Okuma 2

Obaliwa ni oleliwa wa Mozezi

1Mudhidhi olene mulobwana mmohi a nihimo na aLeevi ahimutela mwihiyana a nihimo nendde. 2Mwihiyanaaye ahirubalela, ombala mwaana-mulobwana. Vamooniligiiye wi aali ooriya, ahimulogoha mweeri miraaru. 3Mbwenye vahaandiliiye omulogoha okwaranya malabo alene, ahithukulaga muddanga wa bango, omara waatene ni yego yoobanda wona nipula#2.3 Nipula nili wona mutova, naari namukuthe ootaganyihedhiwa ni makala. wi mahinje ehivolowegemo. Ahimuhelagamo mwaana omwihiya mmahinjeni a muNilu, seresere weenjivile bango. 4Murogoriye ahiipitaga omusugwaga wi oone yafuna omwiireyela.

5Ahivenyaga mwaana a Farawo a mwihiyana wi ahabe oNilu. Anamwali aaye ale yamwiing'anela, yeeddaga seresere ya mwihinje, mwaana a Farawo ahoonaga muddanga ogali mmahinjeni. Ahimurumaga mwiimeleli aaye amwihiyana otavula. 6Vathukuligiiye muddanga ole ahimoonaga mwihima, mwaana-mulobwana anddaga mmuddangani#2.6 Muddangamu ewogelo ya eHeberi enaligana ni mwanddeya wa Nowe. Madhu mamohive. Moone Wambeela 6.14. mule. Ahimweeddiwelaga thagaraga, wiira: <<Ola mwaana a aHeberi>>. 7Vevale murogoriye a mwaana ole ahiwogaga ni mwaana a Farawo, wiira: <<Munofuna wi gamwiithane mwihiyana mmohi muHeberi wi amulelege mwaana ola?>> 8Mwaana a Farawo ahimwaakulaga, wiira: <<Dhowa>>. Ahivenyaga namwali wawiithana amaaye a mwaana. 9Ndala mwaana a Farawo ahimuwogagana, wiira: <<Omuthukule mwaana ola omulelege, ginowuulivela>>. Mwihiyana ole ahimuthukulaga mwaana omulelaga. 10Vonnuwiliiye ahimveleela wa mwaana a Farawo, ahimuthukulaga, okala wona mwaanaye. Oliye ahimuthwa ndina nowi Mozezi, wiira: <<Mwaha gimutavulile mmahinjeni>>.#2.10 Mozezi mu ewogelo ya eHeberi ndina nowi Mozezi nnatapulela otavuliwa.

Mozezi ahithawela oMidiyani

11Nlabo nimohi Mozezi agonnuwile, ahivenyaga waweeddela amudhi aaye, ahoonaga wi mabasa eewa yaali agoyi. Ahimoonaga muHeberi mukwaaye addwadhiwaga ni muEgubuddu mmohi. 12Ahisugwaga wula ni wula, vooniligiiye wi kanadhawo muthu, ahimpaga muEgubuddu omvuhelela vamuseengani. 13Omenseloni wiwa ahivenyaga, waafwanya alobwana abiili a aHeberi ewanaga. Ahimukohaga annaga mwaha, wiira: <<Onamuddwadhela ddi mukwaawo?>> 14Oliye ahaakulaga, wiira: <<Wuuvahile okala musogoleli ni muliba onithonga hiyo baani? Onafuna teto ogipe wona ompiliiwe muEgubuddu ole?>> Vevale Mozezi ahoovaga, wiira: <<Ebaribareene ehinoniwa!>> 15Farawo veewiliiye mwaha olena, oomusayela Mozezi wi ampe. Mozezi ahithawa, odhowa elabo ya oMidiyani. Vafiyiliiye wewule, ahikaraatigi vaceelani.

16Namakutha a oMidiyani ahikalana anaaye anaahiyana atanu ni abiili. Yahidhowaga oceelani orugwa mahinje, odhaaliha mino wi yaavahe mabila ababiwa. 17Mbwenye yahidhaaga amakambuzi a mabila amohi wawiigaravo vaceelani vale. Mozezi ahivenyaga, wawaakiha, waavaha mabila mahinje, waang'wa. 18Vaweleligiiwa wa babiiwa Reweli, ahaakohaga, wiira: <<Peeno mwaaguvelewo ddi wiiko?>> 19Aliwa yahaakulaga, wiira: <<MuEgubuddu dinaakihe mmadani mwa amakambuzi a mabila teto waarugwa mahinje waavaha mabila eehu>>. 20Ahaakohaga anaaye, wiira: <<Oli wuuvi? Mwaha bwaddi mmwihiyeliinyu wewo mulobwana oyo? Mmwiithane wi nimvahe yooja>>. 21Mozezi ahirumeedhaga okalaga wa Reweli. Oliye ahimvaha mwaanaye Zipora wi Mozezi amutele. 22Zipora ahimbala mwihima mwaana-mulobwana, Mozezi ahimuthwa ndina nowi Geresomi#2.22 Geresomi mu ewogelo ya eHeberi nnatapulela namadha elabo emohi. mwaha ahiira: <<Gili namadha mwiilaboni ya amohi>>.

23Egavirile malabo majinji, mwene a wEgubuddu ahikwa. AEzarayeli yookuwa mwaha wowoonihiwa goyi muudhaarini, wuundda weewa wahiiweya wa Mulugu. 24Mulugu veewiliiye wuundda weewa, ahuubuwelela nipangano no waandana neeriliiyena ni Abarahamu, Ezaaki, ni Yakobo. 25Mulugu ahawoona aEzarayeli, Mulugu ahinona wukuuwa weewa.

Currently Selected:

Okuma 2: tke

Highlight

Copy

Compare