Psalms 148
148
Piraksriun Nanġaquvlugu God Sumiipayaaqtuanun
1Nanġaqsiuŋ Ataniq!
Nanġaqsiuŋ Ataniq qiḷaŋmiñ,
iñuuruasii qutchiksuani pamani.
2Nanġaqsiuŋ, iluqasi isaġuliuruasii,
nanġaqsiuŋ iluqasi qiḷaŋmi iñugiaktuasii.
3Nanġaqsiuŋ, siqiñiiq suli tatqiiq;
nanġaqsiuŋ, qaummaġiksuasii uvluġiat.
4Nanġaqsiuŋ, qutchigñiqsrami qiḷaŋmi,
suli immat qulaaniittuat qiḷaum.
5Iluqaġmiŋ nanġaġlirruŋ atqa Atanġum,
piraksriiŋaruq, aasii tavra savaaguŋarut;
6Ilaata inillaktaġiŋaniġaich taimuŋa isuitchuamiñ isuitchuamun,
pitquraliuŋaruq piiġumiñaitchuamik.
7Nanġaqsiuŋ Ataniq nunamiñ,
taġium niġrułłuŋich suli iluqavsi taġium itiruaŋich;
8igniġuuqpatitaqtuat natatquġnallu, apun suli nuviyat,
anuġiqpaiḷḷu kamaksriruat ilaata piraksriutaanik.
9Nanġaqsiuŋ ilaa, iġġiḷḷu qimiqqallu,
siiġñat napaaqtuŋiḷḷu iluqaġmiglu napaaqtut cedar;
10niġrułłuiḷḷu pamiqsaallu,
paamġuġuuruallu tiŋmiallu.
11Nanġaqsiuŋ ilaa, umialguruasii iñupayaurallu,
qaukłiuruallu iluqaġmiglu atanaurauruat nunami;
12niviaqsiallu nukatpiallu,
utuqqanaallu miqłiqtullu.
13Nanġautiqaġlich atqanun Atanġum!
ilaan kisimi atiŋa kamanałhaaqtuaguruq allaniñ;
ilaan qaumanġa qulaaniittuq nunavlu qiḷauvlu.
14Nunaqpani ilaan suaŋasipkaŋagaa,
tavraasii iluqaġmiŋ iñuŋisa nanġaġuugaat—
Israel-miut, ilaanun qanittuat.
Nanġaqtauli Ataniq!
Currently Selected:
Psalms 148: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
