Psalmo 61
61
1Ka o birevo kudalengo kai gjilaben. Pe le strumenturia le šeleske. Le Davidoske.
2O Del! ašun muře tsipimata,
Le sama ka muřo řudjimos!
3De anda o gor la phuviako me tsipiv pe tute, o ilo tele;
Ninger ma pe o bař kai naštiv t'astarav les!
4Ke tu san mange jekh kai garadiovav,
Jekh turno zuralo, angla o dušmano.
5Me kamlemas te bešav sakda ande tjiri tseřa,
Te garadiovav tela tjire phaka.
6Ke tu, o Del! tu keres pe muři,
Tu des ma te lav kai si kudalen kai daran katar tjiro anav.
7Tho diesa ka le dies le amperatoske;
Ke leske berš bution pe sakda!
8Ke te bešel pe o skamin amperatisko angla o Del!
Ker ke tjiro mištimos ai tjiro čačimos t'arakhen les
9Atunči me gjilabava bi te terdiovav tjiro anav,
Kerava sako dies so phendem.
Currently Selected:
Psalmo 61: KALD
Highlight
Copy
Compare
Share
Want to have your highlights saved across all your devices? Sign up or sign in
© Alliance biblique française 2004
Learn More About E Nevi Viasta o Psalmo 2004 (Maximoff - Kalderaš)
