Popular Bible Verses from Okuma 2

Share

Mulugu veewiliiye wuundda weewa, ahuubuwelela nipangano no waandana neeriliiyena ni Abarahamu, Ezaaki, ni Yakobo. Mulugu ahawoona aEzarayeli, Mulugu ahinona wukuuwa weewa.

Egavirile malabo majinji, mwene a wEgubuddu ahikwa. AEzarayeli yookuwa mwaha wowoonihiwa goyi muudhaarini, wuundda weewa wahiiweya wa Mulugu.

Vonnuwiliiye ahimveleela wa mwaana a Farawo, ahimuthukulaga, okala wona mwaanaye. Oliye ahimuthwa ndina nowi Mozezi, wiira: <<Mwaha gimutavulile mmahinjeni>>.

Ndala mwaana a Farawo ahimuwogagana, wiira: <<Omuthukule mwaana ola omulelege, ginowuulivela>>. Mwihiyana ole ahimuthukulaga mwaana omulelaga.

Ahivenyaga mwaana a Farawo a mwihiyana wi ahabe oNilu. Anamwali aaye ale yamwiing'anela, yeeddaga seresere ya mwihinje, mwaana a Farawo ahoonaga muddanga ogali mmahinjeni. Ahimurumaga mwiimeleli aaye amwihiyana otavula.

Nlabo nimohi Mozezi agonnuwile, ahivenyaga waweeddela amudhi aaye, ahoonaga wi mabasa eewa yaali agoyi. Ahimoonaga muHeberi mukwaaye addwadhiwaga ni muEgubuddu mmohi. Ahisugwaga wula ni wula, vooniligiiye wi kanadhawo muthu, ahimpaga muEgubuddu omvuhelela vamuseengani.