada beene Mahooli; eiziina rye ryarangaanwa omu mahanga goona agaabaire gamwehinguririize. 32#Enf 1:1; Mub 12:9; Kyesh 1:1. Akagunja enfumu enkumi ishatu, yaahimba n'ebyeshongoro rukumi na bitaano. 33Akaba naamanya ebirikumera okwiha aha mwela ogw'omuri Lebanooni okuhika aha nyaweera erikumera aha rugo; kandi akaba naamanya enyamaishwa, n'enyonyi, n'ebirikugyendesa enda, n'eby'enyanja. 34#1 Bag 10:1; 2 Bus 9:23. Abantu bakaba baruga omu mahanga goona, baija kuhurira obwengye bwa Sulemaani, batumirwe abagabe b'omu nsi yoona, abaaherize kuhurira aha bwengye bwe.
Currently Selected:
1 Abagabe 4: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
