Psalmo 62
62
1Ka o birevo kudalengo kai gjilaben. Pala o Jedutun. Psalmo le Davidoske.
2E, ande o Del muřo duxo patial pe;
Lestar avel muřo skipimos.
3E, vo si muřo bař ai muřo skipimos;
Muřo baro garaimos: me či perava.
4Ži kana šiuden tume pe jekh manuš,
Rodena tume te peraven les,
Sar jekh zido kai bangiol,
Sar jekh bar kai peraven?
5Von gindin pe te šiuden les katar pesko than opre;
Lenge drago si o xoxaimos;
Von svintson anda lengo mui,
Ai von den armaia ande pengo ilo.
6E, muřo duxo, de tu ande o Del!
Ke lestar avel so ažiukerav.
7E, vo si muřo stanko ai muřo skipimos;
Muřo baro than kai garadiovav: me či perava.
8Pe o Del bešel muřo skipimos ai muřo vestimos;
O bař muřa zorako, muřo baro than kai garadiovav, si ande muřo Del.
9Ande sa e vramia, naroduri, den tume leste,
Bariaren tumare ile angla leste!
O Del si kai garadiovas.
10E, intaino, le šiave katar o manuš!
Xoxaimos, le šiave katar o manuš!
Ande jekh kintari von anklena sa ande jekh than, mai vušořo sar jekh haburo.
11Na thon tumaro patiamos ande e zor nasul,
Ai na ažiukeren intaino ande o čorimos;
Kana le barvale barion,
Na astaren tumaro ilo.
12O Del dias duma jekh data.
Duvar ašundem kako:
Ke e zor si ka o Del.
13Vi tuke, Baria! e dragostia;
Ke tu des sakones sar vo kerel.
Currently Selected:
Psalmo 62: KALD
Highlight
Copy
Compare
Share
Want to have your highlights saved across all your devices? Sign up or sign in
© Alliance biblique française 2004
Learn More About E Nevi Viasta o Psalmo 2004 (Maximoff - Kalderaš)
