Proverbs 23
23
-6-
1Aquvitkuvich niġiqatigisaġlugu iñuk nuimaruaq,
itqaumalutin kiutilaaŋa.
2Niġġiqsuguvich,
niġiqpatchaiḷiiñ.
3Niġiñialaqpagnagi iluqaisa niqilluatat maniraŋich;
Pisaasuġmialaviaġaatin.
-7-
4Isumattutin atuġlugu ilignun
iluiḷḷiġñak umiallagnialalutin.
5Maniiñ nuŋuniaqtuq akkupauraq,
isaġunikhuni tiŋiruatun tiŋmiaqpaktun.
-8-
6Niġiñak niġġiviani sigñaturuam
naaggaunnii niġiyumalaaġnagi kaviuġnaqtuat niqiŋi.
7“Qaiḷutin niġivsaaġiñ,” uqallaktuq,
aglaan isumamiñi tainna isumaqaŋitchuq.
Isumagiramisun iñuusiŋa ittuq.
8Miġiaġniaġitin niġigaluaqtatin,
aasii nanġautigigaluaqtatin asiñun ittut.
-9-
9Kaŋiqsipkaġniaġnagu isumalluaġiitchuaq;
naalaġniñiaŋitchuq.
-10-
10Nuunnagu utuqqaq nutim nalunaiñŋutaŋa nunam
naagga piññaktaaġiniaġlugu aŋayuqaagitchuam nunaŋa.
11Ataniq tasuqsaqtiŋat suaŋaruaq uqaqtigigaat,
aasii ilaan akiḷḷiġiniaġaatin uqaqsitaaġvigmi.
-11-
12Naalaġniuŋ iḷisaurriñ
suli iḷisaġlutin pisuqtilaaqtun.
-12-
13Siḷġiqsuŋiññagich miqłiqtut.
Pattakkupkich tuquniaŋitchut.
14Amiami, annautiniaġugnaġaich tuqqunmiñ.
-13-
15Miqłiqtuuŋ, isumatusiguvich,
quviaginiaġiga.
16Kamasugniaqtuŋa
tusaagupkiñ uqaqtuatin isumatuvlutin.
-14-
17Tusunagich piḷuktuat iñuich;
qiksikkutiqaġniq Ataniġmun iñuggutiġniilli.
18Tavraasii niġiukkutiqaġniaqtutin piyumaaġtuanik.
-15-
19Tusaaŋŋa, miqłiqtuuŋ, isumalaalluataġiñ;
qanuq ilvich iñuuniaġnikkun.
20Nayuutinak iñugnun immaġluyuktuanun
naagga niġġiqsuvaitchuanun.
21Immaġluyuktuallu niġġiqsuvaitchuallu suiḷḷiuliġñiaqtut.
Niġisiññaqtuaġutillu siñiksiññaqtuaġutillu piguvich annuġaaluktuliġñiaqtutin.
-16-
22Naalaġniuŋ aapan; iñuguŋanayaitchutin piitpan.
Aakan utuqqalikpan, iḷisimapkaġuŋ quyyatiqaqtilaaġnik ilaanun.
23Iḷumun ittuaq, isumatuniq, iḷitchiḷḷaniq suli kaŋiqsiummatiqaġniq—
taapkua akiḷiġḷuqtumunnii pigiruni suŋitchuq,
aglaan akiŋat akisuruq tuniñiaġupkich.
24Iluaqtuakun iñuuruam aŋayuqaaŋik patchisiqalluataqtuk quviagigumirruŋ.
Kamasuutigiyumiñaġiñ isumaturuaq miqłiqtun.
25Aapakpiḷḷu aakakpiḷḷu kamasuutigilisin;
aakan quviasuutiksrirruŋ.
-17-
26Naalaġniḷḷuataġiñ, iġñiiŋ;
iñuusiġa tuvraaksriutauli iliŋnun.
27Akiitchuq aġnaq mitaiḷatun pututun ittuq
allatukti aġnaq niġukitchuatun nivviatun inmiuq.
28Utaqqiuġuurut tigligayuktitun
aasii aŋun allatuqtiłługu.
-18-
29-30Qiñiqtinŋa iñugnik immaġluguuruanik, uuktuaqtuksrausuuruanik qiññaġiksuanik taaŋŋaġnik;
aasii qiñiqtinniaġikpiñ iñugnik quviasuutaitchuanik suli inmignun nagliksraqtuanik, iluiḷḷiuqtitchiŋaiyuiḷaallu uqaviḷuŋaiyuiḷaallu.
Iriŋich kaviqsiŋarut,
aasii suli tigluuraqtaŋarut itchumiñaitkaluaqtuanik.
31Wine-mun piraġipkaġnak, kavviaġikkaluaqpan;
suli qivliatitaġuni qallunmi, suli iiruni nakuummiuq.
32Uvlaaku uvlaami inniaqtutin kiiraŋatun,
tuqunaligum nimiġiam.
33Iluaŋitchuat qiñiġiat sivuġaani irrakpich inniaqtuq;
suli isumasuiññiaqtutin naagga uqalluatayuiññiaqtutin.
34Taġiumiittuatun irrusiñ inniaqtuq, miġiaqsunŋulutin;
takpauŋa qaiḷḷiġum aŋalallutin uvaaqataaqtuami umiami.
35“Anausugnaġniġaanŋaimña,”
uqallagniaqtutin, “Piyugugnaġniġaanŋaimña, aglaan itqaumaŋitchuŋa.
Summan imña itiyuitpik?
Taaŋŋavsaaqtuksrauruŋa.”
Currently Selected:
Proverbs 23: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
