1 Yohaana 1

Okukwatanisa kwa Ruhanga n'omuntu ahabwa Yesu

1 # Yoh 1:1, 14. Ekyabaire kiriho iranaire, eki twahuriire, eki twareebire n'amaisho gaitu, eki twayetegyereize kandi tukakwataho n'engaro zaitu, ekya kigambo ow'amagara 2#Yoh 1:4. (kandi amagara ago gakoorekwa, twagareeba, twagahamua, kandi nitubagambira amagara ago agatahwaho agaabaire gari na Isheboona gakatworekwa) 3eki twareebire kandi eki twahuriire, nikyo turikubagambira ngu naimwe mukwatainse naitwe; kandi naitwe tukwataniise na isheboona n'Omwana we Yesu Kristo; 4#Yoh 15:11; 16:24. kandi nitubahandiikira ebyo ngu okushemererwa kwaitu kube okuhikire.

5 # Yoh 8:12. Obu nibwo butumwa obu yaatugambiire, kandi obu turikubagambira, ngu Ruhanga n'omushana, kandi omuriwe tiharimu mwirima na kakye. 6#1 Yoh 2:4. Ku turaabe nitugira ngu nitukwatanisa nawe, haza kunu nitugyendera omu mwirima, biri nitubeiha kandi titurikukora by'amazima; 7#Heb 9:14. kwonka ku tugyendera omu mushana, nka We oku ari omu mushana, tukwatanisa hamwe, kandi eshagama ya yesu Kristo Omwana we eguma neetwozyaho ebibi byona. 8Ku tugira ngu titwine kibi, tuba nitwebeiha, kandi tuba tutaine mazima. 9Ku twatura ebibi byaitu, niwe w'okwesigwa kandi ohikiriire kutusaasira ebibi n'okutwozyaho eby'okutahikiirira byona. 10Ku tugira ngu titukashiishaga, tumuhindura omubeihi, kandi ekigambo kye kiba kitari muriitwe.

Currently Selected:

1 Yohaana 1: RR64

Highlight

Copy

Compare