Psalmo 114
114
1Kana o Israel anklisto avri anda e Egipta,
Kana o kher le Jakobosko durilo katar jekh narodo nasul,
2O Juda areslo lesko svinto than,
O Israel si kai bešel.
3E maria dikhlias les ai našli,
O Jordan gelo palpale;
4Le plaia xukle sar le bakre,
Le plaiořa sar le bakriořa.
5So si tuke, mario, te našes,
Jordano, te žias palpale?
6So si tume, plaia, te xuten sar le bakre,
Ai tume le plaiořa, sar le bakriořa?
7Isdran angla o Baro, e phuv!
Angla o Del katar o Jakob,
8Kai kerel balta anda stanka bařeski
Paiořo anda o bař.
Currently Selected:
Psalmo 114: KALD
Highlight
Copy
Compare
Share
Want to have your highlights saved across all your devices? Sign up or sign in
© Alliance biblique française 2004
Learn More About E Nevi Viasta o Psalmo 2004 (Maximoff - Kalderaš)
