1 Eby'omu Busingye 22

Daudi okweteguurira okwombeka hekalu

1 # 1 Bus 21:18, 19, 26, 28; 2 Bus 3:1. Bwanyima Daudi yaagira ati: Aha niho enju ya MUKAMA Ruhanga eriba, kandi n'eitambiro ry'okwokyezaho ebitambo ahabwa Israeli.

2 # 1 Bag 5:17; 9:20, 21; 2 Bus 2:17. Daudi yaaragiira kuteeranira hamwe abanyamahanga abaabaire bari omu nsi ya Israeli, yaata ababaizi b'amabaare kubaija ag'okwombekyesa enju ya Ruhanga. 3#1 Bag 7:47. Kandi yaateekateeka ebyoma bingi by'okuheeshamu emisumaari y'enyigi z'amarembo, n'emiringa mingi munonga erengire kigyero, 4#1 Bag 5:6. n'ebiti by'emyereez ebitarikubarwa; ahabw'okuba Abasidoni n'Abatuuro bakareetera Daudi emyereezi mingi. 5#1 Bag 3:7; 1 Bus 29:1; Enf 4:3. Ahakuba Daudi akagira ati: Sulemaani mutabani wangye akiri muto, takahamire, kandi enju erikwija kwombekyerwa MUKAMA eshemereire kuba ey'ekitiinisa kingi munonga, ekarangaanwa, ekahimbisibwa omu nsi zoona; n'ahabw'ekyo niinyija kugiteekateekyera eby'okugyombeka. Atyo Daudi yaateekateeka ebintu bingi munonga atakafiire.

6Bwanyima yaayeta omutabani Sulemaani, yaamwehanangiriza kwombekyera MUKAMA Ruhanga wa Israeli enju. 7#2 Sam 7:2, 3; 1 Bag 8:17; 1 Bus 17:1, 2; 28:2; Zab 132:1-5. Yaagira Sulemaani ati: Mwana wangye, nkashangwa nkiine aha mutima kwombekyera eiziina rya MUKAMA Ruhanga wangye enju. 8#1 Bag 5:3; 1 Bus 28:3. Kwonka ekigambo kya MUKAMA kyanyizira, nikigira kiti: Okasheesha eshagama nyingi, waarwana engamba nyingi; toryombekyera iziina ryangye nju, ahabw'okuba okasheesha eshagama nyingi omu maisho gangye. 9#2 Sam 12:24; 1 Bag 4:25; 5:4. Reeba, oryazaarirwa omwana, abe ow'obusingye; kandi ndyamuha obusingye aha bazigu be boona abariba bamwehinguririize; ahakuba ei ziina rye aryayetwa Sulemaani; kandi omu biro bye ndyaha Israeli obusingye n'okutuuza. 10#2 Sam 7:13, 14; 1 Bus 28:6; Heb 1:5. Ogwo niwe aryombekyera eiziina ryangye enju. Aryaba omwana wangye, naanye mbe ishe; kandi ndyahamya ekitebe ky'obugabe bwe omuri Israeli ebiro byona. 11Mbwenu, mwana wangye, MUKAMA agume naiwe, obone kwombeka enju ya MUKAMA Ruhanga waawe, ogiheze gye, nk'oku yaakugambireho. 12#1 Bag 3:9, 12; Zab 72:1. Kwonka, MUKAMA akuhe obwengye n'okwetegyereza, ku araakutegyekyese Israeli, oyorobere ebiragiro bya MUKAMA Ruhanga waawe. 13#1 Bus 28:7; Bir 31:6. Obwo, ku orita omutima ha kworobera ebiragiro n'ebyatairweho ebi MUKAMA yaaragiira Musa ahabwa Israeli, oryaba gye. Ba ow'amaani, ogume; otatiina, kandi otahahaaza omutima. 14#1 Bus 29:4. Reeba, omu kufa kubi kwangye nteekateekyeire enju ya MUKAMA etalanta z'ezaabu akasiriira kamwe, n'ez'efeeza akakaikuru, n'emiringa n'ebyoma ebirengire ekigyero, ahabw'okuba ni bingi munoga; kandi nteekateekire embaaho n'amabaare. Ahari ebyo naiwe oryayongyeraho. 15Kandi oine abakozi baingi munonga, ababaizi b'amabaare, abombeki, ababaizi, abanyamyoga b'emiringo yoona abatarikubarwa, 16abarikumanya kukoresa ezaabu, efeeza, emiringa n'ebyoma. Imuka okore! MUKAMA agume naiwe.

17 # 1 Bus 28:1-6. Kandi Daudi yaaragiira abakuru ba Israeli boona kuhwera omutabani Sulemaani naagira ati: 18#1 Bus 23:25; 2 Sam 7:1; Yos 21:44; 23:1. Timurikumanya MUKAMA Ruhanga waanyu, ku ari hamwe naimwe? Kandi tabahaire obusignye embaju zoona? Ahabw'okuba akahayo abatuuzi b'ensi egi omu mikono yangye; kandi ensi egomoirwe omu maisho ga MUKAMA n'omu maisho g'bantu be. 19#1 Bag 5:3; 8:6, 21; 2 Bus 20:3. Mbwenu mute omutima gwanyu gwona aha kusherura MUKAMA Ruhanga waanyu. Mwimukye, mwombekye Omwanya ogurikwera ogwa MUKAMA Ruhanga waanyu, mubone kureeta eshanduukye y'endagaano ya MUKAMA, n'ebintu ebirikwera bya Ruhanga, omu nju eryombekyerwa eiziina rye.

Currently Selected:

1 Eby'omu Busingye 22: RR64

Highlight

Copy

Compare