1 Eby'omu Busingye 23

Daudi okwemeka omutabani Sulemaani

1 # 1 Bus 29:22, 28; 1 Bag 1:33-39. Daudi ku yaakuzire, yaahika omu ngingo zaabukuru, yaayemeka omutabani Sulemaani kuba omugabe wa Israeli.

Daudi okubaganisiza Abaleevi emirimu

2Yaateeranira hamwe abakuru ba Israeli boona, n'abanyamurwa n'Abaleevi. 3#1 Bus 23:24; Kub 4:3, 47, 48. Batyo baabara Abaleevi abahikize emyaka makumi ashatu n'abagirengize, boona baaba abashaija obukumi bushatu n'enkumi munaana. 4#Bir 16:18; 21:5; 1 Bus 26:29; 2 Bus 19:8; 34:13; Ezr 3:8, 9. Daudi yaagira ati: Omuri aba, obukumi bubiri n'enkumi ina bakwatsibwe omurimo gw'okuheereza omu nju ya MUKAMA, enkumi mukaaga babee abatware n'abaramuzi, 5#2 Bus 29:25, 26; Neh 12:36. enkumi ina babe abarinzi b'amarembo, kandi enkumi ina babe ab'okuhimbisa MUKAMA n'ebintu ebi nkozire ahabw'okuhimbisa. 6#1 Bus 6:1, 16; 2 Bus 23:18; 35:4. Daudi yaabacwamu ebicweka nk'oku batabani ba Leevi baabaire bari: Gereshoni, Kohasi na Merari.

7Batabani ba Gereshoni bakaba bari Ladani na Shimei. 8#1 Bus 6:21; 29:8. Beene Ladani: omukuru Yehieli, naakuratwa Zesamu na Yoeli, boona bashatu. 9Beene Shimei, Shelomiisi, Hazieli, na Harani, boona bashatu. Abo nibo baabaire bari abakuru b'amaju ga baishenkuru ba Ladani. 10Beene Shimei, Yahasi, Ziina, Yeushi na Beria. Abo bana bakaba bari beene Shimei. 11Yahasi niwe yaabaire ari mukuru, naakuratwa Ziiza, kwonka Yeushi na Beria bakaba bataine baana b'aboojo baingi; nikyo kyabareeteire kubarwa nk'ab'enju emwe eya baishenkurubo.

12 # 1 Bus 6:18; Kub 3:19. Batabani ba Kohasi: Amuraamu, Izuhaari, Heburooni na Uzieli, boona bana. 13#Kur 6:20; 28:1; 30:7; Kub 6:23; Heb 5:4. Beene Amuraamu, Arooni na Musa. Kandi Arooni ogwo niwe yaashoroirwe kuba ow'okweza ebintu ebirikwera munonga, we n'oruzaaro rwe kuguma nibootera obubaane omu maisho ga MUKAMA nibamuheereza, kandi n'okushabira abantu omugisha omu iziina rye ebiro byona. 14#1 Bus 26:23-25; Bir 33:1. Kwonka beene Musa omushaija wa Ruhanga bakaba nibabarirwa omu ruganda rwa leevi. 15Beene Musa, Gereshoni na Eliezeeri. 16#Kur 2:22; 18:3, 4. Beene Gereshoni omukuru ni Shebueli. 17Beene Eliezeeri; Rehabia, niwe yaabaire ari mukuru, kandi Eliezeeri akaba ataine bandi baana b'aboojo, kwonka beene Rehabia bakaba bari baingi munonga. 18Beene Izuhaari, Shelomiisi niwe yaabaire ari mukuru. 19#1 Bus 26:31. Beene Heburooni, Yeria niwe yaabaire ari mukuru, owa kabiri Amaria, owa kashatu Yahazieli, n'owa kana Yekameamu. 20Beene Uzieli, Miika niwe yaabaire ari mukuru, naakuratwa Ishia.

21 # Kur 6:19; 1 Bus 6:19, 29. Batabani ba Merari: Mahili na Muushi; beene Mahili, Eleazaari na Kiishi. 22#Kub 36:6, 8. Eleazaari yaafa atazaire baana b'aboojo, kureka abaishiki bonka; beene waabo batabani ba Kiishi baabashwera. 23Beene Muushi, Mahili, Ederi na Yeremoosi, boona bashatu.

24 # Kub 4:3; 8:24; 10:17, 21. Abo nibo baabaire bari batabani ba Leevi, nk'amaju ga baishenkurubo oku gaabaire gari, kandi inibo bakuru b'amaju ga baishenkurubo, nk'oku baahandiikirwe, nibakuratira amaziina gaabo buri omwe, abahikize emyaka makumi abiri n'abagirengize, abaabaire bari ab'okukora omurimo gw'okuheereza omu nju ya MUKAMA. 25#1 Bus 22:18. Ahabw'okuba Daudi akagira ati: MUKAMA Ruhanga wa Israeli ahaire abantu be obusingye; kandi atuura omuri Yerusaalemu ebiro byona. 26#Kub 4:5-15. N'ahabw'ekyo Abaleevi tibakyetenga kuheeka Iheka, n'obu kyakuba ekintu kyona eky'okukoresa omurimo gwaryo; 27(ahakuba ahabw'ekiragiro kya Daudi eky'aha muheru Abaleevi abahikize emayka makumi abiri n'abagirengize bakabarwa) 28kureka omurimo gwabo guryaba okuhwera beene Arooni ahabw'obuheereza omu nju ya MUKAMA, bakwatsiibwe ebibuga, ebishengye, okushemeza ebintu byona ebirikwera, kandi n'omurimo gwona ogw'okukora aha nju ya Ruhanga; 29#Lev 6:20, 21; 19:36; 24:5-8; 1 Bus 9:29, 31. kandi n'okuhwera omu by'emigaati ey'okumurikwa, omu by'esaano ahabw'empongano z'esaano, omu bya capati z'emigaati etatumbisiibwe, omu by'empongano eziteekire, omu by'empongano ezijwangizemu amajuta, n'omu bigyero byona eby'okurengyesa obwingi n'obuhango. 30Buri kasheeshe baryayemerera basiime MUKAMA, nibamuhimbisa, kandi n'omu mwabazyo batyo; 31#Lev 23:2, 4; Kub 28:9, 11. kandi ku bariba nibahongyera MUKAMA ebitambo by'okwotsya ahari buri sabato, nari ahari buri kuboneka kw'okwezi, nari aha biro bikuru by'amagyenyi, nk'ebiragiro byabyo oku biri, bakore batyo obutoosha omu maisho ga MUKAMA. 32#Kub 1:53; 3:6-9. Okwo nikwo baririnda Eihema ry'okubugaabuganiramu, kandi bakaheereza beene waabo, beene Arooni, omu buheereza bw'omu nju ya MUKAMA.

Currently Selected:

1 Eby'omu Busingye 23: RR64

Highlight

Copy

Compare