Psalmo 113
113
1Luvudin le Bare Devles!
Služi le Bare Devleske, luvudin,
Luvudin o anav le Bare Devlesko!
2Ke o anav le Bare Devlesko t'avel svintsime,
De akanara ai pe sakda!
3De katar uštel o kham ži kai si te perel,
Ke o anav le Bare Devlesko t'avel vestime!
4O Baro Del Si opral sa le thema,
Lesko barimos si opral le čeri.
5Kon si jekh fialo sar o Baro Del, amaro Del?
Lesko kher si opre;
6Vo dikhel tele
Pe le čeri ai pe e phuv.
7Anda e kišai vo tsirdel le čořes,
Anda e gosni vo ankalavel le prostos,
8Kerel te bešen le barensa,
Le barensa katar pesko narodo.
9Vo del jekh kher kudalake kai naštil t'avel la glati,
Vo kerel t'avel jekh dei veselo maškar peske šiave.
Luvudin le Bare Devles!
Currently Selected:
Psalmo 113: KALD
Highlight
Copy
Compare
Share
Want to have your highlights saved across all your devices? Sign up or sign in
© Alliance biblique française 2004
Learn More About E Nevi Viasta o Psalmo 2004 (Maximoff - Kalderaš)
