Matewuzhi 14

Okwa wa Zhuwawu Namabathiza

(Maruku 6.14-29)

1Mudhidhi olene Heroddi, namathonga#14.1 Namathonga eeriwa tetararaka, athonga epaddi ya nennayi ya murudda mmohi. a oGalileya, ahiiwaga bili ya Yesu. 2Vano Heroddi ahiiraga wa ale yamulaba: <<Oyo di Zhuwawu Namabathiza ovenyile muukwani mwaha wi oliye ohukalana owodha wowiirana dhootikiniha>>.

3Vowi Heroddi ahimwihiddaga Zhuwawu, ommaga, omfugeliha mukaambura. Oliye ahiiragana nda wi amudhivelihe Heroddiya, mwadha ddibile Filipi,#14.3 Heroddiya ahimwihiya mamune Filipi. Nuwindo, Heroddi omutela. Otelana wula waali othegela Malamulo a Mozezi, vowi Filipi aali ahinakwe. Moone Levitiku 18.16; 20.21. 4mwaha wi Zhuwawu oomwaaddelesa Heroddi, eeraga: <<Nlamulo nnawoga wi kadhinarumeedheya wi omutele Heroddiya>>. 5Mwahaya buuyene Heroddi yafuneliiye ompa, mbwenye oowawoova anamwinji vowi Zhuwawu yamwiira namavuhulela.

6Nigafiyile nlabo na obaliwa na Heroddi, mwaana-mwihiyana a Heroddiya ahiinaga vameentoni va athu, omudhiveliha Heroddi, 7ofiyedha omuroromeliha ni olibela omvaha yego yaamulobiiye. 8Mwaha wootuzhiwa ni amaaye, ahiiraga: <<Mugivahe muru wa Zhuwawu Namabathiza mmuziwoni dhiinoveva!>> 9Mwene Heroddi ahikathamiheyaga, mbwenye mwaha woolibela weeriligiiyena vameentoni va athu owiithaniwa, ahilamulaga wi yooloba ya mwaana a Heroddiya yaakuleliwe. 10Ahirumihaga wi muru wa Zhuwawu okaambura ogwaddiwe. 11Vevale yahidhaagana muru mmuziwoni, omwinka mwaana a Heroddiya waakelela, wawinka amaaye. 12Vano anamasuuza a Zhuwawu yahidhaaga, othukula muruthu waaye, ologoha. Nuwindo, yahidhowaga omwaaddela Yesu.

Yesu onowiinjiviha mikaathe ni somba

(Maruku 6.30-44; Luka 9.10-17; Zhuwawu 6.1-15)

13Yesu ageewile nda, ahivenyagawo wewule yeeka ni mwanddeya, odhowa ombale mburo wahaviriwesesa. Vano anamwinji eganonile, yahimaruwaga mmaluwani mweewa ni vati, omuharaga. 14Yesu akitaga mmwanddeyani, ahawoonaga athu ajinji, ahaweeddiwelaga thagaraga, waayiliha aredda yaaligi vevale.

15Ociguwoni yahidhaaga anamasuuza a Yesu, wiira: <<Ode ohuriba, mburo oliihu fu okokolani. Mwaarume athu ala edhowege mmavade wi yagule dhooja dheewa>>.

16Vevale ahawiirelaga: <<Kinafuneya wi mulogo ola ovenyevo; nyeene mwaavahe dhooja>>.

17Mbwenye aliwa yahaakulaga, wiira: <<Ninna mikaathe mitanu ni somba biili baahi>>.

18Oliye ahiiraga: <<Mudhena wuno>>. 19Ahawaaddelaga wi athu ekaraati vathongweni, othukula mikaathe mitanu ni somba biili, ahigwelihaga meento odhulu, omutamaala Mulugu. Nuwindo, opadhula mikaathe, wawinka anamasuuza aaye, aliwa waagawela anamwinji. 20Athu aatene yahijaga, orubala. Vano dhoohala dhaddoddeliwege yahidhaalihaga middanga kumi ni miinddi. 21Alobwana yajilege yaaligi macikwi matanu (5.000), eheelengeliwe ahiyana ni ahima.

Yesu onoweedda vadhulu va mahinje a munyaza

(Maruku 6.45-56; Zhuwawu 6.16-24)

22Vooharela Yesu ahaalamulaga anamasuuza wi evolowe mmwanddeyani, esogolege, edhowe kobela emohi. Oliye ahihalaga aapaganyaga anamwinji. 23Agaapaganyile anamwinji ahigwelaga omwaangoni wi alobele yeeka. Ofiyedha ode oriba aaligi wewo yeeka. 24Mowindo mwanddeya waaligi woolapelawene ni theya, orabulaga ni kuluzi, vowi wadhowaga wakumaga nipevo.#14.24 Wakuma nipevo Sowi mwanddeya nde dhoomageleliwa vela, naari wi guwo dhovaadda dhakamihedha weeddiha mwanddeya moohara nipevo.

25Ode ohunasese Yesu ahidhowaga ogumana ni aliwa eeddaga vadhulu va mahinje a munyaza. 26Anamasuuza vamooniligiiwa eeddaga vadhulu va mahinje, yahirurumuwaga, wiira: <<Ole ntowa!>> Vano yahikuwaga ni woova.

27Mowaaguva Yesu ahiiraga: <<Kurumulani mirima! Di miyo. Kamoove!>>

28Peduru ahaakulaga, wiira: <<Akala di nyo, Nabwiya, mugirume gidhe oliinyuwo giviraga vadhulu va mahinje>>.

29Yesu ahiiraga: <<Dhaaga!>> Peduru ahikitaga mmwanddeyani, weeddaga vadhulu va mahinje, odhowaga waaligiiye. 30Mbwenye Peduru oonaga kopolo dha nipevo ahoovaga, wambeela obwina, ahikuwaga, wiira: <<Nabwiya, givulumuseni!>>

31Mowaaguva Yesu ahitadeelaga ndada, omwihiddeela, wiira: <<We, muthu ooyeva nroromelo, onaanganyedhela ddi?>>

32Nuwindo, yahigwelaga mmwanddeyani aabiileene, nipevo nahimaalaga. 33Ale yaaligi mmwanddeyani, yahimweebedhaga, yiiraga: <<Ebaribareene, oli Mwaana a Mulugu!>>

34Vano egalabuwele kobela emohiwa yahifiyaga oGenezareti. 35Athu a elabo ele vanoniligiiwa yahilaleyaga, wawaaddela owaaddamanana, waadhana aredda aatene wa Yesu. 36Aliwa yoomulobaga ni ntidi wi aarumeedhihe ekahinyege nipiyo na yoowara yaaye. Vano aatene yakahinyaga yooyilaga.

Currently Selected:

Matewuzhi 14: tke

Highlight

Copy

Compare