Luka 3
3
Zhuwawu Namabathiza onosasanyedha dila ya Yesu Kirixtu
(Matewuzhi 3.1-12; Maruku 1.2-8)
1Vowaakwana yaaka kumi ni tanu dha omwene wa Tibeeriyo Sezari, Pontiyo Pilatu agali kuminadori a oZhudeya, Heroddi agali namathonga#3.1 Namathonga Naari wi: tetararaka. Namathonga eeriwa tetararaka, athonga epaddi ya nennayi ya murudda mmohi. Moone teto verisikulu 19. a elabo ya oGalileya, ddibile Filipi aali namathonga a elabo yo Etureya ni Tarakoniti, Lusaniya aali namathonga a elabo yo Abilene, 2Annasi ni Kayifa yaali asogoleli a anamakutha, mudhidhi oyene yahidha madhu a Mulugu wa Zhuwawu, mwaana a Zakariya. 3Zhuwawu aheddeedda mirudda dhaatedhene dha seresere ya mwihinje Zhordawu alaleyaga wi ebathiziwe etthwaruwaga wi eleveleliwe mwa dhoothega. 4Wona mwalebeliwiiwa muniivuruni na madhu a namavuhulela Ezaya, eera:
<<Ndhu na muthu nnakuwa mwiiddeddereni:
<Sasanyedhani rampa wi Nabwiya aviremo,
mogoolele dila yaaye.
5 Maddiba maatene evuheleliwe,
mwaango dhaatedhene ni thuthuma dhiliganelihiwe
dila dhookoromana dhineere wogooliwa.
Muli magologodha muliganelihiwe.
6 Athu aatene eneere woona ovulumusa wa Mulugu!>#3.6 Ezaya 40.3-5.>>
7Anamwinji yoodhowaga wi yabathiziwe. Zhuwawu oowoga, eeraga: <<Nyo mulogo wa dhivili! Wuwaaddeleni baani othawa owali wa Mulugu onafuna odha? 8Mwihidde mabasa owooneyiha wi muhutthwaruwa dhoothega dheenyu. Mmirimani mweenyu muhuubuwelege owoga, wiira: <Nihikanna babiihu Abarahamu>. Mbwenye miyo ginowuwaaddelani wi Mulugu onowaanda, waasaddula mabwe alena wi ekale ahima a Abarahamu. 9Badho ehipanihiwa wi egwaddena misisi dha mithanko. Mithanko dhaatedhene dhihinavaha dhoovaha dhapama dhineere okakatthiwa wi dhivokedhiwe vamunddoni>>.
10Nuwindo, anamwinji yahimukohaga, yiiraga: <<Hiyo nneere ddi?>>
11Zhuwawu ahaakulaga, eeraga: <<Ole winna maleya meenddi, amvahe nimohi ole ohinna. Ole winna yooja, eerena emodha-modhave>>.
12Yahifiyaga anamakoha-musoko#3.12 Anamakoha-musoko Ala aEzarayeli aatene yawoona wona <<anamathega.>> Yanna mukalelo wabure vameentoni va athu, mwaha wi yamulabela guveruno a oRoma aali mwiiddani a Ezarayeli. Moone teto Luka 5.27, 29-30; 7.29, 34; 15.1; 18.10, 11, 13; 19.2. wi ebathiziwe. Yoomukohaga, yiiraga: <<Namasuuziha, ki nneerege ddi?>>
13Ahawaakulaga, eeraga: <<Naari kamweenjedhedhege okwaranyiha mwaaddeleliwiinyu>>.
14Teto anyakoddo yahimukohaga, yiiraga: <<Ki hiyo, nneerege ddi?>>
Oliye ahawaakulaga: <<Kammwaakege muthu korowa dhaaye moomuthuusa, kammurathelege muthu. Mudhiveliwege ni yooliveliwa yeenyu>>.
15Mudhidhi oyene athu yoomujejihedha Kirixtu ole aroromelihiwe,#3.15 Kirixtu mu ewogelo ya eGerego enatapulela Muthikitheliwi, Misiya, naari wi oosakuliwa a Mulugu, oyene onaavulumuse athu. yowiikohaga weekiiwa akala Zhuwawu daali Kirixtu. 16Zhuwawu ahawaakulaga aatene: <<Miyo, epaddi yaaga, ginowuubathizani ni mahinje, mbwenye onodha oowodha onagikwaranya naari kagifwaneelele otapula mingoyi dha sapatho dhaaye. Oliye oneerege wuubathizani ni Muneba Woweela ni munddo. 17Etelo yaaye eli mmadadani wi amveethena tirigu, amulogolele vatatani, aakahe makataya ni munddo woohuthima>>. 18Nuwindo, oolaleya Muselu Wapama aalibihaga ni madhu majinjeene.
19Vano Zhuwawu agamusumulule namathonga a murudda, Heroddi ole mwaha woomutela Heroddiya, mwadha ddibile ni dhabure dhimohi dheeriliiyena, 20Heroddi aheenjedhedha dhabure dhimohi voomuhela Zhuwawu mukaambura.
Obathiziwa ni makolo a Yesu
(Matewuzhi 1.1-17; 3.13-17; Maruku 1.9-11)
21Dhahipadduwa athu aatene ebathiziwaga teto ahibathiziwa Yesu. Alobelaga odhulu wahithuleyaga. 22Muneba Woweela ni ekalelo ya kangayiwa wahikitelaga va oliye. Vevale odhulu wahiiweya ndhu niiraga: <<We oli Mwaanaga, oodhivela aaga, mwa we ginohagalala>>.
23Yesu, aganna yaaka dhowaakwana makumi maraaru, ahambeela mabasa aaye. Aali, wona mweereliisu, mwaana a Zhuuze,
mwaana a Eli, 24Eli mwaana a Mathati,
Mathati mwaana a Leevi, Leevi mwaana a Meliki,
ola di mwaana a Yannayi, mwaana a Zhuuze,
25Zhuuze mwaana a Matathiya,
Matathiya mwaana a Amosi, Amosi mwaana a Nahumi,
ola di mwaana a Esili, mwaana a Nagayi,
26Nagayi mwaana a Maathi,
Maathi mwaana a Matathiya,
Matathiya mwaana a Semeyini,
ola di mwaana a Yoseki, mwaana a Yoda,
27Yoda mwaana a Yowanane,
Yowanane mwaana a Resa,
Resa mwaana a Zorobabeli,
ola di mwaana a Salatiyeli, mwaana a Neri,
28Neri mwaana a Meliki,
Meliki mwaana a Addi,
Addi mwaana a Kosamu,
ola di mwaana a Elemadamu, mwaana a Eri,
29Eri mwaana a Zhozuwe,
Zhozuwe mwaana a Eliyezeri,
Eliyezeri mwaana a Yorimu,
ola di mwaana a Matathi, mwaana a Leevi,
30Leevi mwaana a Simiyawu,
Simiyawu mwaana a Zhuda,
Zhuda mwaana a Zhuuze,
ola di mwaana a Yonamu, mwaana a Eliyakimu,
31Eliyakimu mwaana a Meleya,
Meleya mwaana a Menna,
Menna mwaana a Matatha,
ola di mwaana a Nathani, mwaana a Davidi,
32Davidi mwaana a Zhesi,
Zhesi mwaana a Obeddi,
Obeddi mwaana a Bowazi,
ola di mwaana a Sala, mwaana a Naxoni,
33Naxoni mwaana a Aminadabi,
Aminadabi mwaana a Adiimini,
Adiimini mwaana a Arini,
Arini mwaana a Heziromo,
ola di mwaana a Perezi, mwaana a Zhuda,
34Zhuda mwaana a Yakobo,
Yakobo mwaana a Ezaaki,
Ezaaki mwaana a Abarahamu,
ola di mwaana a Tera, mwaana a Nahori,
35Nahori mwaana a Serugi,
Serugi mwaana a Ragawu,
Ragawu mwaana a Pelegi,
ola di mwaana a Heberi, mwaana a Sela,
36Sela mwaana a Kayinani,
Kayinani mwaana a Arifaxadi,
Arifaxadi mwaana a Semu,
ola di mwaana a Nowe, mwaana a Lameki,
37Lameki mwaana a Methuzalemi,
Methuzalemi mwaana a Enoki,
Enoki mwaana a Zharedi,
ola di mwaana a Mahalaleyeele, mwaana a Kayinani,
38Kayinani mwaana a Enooxe,
Enooxe mwaana a Seti,
vano ola di mwaana a Adamu,
mwaana a Mulugu.
Currently Selected:
Luka 3: tke
Highlight
Copy
Compare
Share
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.
