Okuma 3

Mulugu onomwiithana Mozezi

1Mozezi aajihaga mabila a mooya aaye Zhetero,#3.1 Zhetero Ole oneethaniwa teto Reweli. namakutha a elabo ya oMidiyani. Ahaathukulaga mabila waadhowana muwari mwa kokola, ahaafiyagana omwaangoni wa Mulugu, oHorebi.#3.1 Horebi Mwaango olena oneethaniwa teto Sinayi. 2Mungero a Nabwiya ahimooneyelaga oliye vanlumini na munddo, vanikupuni. Mozezi ahoonaga mataakuru ehiddaga munddo, mbwenye mataakuruya kayalalaga. 3Ndala Mozezi ahiwogaga mwa yekaaye, wiira: <<Asaa! Ginaya wewule wi goone yootikiniha ele, mwaha bwaddi mataakuru ehinalaleliiwa>>. 4Vooniligiiye Nabwiya wi oliye onowaaddamela wi oone, vaari va nikupu Mulugu ahimwiithanaga, wiira: <<Mozezi, Mozezi!>> Oliye ahaakulaga, wiira: <<Di miyo, gili va>>. 5Mulugu ahiwelelaga owoga, wiira: <<Kufiye wuno, okurule sapatho mmanyaloni mwaawo, mwaha niburo viliiwe thi noweela>>. 6Ahiwogaga teto, wiira: <<Miyo gili Mulugu a makolo aawo, Mulugu a Abarahamu, Mulugu a Ezaaki ni Mulugu a Yakobo>>. Mozezi ahilogohaga kove yaaye, vowi owoovaga omusugwa Mulugu. 7Nabwiya ahiwogaga teto, wiira: <<Ebaribareene, gihoona orabulihiwa wa mulogo waaga oli wEgubuddu. Gihiiwa wuundda weewa ni mwaha woolabihiwa ni owali. Gihinona orabula weewa. 8Mowindala gihikita wi gawaakihedhe wa aEgubuddu, ni waavenyihamo mwiilaboni mule, gaadhowena elabo yapama ni yuulubale wewo oli mukaka ni enwi wona mihinje, elabo ya aKanani, aHeti, aAmori, aPerezi, aHevi ni aZhebusi. 9Gihiiwa wuundda wa aEzarayeli, vano miyo gihoona orabulihiwa weewa ni aEgubuddu. 10Ginowuuruma odhowe wa Farawo, wavenyihewo mulogo waaga, aEzarayeli wEgubuddu>>.

11Mozezi ahimwaakulaga Mulugu, wiira: <<Miyo gili aani wi gidhowe wa Farawo gaavenyihewo aEzarayeli wEgubuddu?>> 12Mulugu ahimwaakulaga, wiira: <<Miyo gili ni weevo. Ela enoodha ekale etoonyihedho yowi di miyo ginooruma: Wakumiha mulogo waaga wEgubuddu, onoodha omulabege Mulugu vamwaangoni veva>>. 13Mozezi ahiwogaga ni Mulugu, wiira: <<Geera wi gaafwanya aEzarayeli, giira: <Mulugu a makolo eenyu ohugiruma wa nyoovo>, yagikoha, yiira: <Ndina naaye baani?> Gawaaddele avi?>> 14Mulugu ahiwoga ni Mozezi, wiira: <<Miyo Gili Oyene Oli Oyene. Wawaaddele aEzarayeli, weere: <Miyo Gili Oyene> digirumile odha wa nyoovo>>. 15Mulugu ahiwogaga teto ni Mozezi, wiira: <<Wawaaddele aEzarayeli, weere: <Nabwiya,#3.15 Nabwiya mu ewogelo ya eHeberi di Zhova. Zhova mu ewogelo ya eHeberi nneeweya wona: Miyo gili oyene. Mulugu a makolo eenyu, Mulugu a Abarahamu, Mulugu a Ezaaki ni Mulugu a Yakobo, digirumile odha wa nyoovo>. Ndda thi ndina naaga noohumala, ndala nyo muneerege oguubuwelelave okala ni okala. 16Dhowa, waatugumanye apogo aEzarayeli, wawaaddele weere: <Nabwiya, Mulugu a makolo eenyu, Mulugu a Abarahamu, Mulugu a Ezaaki ni Mulugu a Yakobo ahooneyela wa miyo, eeraga: Ebaribareene gihoona, gihinona eyene muneereliwiinyu wEgubuddu. 17Mowindala gihiwoga wi: Miyo ginoodha guuvenyihewoni wEgubuddu wewo munarabulihiwiinyu, guudhowiheni elabo ya Kanani, ya aHeti, ya Amori, ya aPerezi, ya aHevi, ya aZhebusi, mwiilaboni mwemo muli mukaka ni enwi wona mwihinje>. 18Aliwa enoodha yiiwe owoga waawo. Odhowe wa mwene a wEgubuddu vamohi ni apogo aEzarayeli vano omwaaddele wiire: <Nabwiya, Mulugu a aHeberi, ahigumana ni hiyo. Ndala munihiye wi nidhowe mwiiddeddereni malabo maraaru wi nakuthe mukutho wa Nabwiya Mulugu eehu>. 19Mbwenye, miyo gihinona wi mwene a wEgubuddu kadha oohiyani wi mudhowege vahikala owaddihedhiwa ni kopolo. 20Mowindala, ginoodha gimuddwadhe Egubuddu ni kopolo dhaaga, gimoonihe dhootikiniha vaari vaaye, ndo onoodha oohiyeni wi mudhowege. 21Ginoodha giirihe wi aEzarayeli erumeedhiwege pama ni aEgubuddu wi mwaadhowaga muhuvenye ndo mwihinna yego. 22Kadda mwihiyana amulobege mwaaddamani aaye naari namadha onakaliiyena, amvahege dhoosasanyiwa ni parata ni oro, amvahege guwo dhowaawariha aniinyu anaalobwana ni anaahiyana. Ndala munoodha mwawaake dhooreela dheewa aEgubuddu>>.

Currently Selected:

Okuma 3: tke

Highlight

Copy

Compare