Zabbuli 148
148
Ebitonde byonna bitendereze Mukama
1Mutendereze Mukama;
Mutendereze Mukama,
nga musinziira mu ggulu;
Mumutendereze mu bifo ebya waggulu.#Zab 69:34, Mat 21:9
2Mumutendereze, mmwe bamalayika be bonna;
Mumutendereze, mmwe eggye lye lyonna.
3Mumutendereze, mmwe enjuba n'omwezi;
Mumutendereze, mmwe emmunyeenye zonna ezaaka.#Kuv 15:20, 2 Sam 6:14
4Mumutendereze, mmwe eggulu eriri waggulu ennyo,
Nammwe amazzi agali waggulu w'eggulu.#Lub 1:7, 1 Bassek 8:27, Zab 68:33
5Bitendereze erinnya lya Mukama;
Kubanga yalagira, ne bitondebwa.#Zab 33:6,9
6Era yabinyweza okutuusa emirembe n'emirembe;
Yateeka etteeka eritalidiba.#Zab 119:90, Yer 31:35,36
7Mutendereze Mukama,
mmwe abali mu nsi,
Mmwe balukwata, n'ebifo byonna eby'obuziba;#Lub 1:21
8Omuliro n'omuzira, serugi n'omukka;
Omuyaga ogutuukiriza ekigambo kye;#Zab 105:32; 107:25; 147:14-18
9Ensozi n'obusozi bwonna;
Emiti egibala n'emivule gyonna;#Is 44:23; 55:12
10Ensolo n'ente zonna;
Ebyewalula n'ennyonyi ezibuuka;#Lub 1:20,21,24,25
11Bakabaka b'ensi n'amawanga gonna;
Abalangira n'abalamuzi bonna ab'ensi;#Bik 17:26, Kub 7:9
12Abavubuka n'abawala;
Abakadde n'abato.
13Batendereze erinnya lya Mukama;
Kubanga erinnya lye yekka lye ligulumizibwa.
Ekitiibwa kye kiri kungulu ku nsi ne ku ggulu.#Zab 8:1; 113:4, Is 6:3
14Era agulumizizza ejjembe ery'abantu be,
Ettendo ery'abatukuvu be bonna;
Be baana ba Isiraeri,
abantu abamuli okumpi.
Mutendereze Mukama.#Ma 4:7; 10:21, Bef 2:17
Currently Selected:
Zabbuli 148: LBR
Highlight
Copy
Compare
Share
Want to have your highlights saved across all your devices? Sign up or sign in
All rights are reserved to the Bible Society of Uganda.
