Matewuzhi 4
4
Weehiwa wa Yesu mwiiddeddereni
(Maruku 1.12-13; Luka 4.1-13)
1Dhigeereyile ndo, Yesu ahithukuleliwaga mwiiddeddereni ni Muneba Woweela wi eehiwe ni Sathana. 2Agathugile malabo makumi mannayi mahiyu ni mutana, ahikalagana dala. 3Nuwindo, Sathana#4.3 Sathana Naari wi: Nameeha. ahimwaaddamelaga, wiira: <<Akala oli mwaana a Mulugu, waalamule mabwe ala esadduwe ekale mikaathe>>.
4Mbwenye Yesu ahimwaakulaga, wiira: <<Maleba Ootaleleya enawoga wi: <Muthu kanakala ni egumi mwaha wa yooja baahi, mbwenye onokalawo mwa madhu maatene enakuma wa Mulugu> >>.#4.4 Deteronomiyo 8.3.
5Nuwindo, Ddiyabo#4.5 Ddiyabo mu ewogelo ya eGerego enatapulela a niwogo; naari wi: dhuvu-dhuvu. Oli ndina nnavahiwa Sathana vookala musogoleli a mineba dhootakala. Teto maverisikulu 8 ni 11. ahimuthukulaga Yesu, omudhowana oZheruzalemi, nluwa noweela, omugweliha vootaama va nyuba ya Mulugu. 6Omwiirela: <<Akala oli Mwaana a Mulugu, olupele vati. Vowi dhihilebiwa wi:
<Mulugu onoodha aalamule angero aaye
wi yuuvenyihe, yuuthukule wi manyalo aawo
enaakwakwathuwe ni nibwe> >>. # 4.6 Masaalimu 91.11-12.
7Yesu ahimwaakulaga, wiira:
<<Mbwenye Maleba Ootaleleya yiire: <Ohumweehe Nabwiya, Mulugu aawo> >>.#4.7 Deteronomiyo 6.16. 8Nuwindo, Ddiyabo#4.8 Naari wi: Sathana. ankeene ahimuthukulaga Yesu, omudhowana mwaango wootaamesesa, omooniha omwene dhaatedhene dha mwiilaboni ni nthithimiho neewa. 9Nuwindo, Sathana ahimwiirelaga: <<Gineere wuuvaha dhaatedhene dhedhi wakokora, ogeebedha>>.
10Yesu ahimwaakulaga, wiira:
<<Ovenyevo va, Sathana! Maleba Ootaleleya yiire: <Omweebedhege Nabwiya Mulugu aawo, omwiimelelege oliyeeneve baahi> >>.#4.10 Deteronomiyo 6.13.
11Vevale Ddiyabo#4.11 Naari wi: Sathana. ahimaruwaga, odhowaga, vano yahidhaaga angero omwiimelela Yesu.
Yesu onowambeela mabasa aaye oGalileya
(Maruku 1.14-15; Luka 4.14-15)
12Yesu ageewile wi Zhuwawu ohufugeliwa mukaambura ahiwelelaga oGalileya. 13Nuwindo, ahivenyagawo oNazarethi, odhowa okalaga oKafaranawu, oli waaddamela seresere ya nyaza, mmigaano dha oZebuloni ni oNafitali.#4.13 Zebuloni ni Nafitali Malogo a Ezarayeli elaboya yaali vaari va Nyaza ya oGalileya ni Nyaza Mediteraneyo. 14Ndo dhahipadduwa wi dhaakwanelihiwe dhawogile namavuhulela Ezaya, eeraga:
15 <<Elabo ya oZebuloni,
elabo ya oNafitali,
dila ya onyaza,
kobela ya oZhordawu,
Galileya a athu oode:
16 Nlogo needda muyiihini
nihoona waara wuulubale,
athu ookala elabo ya murinti wookwa,
waara ohaamoneyela>>. # 4.16 Ezaya 9.1-2.
17Okuma vevale odhowa osogolo Yesu ahambeelaga olaleya, eeraga: <<Tthwaruwani dhoothega dheenyu, vowi Omwene wa Odhulu ohaaddamela>>.
Wiithaniwa wa anamasuuza owambeela
(Maruku 1.16-20; Luka 5.1-11; Zhuwawu 1.35-42)
18Yesu eeddaga seresere ya Nyaza ya oGalileya ahawoonaga addibila abiili, Simawu, oononiwa teto ni ndina na Peduru ni Andire evokedhaga mathavi munyaza, vowi yaali anamatota somba. 19Vano Yesu ahawaaddelaga, wiira: <<Mudhe mugihare, guwiireni anamatota a athu>>. 20Mowaaguva aliwa yahaahiyaga mathavi eewa, omuharaga.
21Egeeddile vang'ono, Yesu ahawoonaga addibila amohi abiili, Tiyago ni Zhuwawu, ahima a Zebedeyo, egali mmwanddeyani ni babiiwa esasanyedhaga mathavi eewa. Yesu ahawiithanaga. 22Mowaaguva aliwa yahihiyaga mwanddeya ni babiiwa, omuharaga Yesu.
Yesu onosuuziha ni waayiliha aredda
23Vano Yesu ahidhowaga weddeedda elabo yaatene ya oGalileya, asuuzihaga, alaleyaga Muselu Wapama wa Omwene mu nyuba dha matugumano dha aZhudewu,#4.23 Nyuba dha matugumano dha aZhudewu Nda mu ewogelo ya eGerego dheeriwa sinagoga. Mabasa eewa kayaali oolobelamoove, naari osuuzamo Malamulo, mbwenye teto yowaathongamo athu yahaaharihamo Malamulo a aZhudewu. ayilihaga dhoovoreya ni dhiredda dhaatedhene vaari va athu. 24Vano bili yaaye yahivuweya elabo yaatene ya oSiriya. Mowindo yowaadhagana aredda aatene yannaga dhiredda dhowukuula dhoohiyana-hiyana: Oohiddiwa ni mineba dhabure, aajilejile, ooragala. Oliye owaayilihaga. 25Athu ajinji yoomuharaga ookumela oGalileya, oDekapolisi, oZheruzalemi, oZhudeya ni a kobela ya oZhordawu.
Currently Selected:
Matewuzhi 4: tke
Highlight
Share
Copy
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.