1 Eby'omu Busingye 15

Daudi okutaasya eshanduukye ya Ruhanga

1 # 1 Bus 16:1. Bwanyima Daudi yaayeyombekyera amaju omu rurembo rwe; kandi yaateguurira eshanduukye ya Ruhanga omwanya, yaagiteerera eihema. 2#1 Bus 15:15, 26; Kub 4:15. Daudi yaagira ati: Tihariho n'omwe oshemereire kuheeka eshanduukye ya Ruhanga kureka Abaleevi, ahabw'okuba nibo MUKAMA yaatooraine kuguma nibaheeka eshanduukye ya MUKAMA, n'okumuheereza ebiro byona. 3#1 Bus 13:5; 1 Bag 8:1; 2 Sam 6:17. Bwanyima Daudi yaateeranira Abaisraeli boona Yerusaalemu, ngu baze kwinamura eshanduukye ya MUKAMA, bagite omu mwanya gwayo ogu agibonereize. 4#1 Bus 6:16-30. Kandi Daudi yaateerana batabani ba Arooni n'Abaleevi; 5omuri beene Kohasi, omukuru akaba ari Urieli na beene ishe igana na makumi abiri; 6omuri beene Merari, omukuru Asaaya na beene ishe magana abiri na makumi abiri; 7omuri beene Gereshoni, omukuru Yoeli na beene ishe igana na makumi ashatu; 8omuri beene Elizafaani, omukuru Shemaaya na beene ishe magana abiri; 9omuri beene Heburooni, omukuru Elieli na beene ishe makumi munaana; 10omuri beene Uzieli, omukuru Abinadabu na beene ishe igana na ikumi na babiri. 11#1 Bus 6:18; 16:39; 1 Bag 1:25; 2:26; 2 Sam 15:24; 1 Sam 22:20. Bwanyima Daudi yaayeta Zadoki na Abiasaari abanyamurwa n'Abaleevi aba: Urieli, Asaaya, Yoeli, Shemaaya, elieli na Aminadabu, 12#1 Bus 15:1, 3; 2 Bus 35:6. yaabagira ati: Muri abakuru b'amaju ga baashwenkuriimwe Abaleevi; mweyeze, imwe ana beene waanyu, mubone kwinamura eshanduukye ya MUKAMA, Ruhanga wa Israeli kugita omu mwanya ogu ngibonereize. 13#1 Bus 13:7, 11; 2 Sam 6:3, 8; Kub 7:6-9. Ahabw'okuba obw'okubanza timuragiheekire, nikyo MUKAMA Ruhanga waitu yaatugwereireho naatutura okutagitwaza, nk'oku kyaragiirwe. 14Batyo abanyamurwa n'Abaleevi baayeyeza ahabw'okuza kwinamura eshanduukye ya MUKAMA, Ruhanga wa Israeli. 15#Kur 25:14; Kub 4:15; 7:9. Ku baakhikireyo, Abaleevi baaheeka eshanduukye ya Ruhanga aha mabega gaabo n'emigamba, nk'oku Musa yaragiire naakuratira ekigambo kya MUKAMA. 16#1 Bus 13:8; 16:42; 25:1, 6. Kandi Daudi yaaragiira abakuru b'Abaleevi kutaho abeeshongozi ab'omuri beene waabo, ab'okuteera enanga, endingiri n'ebitaasa, nibateera akaari k'okushemererwa. 17#1 Bus 6:33, 39, 44. Batyo Abaleevi baatoorana Hemani mwene Yoeli, omuri beene ishe baatoorana Asafu mwene Berekia, n'omuri beene Merari baatoorana Esaani mwene Kushaya; 18kandi hamwe n'abo baatoorana omuri beene waabo abarikukurataho, Zekaria, Yazieli, Shemiramoosi, Yehieli, Uuni, Eliabu, Benaaya, Maaseya, Matisiya, Elefelebu, Mikuneya n'abarinzi b'eirembo Obededomu na Yeyeli. 19Abeeshongozi aba, Hemani, Asafu na Esaani, bakaba bari ab'okuteera ebitaasa by'emiringa; 20Zekaria, Azieli, Shemiramoosi, Yehieli, Uuni, Eliabu, Maaseya na Benaaya bakaba baari ab'okuteera enanga omu iraka rya #15:20 Alamoosi amakuru oburaka bukye. Alamoosi; 21Matisiya, Elefelebu, Mikuneya, Obededomu, Yeyeli na Azazia bakaba bari ab'okuteera enanga omu iraka rya #15:21 Sheminiisi amakuru amaraka mahango. Sheminiisi. 22Kandi Kenania, omwebembezi w'Abaleevi omu by'okweshongora, niwe yaabaire ari omwebembezi, ahabw'okuba akaba naabimanya munonga. 23Berekia na Elukaana bakaba bari abakuumirizi b'eirembo ahabw'eshanduukye. 24#1 Bus 15:28; 16:6; Kub 10:8. Shebania, Yoshafaati, Netaneeli, Amasai, Zekaria, Benaaya na Eliezeeri, abanyamurwa, nibo baabaire bari ab'okugyenda nibateerera amakondere omu maisho g'eshanduukye ya Ruhanga; Obededomu na Yehia nabo bari abakumiirizi b'eirembo ahabw'eshanduukye.

25 # 2 Sam 6:12, 15. Atyo Daudi n'abakuru ba Israeli, n'abakuru b'engabo rukumi-rukumi, baaza kwinamura eshanduukye y'endagaano ya MUKAMA, kugiiha owa Obededomu n'okushemererwa. 26Kandi ahabwa Ruhanga kuhwera Abaleevi ababaire baheekire eshanduukye y'endagaano ya MUKAMA, baatamba enimi mushanju n'empaya z'entaama mushanju. 27Obwo Daudi akaba ajwaire ekanzu ya kitaani, kandi n'Abaleevi abaabaire baheekire eshanduukye, n'abeeshongozi, na Kenania omwebembezi waabo, nabo bakaba bajwaire batyo; kwonka Daudi we ajwariireho n'efodi ya kitaani. 28Okwo nikwo Abaisraeli boona bainamwire eshanduukye y'endagaano ya MUKAMA nibateera akaari n'enzamba n'amakondere n'ebitaasa, nibateera munonga endingiri n'enanga.

29Bwanyima eshanduukye y'endagaano ya MUKAMA ku yaabaire neetaaha omu rurembo rwa Daudi, Mikaali muhara wa Saulo yaaringuririza omu dirisa, yaareba omugabe Daudi naazina naayemurika, yaamugayira aha mutima.

Currently Selected:

1 Eby'omu Busingye 15: RR64

Highlight

Copy

Compare