1 Abagabe 11

Okugwa kwa Sulemaani

1 # Bir 17:17; Neh 13:26. Bwanyima omugabe Sulemaani yaakunda abakazi baingi b'endugamahanga; muhara wa Faraho, Abamoabukazi, Abaamonikazi, Abanyaedomukazi, Abasidonikazi n'Abahiitikazi, 2#Kur 34:16. abaarugire omu mahanga agu MUKAMA yaagambiire Abaisraeli naagira ati: Mutarishwererana nabo; ahakuba buzimazima baryahindura emitima yaanyu, mukuratire baaruhanga baabo. Kwonka Sulemaani ahabw'okubakunda yaababaho akaramata. 3Akaba aine abakazi magana mushanju abanyiginyakazi, n'ebinyansunju magana ashatu; abakazi be abo baahindura omutima gwe. 4#1 Bag 8:61. Ahakuba Sulemaani ku yaakuzire, baahindura omutima gwe, yaakuratira baaruhanga abandi; ahabw'okuba omutima gwe tigurabeereire kimwe gw'amazima ahari MUKAMA Ruhanga we nk'ogwa Daudi ishe. 5#1 Bag 11:33; Bar 2:13; 2 Bag 23:13. N'ahabw'ekyo Sulemaani akakuratira Ashitaroosi ruhanga-omukazi ow'Abasidoni, na Milikomu ekihagaro eky'Abaamoni. 6Atyo Sulemaani yaakora ebirikwangwa MUKAMA, tiyaakuratirira kimwe MUKAMA nk'oku Daudi ishe yaakozire. 7#2 Bag 23:10; Lev 20:2-4; Byak 7:43. Bwanyima Sulemaani yaayombekyera Kemoshi ekihagaro kya Moabu, na Moleki ekihagaro ky'Abaamoni omwanya gw'okuramizamu aha kabungo k'oburugwa-izooba bwa Yerusaalemu. 8Kandi nikwo yaakoreire atyo abakazi be boona ab'endugamahanga, abaabaire bootera obubaane, bakatambira baaruhanga baabo.

Ruhanga okuhana Sulemaani

9 # 1 Bag 3:5; 9:2; 11:2, 4. Kandi MUKAMA yaagirira Sulemaani ekiniga, ahabw'okuba omutima gwe gukaba gurugire ahari MUKAMA Ruhanga wa Israeli, owaabaire amweyorekire kabiri, 10#1 Bag 6:12; 9:6. kandi amuragiire naamwehanangiriza aha kintu eki, kutakuratira baaruhanga abandi; kwonka tiyaakora nk'oku MUKAMA yaamuragiire. 11#1 Bag 11:31; 12:15, 16. Nikyo MUKAMA yaagiriire Sulemaani ati: Nk'oku okozire eki, okiihire aha mutima, okanga kurinda endagaano n'ebyatairweho ebi naakuragiire, buzimazima niinyija kukwaka obugabe bwawe, mbuhe omugaragwa waawe. 12Kwonka ahabwa sho Daudi tindikikora omu biro byawe, ndyabwaka mutabani waawe. 13#1 Bag 12:20; 2 Sam 7:15; Bir 12:5, 11; Zab 89:33. Kandi tindibumwaka bwona, kureka ndyamuhaho oruganda rumwe ahabw'omwiru wangye Daudi, n'ahabwa Yerusaalemu ei naayetooraniire.

Okufa kwa Sulemaani

14MUKAMA yaimukiza Sulemaani omuzigu w'okumurwanisa, orikwetwa Hadadi Omunyaedomu, owaabaire ari ow'omu ruganda rw'obugabe bwa Edomu. 15#2 Sam 8:14. Ahakuba Daudi ku yaabaire ari Edomu, Yoabu owaabaire ari omukuru w'engabo yaimuka yaaza kuziika abaitsirwe, yaita oyetwa omushaija weena omuri Edomu; 16(ahakuba Yoabu n'Abaisraeli boona bakamarayo ameezi mukaaga, okuhitsya obu yaacwekyereize oyetwa omushaija weena omuri Edomu) 17kwonka Hadadi yaahungira Misri n'abamwe aha Banyaedomu abaabaire bari abairu ba ishe, we akiri muto. 18Batyo baaruga Midiani, baahika Parani, baihayo abashaija, baabatwara, baaza Misri owa Faraho omugabe wa Misri, Faraho yaamuha enju, n'ab'okumutoijera eby'okurya, kandi yaamuha n'obutaka. 19Hadadi ogwo yaagira obushongore bwingi ahari Faraho, ekyarugiremu yaamuhingira muramu we, murumuna wa Tapeneesi omukazi we nyeiteeka. 20Murumuna wa Tapeneesi yaamuzaarira omwana w'omwojo orikwetwa Genubaasi, ou Tapeneesi yaacuukiize omu ka ya Faraho n'abaana be. 21#1 Bag 2:10, 34. Kwonka Hadadi ku yaabaire ari Misri, yaahurira ngu Daudi agwejegyeire, yaashaga baishenkuru, kandi ngu na Yoabu omukuru w'eihe afiire, Hadadi yaagira Faraho ati: Reka ngyende, ngarukye omu ihanga ryaitu. 22Kwonka Faraho yaamubuuza at: Waaza kwenda kugaruka owaanyu mbuzire ki? Onu yaamugarukamu ati: Tikiriho; kwona fa okundeka ngyende.

23Kandi Ruhanga yaagaruka yaamwimukiza omuzigu orikwetwa Rezoni mwene Eliada, owaabaire acwire hari mukama we Hadadezeeri omugabe wa Zooba. 24#2 Sam 8:3. Daudi ku yaabaire aherize kwita aba Zooba, Rezoni yaateerana hamwe abantu, yaaba omwebembezi w'omutwe gw'abambuzi; baataha Damasiko, baatuurayo, bwanyima baamugira omugabe omuri Damasiko. 25Yaaba omuzigu w'Abaisraeli ebiro byona ebya Sulemaani, naakora kubi nka Hadadi, naayangira kimwe Israeli, kandi naategyeka Siria.

Yeroboamu okuragurwaho ku aritwara obugabe bwa Israeli

26 # 1 Bag 12:2; 2 Bus 13:6. Bwanyima Yeroboamu mwene Nebati Omuefuraimu owa Zereda, omugaragwa wa Sulemaani, mwene Zerua omufaakazi, nawe yaimuka, yaarwanisa omugabe. 27#1 Bag 9:24. Kandi eki nikyo yaarwanisiize omugabe. Sulemaani akaba naayombeka Miilo, naahunduuza ekishenshero ky'orurembo rwa Daudi ishe. 28Kandi Yeroboamu akaba ari omushaija orikwebaasa; n'ahabw'ekyo Sulemaani ku yaareebire ogwo mutsigazi ari omukozi, yaamuha obukuru bw'okureeberera abapakasi boona ab'mu muryango gwa Yosefu. 29#1 Bag 12:15; 14:2; 15:29; 2 Bus 9:29. Omu bunaku obwo, Yeroboamu ku yaabaire naaruga Yerusaalemu, nabi Ahiya owa Shiilo yaamubugana. Obwo Ahiya akaba ajwaire omwenda musya; bari bombi omu bwerere. 30#1 Sam 15:27. Ahiya yaakwata ekyo kijwaro kye, yaakitaaguramu emitanda ikumi n'ebiri. 31Yaagira Yeroboamu ati: Yetwarire emitanda ikumi; ahakuba MUKAMA Ruhanga wa Israeli nikwo arikugira ati: Reeba, niinyija kwaka Sulemaani obugabe, iwe nkuhe enganda ikumi; 32#1 Bag 12:21; 14:21. kwonak naija kuguma n'oruganda rumwe ahabw'omwiru wangye Daudi, n'ahabwa Yerusaalemu, orurembo oru naatooraine omu nganda zoona eza Israeli; 33ahabw'okuba antsigireho, yaaramya Ashitaroosi ruhanga-omukazi owa Sidoni, na Kemoshi ruhanga wa Moabu, na Milikomu ruhanga w'Abaamoni; kandi yaayanga kugyendera omu mihanda yangye n'okukora ebihikire omu maisho gangye, n'okworobera ebyatairweho n'emigyenzo ei naaragiire, nk'oku Daudi ishe yaabaire naatwaza. 34Kwonka tindimwaka bugabe bwona, kureka ndyamureka agume ari omutegyeki omu biro bye byona, ahabwa Daudi omwiru wangye ou naatooraine akoorobera ebiragiro byangye n'ebi naataireho; 35#1 Bag 12:16, 17. omwana we niwe ndyaka obugabe, nkakuha engada ikumi. 36#2 Sam 21:17; 1 Bag 15:4. Kwonka omwana we ndyamuha oruganda rumwe, ngu Daudi omwiru wangye agume n'etabaaza obutoosha omu maisho gangye omuri Yerusaalemu, orurembo oru naatooraine kugumyamu eiziina ryangye. 37Kandi ndyakutwara otegyekye nk'oku orikwenda kwona, obe omugabe wa Israeli. 38#2 Sam 7:11, 27; 1 Sam 2:35. Kandi ku orihurira ebi ndikukuragiira, waagyendera omu mihanda yangye, waakora ebihikire omu maisho gangye, nooyorobera ebi naataireho n'ebiragiro byangye, nk'omwiru wangye Daudi oku yaabaire atwaza, ndyaguma naiwe, nkwombekyere enju ehamire, nk'ei naayombekyeire Daudi; kandi nkuhe Israeli. 39Kandi ahabw'ekyo ndyabonabonesa baijukuru ba Daudi, kwonka ti biro byona. 40#1 Bag 14:25. Ekyo kyareetera Sulemaani kwenda kwita Yeroboamau; kwona Yeroboamu yaimuka, yaahungira Misri owa Shishaki omugabe wa Misri, yaagumayo okuhitsya obu Sulemaani yaafiire.

41 # 2 Bus 9:29-31. Endiijo mirimo ya Sulemaani n'ebi yaakozire byona, n'obwengye bwe, tibihandiikirwe omu kitabo ky'ebyakozirwe Sulemaani? 42Kandi omwanya gwona ogu Sulemaani yaamazire aha ngoma Yerusaalemu, naategyeka Israeli yoona, gukahika emyaka makumi ana. 43#Mat 1:7. Atyo Sulemaani yaagwejegyera, yaashanga baishenkuru, yaaziikwa omu rurembo rwa Daudi ishe, Rehoboamu omutabani yaategyeka omu mwanya gwe.

Currently Selected:

1 Abagabe 11: RR64

Highlight

Copy

Compare