Obadiya Ennyanjula
Ennyanjula
Ekitabo kya Obadiya kye kisingirayo ddala obumpi mu Ndagaano Enkadde. Kirimu ennyiriri abiri mu lumu zokka. Ebyogerwako mu kitabo kino byaliwo mu biseera ebyaddirira okuwangulwa kwa Yerusaalemi mu 586 nga Kristo tannazaalibwa. Abantu b'omu Edomu, omulabe wa Yuda ow'edda, tebaakoma ku kusanyuka busanyusi nga Yerusaalemi kiwanguddwa, naye baateekako n'okunyaga ebintu era n'okuyamba abalabe ba baganda baabwe Abaisiraeri, bazzukulu ba Yakobo, muganda wa Edomu oba Esawu jjajjaabwe. Obadiya alanga nti Edomu ejja kubonerezebwa era ewangulwe awamu n'amawanga amalala, ag'alina obulabe ku Baisiraeri. Ekitabo kino kiyinza okuba nga kyawandiikibwa mu bufuzi bwa Yekolaamu kabaka wa Yuda, 855 - 840 BC; oba mu biseera bya Yeremiya nnabbi 627-586 BC.
Ebiri mu Kitabo
I. Okulanga okusooka omusango eri Edomu (1-4).
II. Okulanga okwokubiri omusango eri Edomu (5-7).
III. Okulangirira omusango, okuloopa, n'okulabula Edomu (8-15).
IV. Okusuubiza obuwanguzi eri Isiraeri (16-18).
V. Okusuubiza okuzzaawo obwakabaka bwa Yaawe (19-21).
Currently Selected:
Obadiya Ennyanjula: LBR
Highlight
Share
Copy
Want to have your highlights saved across all your devices? Sign up or sign in
All rights are reserved to the Bible Society of Uganda.