Okuva 22
22
1“Omuntu bw'abbanga ente, oba endiga, n'amala agitta oba kugitunda; azzangawo ente ttaano olw'ente, n'endiga nnya olw'endiga.#2 Sam 12:6, Luk 9:8 2Omubbi bw'alabibwanga ng'asima n'akubibwa n'amala afa, tewabanga musango gwa musaayi ku lulwe. 3Oba enjuba bw'eba ng'evuddeyo ku ye, wabanga omusango ogw'omusaayi ku lulwe, kimugwanidde okuliwa; oba nga talina kintu, atundibwanga olw'okubba kwe.#Kuv 21:2, Mat 18:25 4Kye yabba bwe kirabikanga mu mukono gwe nga kikyali kiramu, oba nte, oba ndogoyi, oba ndiga; azzangawo bbiri.”
5“Omuntu bwalekanga ensolo ye okuliira mu lusuku oba mu nnimiro ey'emizabbibu, ensolo n'egenda erya mu lusuku olw'omuntu omulala; aliwanga ku by'olusuku lwe ebisinga, ne ku by'ennimiro ye ey'emizabbibu ebisinga.”
6“Omuliro bwe gulandanga ne gwokya emitwalo gye ŋŋaano oba eŋŋaano ng'ekyamera oba nnimiro, ne bimala bisiriira; akumanga omuliro, talemanga kuliwa.”
7“Omuntu bw'ateresanga munne effeeza oba ebintu, ne bamala babibbira mu nnyumba ye; omubbi bw'anaalabikanga aliwanga emirundi ebiri. 8Omubbi bw'atalabikanga, nannyini nnyumba asembereranga Katonda, okulaba oba nga teyateeka mukono gwe ku bintu bya munne.#Kuv 21:6, Ma 25:1 9Bwe wabangawo okukaayana olw'ebintu oba olw'ente, oba olw'endogoyi, oba olw'endiga, oba olw'engoye, oba olwa buli kibuze, omuntu ky'ayogerako nti, ‘Kye kino,’ ensonga ey'abo bombi ereetwanga eri Katonda; oyo Katonda gw'asaliranga omusango, aliwanga emirundi ebiri.”
10“Omuntu bw'ateresanga munne endogoyi, oba ente, oba endiga, oba nsolo yonna; nayo n'emala efa, oba n'erumizibwa, oba n'ebbibwa nga tewali muntu alaba; 11ekirayiro kya Mukama kibeeranga wakati waabwe bombi, oba nga teyateeka mukono gwe ku bintu bya munne; nnannyiniyo akikkirizanga, so taliwanga.#Beb 6:1 12Naye bw'ebbibwanga ku ye, amuliyiranga nnannyiniyo.#Lub 31:39 13Bw'etaagulwataagulwanga, agireetanga ebe omujulirwa; tamuliyiranga olw'etaaguddwa.”
14“Era omuntu bw'asabanga ekintu eri munne, ne kyonooneka, oba ne kifa, nga nnannyinikyo taliiwo, talemanga kumuliyira. 15Nnannyinikyo bw'abangawo, tamuliyiranga; naye bwe kibanga kyapangisibwa, omuwendo gw'okupangisa gunaamalanga.”
16“Era omuntu bw'asendasendanga omuwala omuto atannayogerezebwa n'amala amwonoona, talemanga kuliwa bintu eby'obuko ku lulwe alyoke abeere mukazi we.#Ma 22:28,29 17Kitaawe bw'anaaganiranga ddala okumumuwa, aliwanga ku muwendo ogw'okwogereza abawala abato.”
18“Omukazi omulogo tomulekanga nga mulamu.”#Leev 20:27, 1 Sam 28:3
19“Buli asulanga n'ensolo, talemanga kuttibwa.”#Leev 20:15,16
20“Awangayo ssaddaaka eri katonda yenna, wabula eri Mukama yekka, azikiririzibwanga ddala.”#Ma 13:1-15; 17:2-5
21“Era munnaggwanga tomuyisanga bubi, so tomulumyanga; kubanga mwali bannamawanga mu nsi ey'e Misiri.#Leev 19:33,34 22Buli nnamwandu ne mulekwa temubabonyaabonyanga.#Ma 24:17, Is 1:17,23, Zek 7:10 23Bw'onoobabonyabonyanga n'akatono, bwe banankaabiranga nze, siiremenga kuwulira kukaaba kwabwe;#Yob 34:28, Luk 18:7, Yak 5:4 24era obusungu bwange bulyaka nnyo, nange nnaabattanga n'ekitala; ne bakazi bammwe baliba bannamwandu, n'abaana bammwe bamulekwa.”#Zab 109:9, Kung 5:3
25“Bw'owolanga effeeza omu ku bantu bange abaavu, tomubanjanga ng'omuwozi w'ensimbi bw'abanja, n'omusaba amagoba.#Leev 25:35-37, Ma 23:19,20, Nek 5:7 26Bw'osingirwanga ekyambalo kya munno, okimuddizanga ng'enjuba tennagwa;#Ma 24:12,13, Ez 18:7,16, Am 2:8 27kubanga ekyo kye kimubikka kyokka, kye kyambalo kye eky'omubiri gwe; aneebikka ki? Awo, bw'anankaabiranga, nnaawuliranga; kubanga nnina ekisa.”
28“Tovumanga Katonda, so tokolimiranga omukulu w'abantu bo.”#Bik 23:5, Yud 8
29“Tolwanga kuwaayo ku bungi obw'ebibala byo n'envinnyo yo. Omubereberye mu baana bo omumpanga.#Kuv 13:2 30Bw'otyo bw'onookolanga era n'ente zo, n'endiga zo: ennaku musanvu ebeeranga ne nnyina waayo; ku lunaku olw'omunaana ogimpanga nze.”#Leev 22:27, Ma 15:19
31“Era munaabanga abantu abatukuvu gye ndi; kyemunaavanga mulema okulya ku nnyama ensolo gye zisse mu nsiko; mugisuuliranga embwa.”#Kuv 19:6, Leev 22:8, Ez 4:14
Currently Selected:
Okuva 22: LBR
Highlight
Share
Copy
Want to have your highlights saved across all your devices? Sign up or sign in
All rights are reserved to the Bible Society of Uganda.
Okuva 22
22
1“Omuntu bw'abbanga ente, oba endiga, n'amala agitta oba kugitunda; azzangawo ente ttaano olw'ente, n'endiga nnya olw'endiga.#2 Sam 12:6, Luk 9:8 2Omubbi bw'alabibwanga ng'asima n'akubibwa n'amala afa, tewabanga musango gwa musaayi ku lulwe. 3Oba enjuba bw'eba ng'evuddeyo ku ye, wabanga omusango ogw'omusaayi ku lulwe, kimugwanidde okuliwa; oba nga talina kintu, atundibwanga olw'okubba kwe.#Kuv 21:2, Mat 18:25 4Kye yabba bwe kirabikanga mu mukono gwe nga kikyali kiramu, oba nte, oba ndogoyi, oba ndiga; azzangawo bbiri.”
5“Omuntu bwalekanga ensolo ye okuliira mu lusuku oba mu nnimiro ey'emizabbibu, ensolo n'egenda erya mu lusuku olw'omuntu omulala; aliwanga ku by'olusuku lwe ebisinga, ne ku by'ennimiro ye ey'emizabbibu ebisinga.”
6“Omuliro bwe gulandanga ne gwokya emitwalo gye ŋŋaano oba eŋŋaano ng'ekyamera oba nnimiro, ne bimala bisiriira; akumanga omuliro, talemanga kuliwa.”
7“Omuntu bw'ateresanga munne effeeza oba ebintu, ne bamala babibbira mu nnyumba ye; omubbi bw'anaalabikanga aliwanga emirundi ebiri. 8Omubbi bw'atalabikanga, nannyini nnyumba asembereranga Katonda, okulaba oba nga teyateeka mukono gwe ku bintu bya munne.#Kuv 21:6, Ma 25:1 9Bwe wabangawo okukaayana olw'ebintu oba olw'ente, oba olw'endogoyi, oba olw'endiga, oba olw'engoye, oba olwa buli kibuze, omuntu ky'ayogerako nti, ‘Kye kino,’ ensonga ey'abo bombi ereetwanga eri Katonda; oyo Katonda gw'asaliranga omusango, aliwanga emirundi ebiri.”
10“Omuntu bw'ateresanga munne endogoyi, oba ente, oba endiga, oba nsolo yonna; nayo n'emala efa, oba n'erumizibwa, oba n'ebbibwa nga tewali muntu alaba; 11ekirayiro kya Mukama kibeeranga wakati waabwe bombi, oba nga teyateeka mukono gwe ku bintu bya munne; nnannyiniyo akikkirizanga, so taliwanga.#Beb 6:1 12Naye bw'ebbibwanga ku ye, amuliyiranga nnannyiniyo.#Lub 31:39 13Bw'etaagulwataagulwanga, agireetanga ebe omujulirwa; tamuliyiranga olw'etaaguddwa.”
14“Era omuntu bw'asabanga ekintu eri munne, ne kyonooneka, oba ne kifa, nga nnannyinikyo taliiwo, talemanga kumuliyira. 15Nnannyinikyo bw'abangawo, tamuliyiranga; naye bwe kibanga kyapangisibwa, omuwendo gw'okupangisa gunaamalanga.”
16“Era omuntu bw'asendasendanga omuwala omuto atannayogerezebwa n'amala amwonoona, talemanga kuliwa bintu eby'obuko ku lulwe alyoke abeere mukazi we.#Ma 22:28,29 17Kitaawe bw'anaaganiranga ddala okumumuwa, aliwanga ku muwendo ogw'okwogereza abawala abato.”
18“Omukazi omulogo tomulekanga nga mulamu.”#Leev 20:27, 1 Sam 28:3
19“Buli asulanga n'ensolo, talemanga kuttibwa.”#Leev 20:15,16
20“Awangayo ssaddaaka eri katonda yenna, wabula eri Mukama yekka, azikiririzibwanga ddala.”#Ma 13:1-15; 17:2-5
21“Era munnaggwanga tomuyisanga bubi, so tomulumyanga; kubanga mwali bannamawanga mu nsi ey'e Misiri.#Leev 19:33,34 22Buli nnamwandu ne mulekwa temubabonyaabonyanga.#Ma 24:17, Is 1:17,23, Zek 7:10 23Bw'onoobabonyabonyanga n'akatono, bwe banankaabiranga nze, siiremenga kuwulira kukaaba kwabwe;#Yob 34:28, Luk 18:7, Yak 5:4 24era obusungu bwange bulyaka nnyo, nange nnaabattanga n'ekitala; ne bakazi bammwe baliba bannamwandu, n'abaana bammwe bamulekwa.”#Zab 109:9, Kung 5:3
25“Bw'owolanga effeeza omu ku bantu bange abaavu, tomubanjanga ng'omuwozi w'ensimbi bw'abanja, n'omusaba amagoba.#Leev 25:35-37, Ma 23:19,20, Nek 5:7 26Bw'osingirwanga ekyambalo kya munno, okimuddizanga ng'enjuba tennagwa;#Ma 24:12,13, Ez 18:7,16, Am 2:8 27kubanga ekyo kye kimubikka kyokka, kye kyambalo kye eky'omubiri gwe; aneebikka ki? Awo, bw'anankaabiranga, nnaawuliranga; kubanga nnina ekisa.”
28“Tovumanga Katonda, so tokolimiranga omukulu w'abantu bo.”#Bik 23:5, Yud 8
29“Tolwanga kuwaayo ku bungi obw'ebibala byo n'envinnyo yo. Omubereberye mu baana bo omumpanga.#Kuv 13:2 30Bw'otyo bw'onookolanga era n'ente zo, n'endiga zo: ennaku musanvu ebeeranga ne nnyina waayo; ku lunaku olw'omunaana ogimpanga nze.”#Leev 22:27, Ma 15:19
31“Era munaabanga abantu abatukuvu gye ndi; kyemunaavanga mulema okulya ku nnyama ensolo gye zisse mu nsiko; mugisuuliranga embwa.”#Kuv 19:6, Leev 22:8, Ez 4:14
Currently Selected:
:
Highlight
Share
Copy
Want to have your highlights saved across all your devices? Sign up or sign in
All rights are reserved to the Bible Society of Uganda.