Matewuzhi 12

Yesu di Nabwiya a sabuddu

(Maruku 2.23 ofiyedha 3.6; Luka 6.1-11)

1Mudhidhi olene, nlabo na sabuddu, Yesu ahiviraga mmiddani mwa tirigu. Anamasuuza aaye yahikalagana dala, yahambeelaga okothola mangala a tirigu waatakunaga. 2AFarizi egoonile nde, yahiiraga: <<Kawoone! Anamasuuza aawo enowiirana dhihinarumeedhihiwa wiiriwana nlabo na sabuddu!>>#12.2 Malamulo a Mozezi enokooddiha olaba nlabo na sabuddu. Moone Okuma 20.8-11; Deteronomiyo 5.12-14.

3Yesu ahawaakulaga, wiira: <<Nyo kamweelengile dheerilege mwene Davidi ni akwaaye eganna dala?#12.3 Moone Samuweli Owambeela 21.1-6. 4Oliye ahivolowaga mu nyuba ya Mulugu vamohi ni ayene yaaligi ni oliye, ojamo mikaathe dhoreelihiwa, dhedho dhaharumeedhihiwa. Oliye oja vamohi ni ale yaaligi ni oliye, mbwenye dhajiwa anamakutha weekiiwa. 5Teto kamweelengile mMalamuloni wi anamakutha enolupa magano a sabuddu, mu nyuba ya Mulugu mbwenye kinakanna yoothega? 6Miyo ginowuwaaddelani wi yego enakwaranya nyuba ya Mulugu eli veva.#12.6 Yego Yesu va oneyaagana oliyeene, naari Omwene wa Mulugu. 7Nyo mwahaanone yootapulela ya madhu eneeriwa: <Ginafuna thagaraga ohiya mikutho>,#12.7 Ozeya 6.6. kamwaakonege ale ehinna muladdu. 8Vowi Mwaana a Muthu di Nabwiya a sabuddu>>.

9Yesu avenyaga vevale, ahivolowaga mu nyuba dha matugumano#12.9 Nyuba dha matugumano Nda mu ewogelo ya eGerego dheeriwa sinagoga. Mabasa eewa kayaali oolobelamoove, naari osuuzamo Malamulo, mbwenye teto yowaathongamo athu yahaaharihamo Malamulo a aZhudewu. dheewa. 10Mwemule mwahikalaga muthu mmohi akwile ndada. AFarizi yahimukohaga Yesu wi esayele mwaha woomusumelana, wiira: <<Dhinorumeedheya oyiliha nlabo na sabuddu?>>

11Oliye ahawaakulaga, wiira: <<Muthu baani mwa nyoovo onakanna nibila naaye, vano nlabo na sabuddu, nimorela mmuliddini ahidhowa akumihamo? 12Ki vano muthu kanna thima okwaranya nibila? Mowindo dhinorumeedhiwa wiirana yapama nlabo na sabuddu>>.

13Vevale ahimwiirelaga muthu ole: <<Otadeele ndada>>. Otadeela, oyila, ofwanafwanaga ni nimohiniwa. 14AFarizi evenyaga vevale yahitugumanaga, omuwogaga mawuje esayelaga mukalelo woompa.

Yesu mwiimeleli oosakuliwa a Mulugu

15Yesu aganonile nda, ahivenyagavo. Athu ajinji yahimuharaga, waayiliha aatene. 16Owawaaddelaga wi ehimulaleye 17nda dhahipadduwa wi dhaakwanele dhawogile Mulugu odheela mwa namavuhulela Ezaya, eeraga:

18 <<Ola di mwiimeleli aaga gimusakuliimi,

oodhivela aaga, onahagalaliimina.

Gineere ohela Muneba waaga mwa oliye,

oneere olaleya wogoowa waaga wa athu oode.

19 Kadha apaambiha, naari okuwa;

ndhu naaye kanidha niiweya mmarampani.

20 Kadha akothola bango yoonyenyeya,

naari othimiha panti yoothuwa mwiisi,

ofiyedha wogoowa waaga ogonjihe,

21 mwa oliye athu oode eneere okalana ojejihedha>>. # 12.18-21 Ezaya 42.1-4.

Kopolo dha Yesu dhowiigarana mineba dhootakala.

(Maruku 3.20-30; Luka 11.14-23)

22Vano yahimudheelagana muthu oohiddiwa ni muneba wootakala, koona, kaawoga; Yesu omuyiliha muthu ole, wambeela owoga ni woona. 23Anamwinji yootikinaga, ewogaga, yiiraga: <<Olaya Mwaana a Davidi?>>#12.23 Mwaana a Davidi Ndda naali ndina nimohi na Misiya nanoniwiiyena ni aZhudewu.

24Mbwenye aFarizi, egeewile ndo, yahiiraga: <<Ola oneegara mineba dhootakala ni kopolo dha Belezebu,#12.24 Belezebu naali ndina nnavahiwa Sathana vookala musogoleli a mineba dhootakala. Moone teto verisikulu 27. mpogo a mineba ndo>>.

25Yesu, aganonile moobuwelo eewa, ahiiraga: <<Omwene waatene onagawanyeya weekiiwa ohumala, nluwa nili naatenene naari nyuba enagawanyeya mwa weekiiwa ehibwanyuwa. 26Akala Sathana onomwiigara Sathana mukwaaye, sowi omweneya ohugawanyeya, ki oliye onaalibihe addi omwene waaye? 27Akala miyo gineegara mineba dhootakala ni kopolo dha Belezebu, ki aniinyu eneegara ni kopolo dhawani? Mwaha wa eyo anamasuuza eenyu binaadhe yuuthongeni wi nyo muli anamathega. 28Mbwenye akala miyo gineegara mineba dhootakala ni Muneba wa Mulugu, ndo dhinooniha wi Omwene wa Mulugu ohufiya wa nyo.

29<<Dhinaandeya addi muthu ovolowa nyuba ya mmohi akopolo wi amwiiyele dhookalana dhaaye ahaabihile ommaga? Oliye agamalile ommaga muthu ole akopolo finaandiiye wiiya vaade vale.

30<<Ole ohuneewanana ni miyo, doopokihana ni miyo. Ole ohunagikamihedha otugumanya, oliye onoomwadha. 31Mwaha wa ela ginowuwaaddelani wi yoothega yaatene ni onyemula oneerana athu enoodha eleveleliwe, mbwenye onanyemula Muneba Woweela kadha aleveleliwa. 32Onamuwogela Mwaana a Muthu madhu oonyemula onoleveleliwa, mbwenye onanyemula Muneba Woweela, kadha aleveleliwa elabo elena naari elabo enadha.

33<<Mweeraga muthanko ola bwapama, enatapulela wi dhoovaha dhiwa sapama, mbwenye mweeraga muthanko ola bwabure, dhoovaha dhiwa sabure, vowi muthanko onanoneya ni dhoovaha dhiwa. 34Nyo, mulogo wa dhivili! Munaande addi owoga dhego dhapama, mugali abure? Vowi mulomo onawoga dhidhaalile mmurimani. 35Muthu apama onakumiha dhooreela dhapama mmurimani mwaaye, mbwenye muthu abure onakumiha dhego dhabure mmurimani mwaaye. 36Ginowuwaaddelani wi madhu maatene eebeweene enawoga athu, Nlabo na Othongi onoodha awaakulele. 37Mwaha wi ni madhu aawo onoodha ovulumusiwena teto ni madhu aawo onoodha okoniwena>>.

Etoonyihedho ya Zhonasi

(Luka 11.29-32)

38Vano anamasuuziha a Malamulo amohiwa ni aFarizi yahiwogaga, wiira: <<Namasuuziha, nnafuna munoonihe etoonyihedho yootikiniha>>.

39Yesu ahawaakulaga, wiira: <<Nlogo nooholowa, nohiiwelela,#12.39 Naari wi: nooraruwa. nnaloba etoonyihedho; kilivo etoonyihedho emohiwa enoonihiwiiwa ehili ya namavuhulela Zhonasi. 40Vowi Zhonasi ahikala malabo maraaru mutana ni mahiyu mbaani mwa somba yuulubale, mowindo Mwaana a Muthu oneere okala malabo maraaru mutana ni mahiyu muwari mwa theya. 41Athu a oNinive enoodha evenye, Nlabo na Othongi, ekone nlogo ndda mwaha wi veewiliiwa olaleya wa Zhonasi, yahitthwaruwa. Mbwenye oli va doomukwaranya Zhonasi. 42Mwene a mwihiyana a wewo onakumela pevo onoodha avenye Nlabo na Othongi, akone nlogo ndda, vowi oliye odhiile omagomelo wa elabo wi eewe tthottho dha Salomawu. Vano mmoone oli va ohumukwaranya Salomawu.

43<<Muneba wootakala wakuma mwa muthu, onoweeddeedda mburo dhoohukala mahinje, osayelaga voovumavo, mbwenye kunafwanya. 44Mwaha wa eyo onowiira: <Ginowelela vaade vaaga vakumiliimi>. Aawelelagavo onafwanya vihili muthu, mugazheliwe, mugasasanyedhiwe pama. 45Vano onodhowa othukula mineba dhimohi mitanu ni miinddi, dhootthabwesesa dhoohiyana ni oliye, dhinovolowa okalaga mwemo; vano mukalelo wa muthu oyo onakala wootakala okwaranya wale. Dhinadha dhiireye ndo ni mulogo ola wabure>>.

Amaaye ni addibile a Yesu

(Maruku 3.31-35; Luka 8.19-21)

46Yesu awogaga madhu alena, amaaye ni addibile yahifiyaga ode omusayelaga wi emuwogena. 47[Muthu mmohi ahimwaaddelaga, wiira: <<Amaayo ni addibilo eli vaade va. Enafuna ewoge ni nyo>>.]

48Oliye ahimwaakulaga ole amwaaddelege, wiira: <<Amma ni addibilaga baani?>> 49Ahitadeelaga madada wa anamasuuza, wiira: <<Amma ni addibilaga baala eli veva. 50Mwaha wi ole oneerana ofuna wa aBaba a odhulu, oyene dili ddibilaaga, murogoraga ni amma>>.

Currently Selected:

Matewuzhi 12: tke

Highlight

Copy

Compare